AU PREMIER PRÉSIDENT DU PARLEMENT DE NORMANDIE

Cop. — Arcli. nat. salle 5, anciennes archives. Ms. 30, fol. i36 recto.

Monsr le Président1, Le secrétaire qui est près de moy de la pan de la royne d'Angleterre, en l'absence de son ambassadeur, m'a remonstré par forme de plainte que les fermiers des impositions qui se lèvent sur les marchandyses en ma ville de Caen ne se contentent de prendre des marcbans angloys qui y trafiquent les coustumes ordinaires, ains les veulent contraindre de payer des impositions nouvelles et extraordinaires contre le debvoir de la paix et amitié qui est entre nous et nos royaulmes et, qui pis est, y procèdent injurieusement jusques à les menasser de leurs vies, chose que non seulement je ne veux estre tolérée, mais au contraire qui estant trouvée véritable il soyt faict punition de ceulx qui en seront coupables tels que le faict mérite, et que la dicte dame et ses subjects congnoissent combien semblables exactions et injures sont esloignées de mon intention. A cesle cause, je vous prie faire informer dilligemment sur les dictes plaintes, après avoyr ouy ceux qui les font, sur les causes d'icelles, ensemble sur les moyens de les vérifier; sy aulcuns se trouvent avoyr commis telles fautes, en faire faire chastiment de sorte qu'il serve d'example à l'advenyr, donnant neantmoins ordre, incontinent la présente receue, que les subjects de la dicte dame ne

1 Évideniment au premier président du parlement de Normandie, séant à Caen La lettre serait de i5g/i.

soyent vexés ny molestés en leurs traligs par impositions oullre ce qui est accoustumé, et que en toutes choses ils soyent traiclés le plus favorablement et [gracieusement?] qu'il sera possible, ainsy qu'il convient à l'entretenement d'une bonne paix entre princes et Estats amiz. Et parceque l'on m'a aussy louché quelque mol de semblable rigueur exercée envers ceulx des Pays Bas trafiquant aussy en ma dicte ville, vous ferez la cherche et donnerez l'ordre pour tous que vous jugerez estre requis selon mon intention sus dicte. Au demeurant, il a estécy devant conduit du dict pays d'Angleterre en ma dicte ville, quantité d'habillemans à soldats, comme juppes et pourpoints, chausses, chemises, bottes et solliers, que y sont encores en la garde d'un nommé. . . , marchand anglois, ayant esté apportés pour mon service. Je veux aussy que vous tenyés la main à ce que ceulx qui en ont la charge ne soyent molestés, et qu'il n'y soyt touché par aulcun arrest

ny imposition en payant seulement parle dict ce qu'il a accordé

pour le louage de la maison où il les tient, comme je m'asseure que vous pourvoyerés sy bien à tout qu'il m'y viendra plus aulcune plainte. Priant Dieu, etc.