MON COUSIN LE DUC DE JOYEUSE, MARESCHAL DE FRANCE

Mon Cousin , Il est très nécessaire que mes serviteurs veillent sur les actions de mes ennemys de tous costez, car ils me menacent et se pre-

parent aussy pour entreprendre sur moy de toutes parts; pour ceste cause vous avés 1res bien faict d'estre allé à Narbonne et de là visiter la frontière, comme vous ferés, de vous y tenir, pour par vostre présence pourveoir aux défauts qui y sont. Mon Cousin, il faut faire rapporter en la dicte ville de Narbonne les canons qui y estoient devant la guerre, car il est impossible d'en recouvrer d'aullres ailleurs assez tost pour y mettre. J'entends qu'ils ont esté départis et portez en divers lieux où ils sont de présent aussy inutiles qu'ils sont nécessaires là. Il faut aussy ramasser les poudres, boulets à canon qui sont répandus en divers lieux. Puisque Dieu nous a faict la grâce de changer nos guerres domestiques en une estrangere, il faut tourner toutes nos pensées, forces et actions contre nostre ennemy. Je seray 1res aise que vous ayés yeu mon cousin le duc de Ventadour afin de considérer ensemble ce que vous aurés à faire pour mon service en ces occasions, car vostre union et bonne intelligence vous rendra tousjours plus forts; mais je n'approuve pas ces courses et ravages que aulcuns font dedans le pays ennemy, car cela ne sert qu'à enriebir quelques particuliers et ne l'endommagent aucunement. Mon cousin le conestable en a adverly le dict duc de Ventadour afin qu'il les fasse cesser de son costé, comme je vous prie faire du vostre. Or je voudrois que chascun tournast les forces que je luy entretiens dedans le pays à la frontière pour la mieulx garder; car il est impossible que nous gardions les places qui sont dans le pays et pourvoyons ensemble comme il faut à celles de la frontière; et si nous défendons bien celles-cy, il ne mesadviendra des aultres, car estant bien unis comme vous estes par delà, grâces à Dieu, on ne entreprendra rien les uns sur les aultres. Au moyen de quoy je vous prie, mon Cousin, faire approcher de la frontière les cinq cens hommes que je vous entreliens, car quand nostre ennemy sçaura cela, je m'asseure qu'il se gardera bien d'en approcher. J'ay commandé à mon dict cousin le conestable d'en faire aultant au département du dict duc de Ventadour; mais si vous n'y employez les dictes forces , vous n'aurés moyen d'en avoir d'aultres pour le faire, car le pays ne peut entretenir tant de gens, et je n'ay moyen

de vous secourir d'icy. Je vous prie doncques de me faire ce service el exciter les aultres à faire le semblable par vostre exemple et vous me augmenterés la bonne volonté que j'ay de vous aimer et me servir de vous. J'escris présentement à ceulx de mon conseil qu'ils advisent à vous secourir de quelque argent pour reparer vos bresches et munir vos places comme vous m'en avés prié par ce porteur; mais je ne sçay s'ils le pourront faire, tant j'ay besoin par deçà de toutes mes pièces pour conserver mon armée et faire teste à nostre ennemy en ceste province et en Champagne. S'ils ordonnent et vous assignent quelque chose pour cela, je vous prie tenir main que le tout soit bien mesnagé; et encore qu'ils ne le puissent faire, ne laissés à vous ayder le mieulx que vous pourrés. Il fault faire de nécessité vertu, comme souvent je suis contrainct de faire de deçà, ainsy que vous dira le dict porteur, avec l'arrivée des depputez de ma ville de Thoulouse, desquels j'ay receu tout contentement. Je ne m'en promets pas moings, mon Cousin, de la continuation de vostre affection au bien de mon service; aussy pouvés-vous faire estât certain de ma bonne volonté. Je prie Dieu, mon Cousin, qu'il vous ayt en sa saincte garde. Escript à Abbeville, le xxvije jour de juin 1 5p,6.

HENRY

DE NEUFVILLE

1596. l l JUILLET.

Ori^. — Archives de la famille de Sainte-Aulaire.