PREMIER JUGE SUPRÊME DE L'EMPIRE DU GRAND SEIGNEUR

Cop. — Arch. nat. salle 5, anciennes archives, Ms. 30, fol. a5 verso.

Illustre et magnifique Seigneur1, Nous envoyons vers le grand empereur des Moutsulmans , nostre très cher et parfaict amy, le s'" de .... en qualité de nostre ambassadeur particulier, pour luy faire entendre les occasions que nous avons de nous plaindre d'aulcuns corsaires de Barbarye, ses subjects, lesquels au mespris et contemnement de nostre amilyé et alliance se sont licentiez à faire des prinses sur nos vaisseaux d'aulcuns jeunes hommes et de grande quantité de marchandises, appartenant à nos subjects, tant de nostre ville de Marseille que d'aultres endroicts de nostre royaulme , trafiquans es pays de Sa Haultesse, laquelle, je m'asseure, estant bien informée de tels comportemens, les treuvera si contraires à ce qui est deu à l'entretennement de nostre antienne alliance, que nous estimons, oultre qu'Elle ordonnera de mestre nos dicts subjets en liberté, et la restitution des marchandises estre faicte, Elle voudra encores faire punir ceulx qui ont abusé de son authorité, pour contenir les aultres par cest exemple à ne prendre semblable licence. En quoy de vostre part- nous voulons croyre que vous nous y rendrez vos bons offices, procedans de l'amityé et bonne volonté que vous nous portés

ainsy que le dict sr de , nous a tesmoigné de vostre

part, nous remestant à luy à vous faire entendre combien nous avons eu agréable ceste déclaration et Testât que nous en faisons, vous

priant d'adjouster foy à la créance du dict sr , en ce qu'il vous

dira là dessus de ma part, comme vous fériés à nous mesmes. Priant Dieu, etc.

1 Rapprocher la présente lettre des précédentes au Grand Seigneur et au Premier Bassa.