A MON COUSIN M. DE BURGHLEY, GRAND TRESORIER D'ANGLETERRE

Mon Cousin, Je me suis tant plainet à vous par le passé des traverses qu'on nous faisoit en l'exécution de nostre paix, que je desirois un meilleur argument de vous escrire, tel que j'esperois par ceste dernière conférence, pour loyer de la longue patience que nous avons eue en tant d'injustices et d'attentatz contre nous, qui nous ont faict plus de mal qu'une guerre ouverte. Mais je crains qu'il ne nous en soit revenu tout au contraire; car sans vouloir entendre à noz plainctes et sans avoir esgard à la condition portée par exprés que nous rendrions les places, moiennant l'exécution de l'edict, on nous menace de la guerre à faute de les rendre, comme ainsi soit qu'il ne soit effectué ny en aucune province, ny en aucun article, et qui plus est, pendant que j'envoye traicter avec le Roy mon seigneur et luy présenter nos très humbles requestes et remonstrances sur ce faict, monsr de Montmorency prend les armes en Languedoc'2, et le ma-

Suscription d'une main moderne. 2 Le maréchal de Damvitle , devenu de-

(Voyez Lettres missives, t. I, p. 375, une puis duc de Montmorency, s'était des

lettre sur le même sujet et du même jour, longtemps déclaré contre les protestant';, au comte de Sussex.)

reschal de Biron faict cinq ou six entreprises sur nos meilleures places et celles mesmes qui nous furent baillées par la paix de3. . . . pour six ans. En ceste perplexité je ne puis mieux implorer que le bon, sage et prudent conseil de la Roine vostre maistresse, qui a tousjours daigné estre le recours des pauvres oppressez, et vous prie affectionnement, mon Cousin, d'estre occasion qu'elle nous face ce bien de le nous donner pour nous guider au dangereux chemin où nous sommes; et par ce que le sr Du Plessis4, que connoissez, vous en dira d'avantage, m'estant bien affectionnement recommandé en voz bonnes grâces, je prieray Dieu vous donner une santé heureuse cl longue vie. De Nerac, ce ije mars.

Vostre entier cousin et parlait amy, HENRY.

1580. 2 MARS. - Iln".

Orit'. Archives de la famille Des Cars.