MON COUSIN LE DUC DE WURTEMBERG, PRINCE DU SAINCT EMPIRE

Mon Cousin, Les difficultez se trouvans en efifect telles qu'il vous a esté représenté sur le contract qui vous a esté passé par le s' de Sancy, de mes terres des Pays Bas \ l'on vous a ouvert le moyen qu'on a pensé le plus prompt pour vous donner satisfaction, d'ailleurs, de ce qui vous peult estre raisonnablement deu, qui estoit de prendre du domaine de ma couronne. Mais puisque vous ne l'avez eu agréable et que vous desirez que ce soit en argent, au dell'ault du dict contractée feray rechercher les meilleurs moyens qui se pourront trouver pour vous en satisfaire : ce qui toutesfois ne pouvant estre de quelque temps pour Testât où sont mes affaires et les grandes charges qu'il me convient soubztenir pour résister aux effortz que les

' Voyez ci-dessus la procuration donnée par le Roi, pour opérer un emprunt en engageant son domaine, p. 356.

ennemys continuent et se proposent de faire contre moy plus grandz qu'ilz n'ont encores faict, comme c'est chose trop notoire, je n'ay estimé à propos de retenir le cappitaine Saige plus longuement en ceste poursuicte, ayant advisé de le vous renvoyer, attendant que je puisse avoir la commodité de ponrveoir à vostre payement, dont l'assignation que vous désireriez avoir sur quelques marchans de ma ville de Lyon ne peult avoir fondement, parce qu'il n'y a rien en ma disposition de ce costé \èt qui ne soit engaigé dés le temps du feu Roy .pour plus qu'il ne sçauroit monter de quelques années, de sorte que mesmes je n'en puis estre aucunement subvenu en mes urgentes nécessitez, qui me pressent tellement, que s'il y avoit quelque chose en la dicte ville dont je me pusse prévaloir, ce qui concerne la conservation de mon Estai v devroil, par raison, y tenir le premier lieu, comme d'icelle despend le moyen de satisfaire à ceulx qui y auront porté de l'ayde et assistante, ainsy que de vostre part vous avez faict. Et quant à ce que par vostre lettre vous dictes avoir mis entre les mains du sr de Gainant la vérification des cent mil escuz de vieilles dehtes, je croy que voz officiers, sur lesquelz vous vous en pouviez estre reposé, le vous auront ainsy faict entendre; mais si cela eust esté , ils ne vous eussent laissé bailler audict de Sancy vostre promesse de luy fournir la dicte vérification, comme il m'a asseuré de l'avoir pardevers soy. Et vous diray de plus que les antiens officiers de ceste couronne, qui ont eu congnoissance par le passé des affaires d'icelle, disent que , au lieu de devoir, il luy est deu par la maison de \\ertemberg la somme de cent cinquante mil escuz; ce que je ne vous allègue pour en demander payement, quand cela se Irouveroit véritable, mais affin que vous jugiez d'aullant mieulx que c'est avec une grande raison cjue ceulx qui ont à respondre de l'administration des finances de ce Royaulme demandent la sus dicte vérification. Qui est tout ce que je puis pour ceste heure respondre au contenu de vostre dicte lettre; vous asseurant neantmoings que non seulement je désire vous rendre satisfaict de tout ce que je vous puis debvoir, mais nissy recongnoistre les plaisirs que vous m'avez faietz, par tous les

moyens que je pourray, ainsy que vous le congnoistrez aux occasions qui s'en présenteront : priant Dieu vous avoir, mon Cousin, en sa saincte garde. Escrit à Laon, ce vnje jour d'aoust i5g4.

HENRY

BEVOI..

Orig. — Archives de là famille Aerssen. Communication de M. Vreedc, professeur de droit public, correspondant du ministère de l'Instruction publique.