LE ROY DE NAVARRE, AUX CONSULS DE LA VILLE DE LECTOURE

Chers et bien amés, D'aultant que nous avons ordonné au cappitaine Conte ' de faire faire quelques réparations et fortiffications nécessaires en nostre chasteau de Lectore qui ont esté desjà expousées au rabais et moings disant ne pouvant estre faicles à moings de cinq cens livres, ainsi que nous avons veu par le procès- verbal de nos officiers, nous avons ordonné en estre employé de nos deniers la somme de cent escus. A ceste cause, vous ferés chose qui nous sera fort agréable de faire fornir les deux cens livres du surplus au lieu des munitions que vous avés promis bailler pour mettre dans le dict chasteau oultre la solde de quatre soldats. Il y va en cecy plus de l'interesl et conservation des habitans de la dicte ville que du nostre particullier; par quoy vous vous evertuerés à subvenir de vos moyens en ceste occasion, selon la bone volunté et affection que nous nous promectons de vous à nostre service. Et nous asseurant que ainsi ie fairez, prierons Dieu, chers et bien amés, vous avoir en sa saincte guarde. A Nerac, ce xxvnjejour de janvier i582.

HENRY

DE BICOSE.

Voyez la lellre précédente du 17 janvier.