À DIVERS

Orig. — Musée Britaim. Bibl. Collon. Vespasien, F. m, folio 69 verso. Copie transmise par M. Delpit.

Mon Cousin, Nous sçavons que noz ennemys n'auront failly faire entendre partout le succès de la bataille dernièrement donnée en ce païs, et d'avanture plus avantageusement qu'il n'a esté; et si, pensons bien d'aultre part que, pour l'affection que vous avez à nous et à nostre cause, vous ne serez sans soing et incertitude bien ennuyeuse d'en sçavoir la vérité. A ceste cause, nous avons prié monsieur le cardinal, noslre cousin et oncle, vous en l'aire voir ung discours que nous en avons envoie au vray, ensemble ce que luy en avons escript, affin que vous voiez et le passé et le présent, et par là cognoissiez qu'il y a, à ceste heure plus que jamais, et besoing et occasion de nous secourir, c'est à dire d'ayder à ceulx qui , pour parer, les coups au devant de tous ceulx qui font profession d'eslre délivrez du joug de l'antechrist, portent le laix de toutes les forces des princes papistes, assemblez tous contre nous en plus grand nombre que jamais; nous faisons, puisqu'il plaist à Dieu, l'avant-garde. Mais si nous ne sommes soutenus de ceulx qui ont mesmes ennemys que nous, il est à craindre que tout le reste se sentira de nostre ruyne. Au surplus, nous avons expérimenté tant de bons effeetz de vostre zèle à la cause de Dieu, que nous n'estimons estre besoing d'exhortation, mais vous prions, consideransavec la prudence dont Dieu vous a doué ce qui est nécessaire et expédient tant pour son service que pour

la seureté de tous ceulx qui font profession d'estre de son peuple, et singulièrement de la majesté de la royne qui, comme tenant le premier lieu entre les princes de la Relligion, et par aultres particuliers occasions qui vous sont assez cogneues, est la première en la liayne de noz [ennemis]. Sur quoy nous remettant à ce que vous en conferrez plus amplement avec nostre cl ict cousin et oncle, nous ferons fin par affectionnées recommandations à voslre bonne grâce, priant le Seigneur Dieu vous donner, mon Cousin, en parfaicle santé longue et heureuse vie. De Xainctes, ce. . . octobre 1 56(j '.

Yoz bien bons cousins plus affectionnez et meilleurs amys,