A MONSR DE LA ROCMEPOT

Cop. — B. N. Fonds Bétliune, Ms. 3456, loi. 92 recto.

Monsr de la Rochepot1, J'ay receu avec vos lettres du 27 du passé l'interogatoire que vous avez faict faire suivant ce que je vous avois commandé au lieutenant par" de ma justice de ma ville d'Angers, et ay esté bien ayse d'entendre qu'il n'ayt poinct tenu le langage contenu au mémoire que je vous avois envoyé; car ce seroit chose trop indigne d'un suhject et esloigné du respect qu'il doiht à son roy; mais parce qu'il m'a semblé qu'il seroit bien à propos de s'esclaircir davantage de cest affaire pour le poids et conséquence d'icelle, je désire que vous fassiez aussy interroger le président des esleuz de la dicte ville d'Angers, qui est celuy à qui les paroles ont esté dictes, afin de voir si parce moyen il s'en pourra tirer plus de lumière, estimant que pour cest eifecl il sera besoing de les confronter et faire parler l'nng et l'aultre en vostre présence. A quoy je vous prie de donner ordre et m'advertir de ce que vous en apprendrez; vous voulant bien dire que j'ay ajecordé au sr de Chasteauroux qu'il puisse demeurer dans le chasteau de Vezins pour la conservation d'iceluy, sur l'asseurance que j'ay prise d'en estre bien fidèlement servy, et aussy qu'estant connu du possesseur de ceste charge par le moyen de la réduction d'icelle où il s'est employé, il m'a semblé qu'il n'estoit pas raisonnable de l'en refuser ny de luy desnier ceste faveur, estant gentilhomme de bonne part, et de qui ceste couronne a receu de bons services. Quant à Goberdiere qui faict courir le bruict que je luy ay accordé un régiment de dix compagnies de gens de pied dont il dict

1 Anloine de Silly, seigneur de la Ro- 1 5 cj 2 . (Voyez Lettres missives , t.III,p.G4o cliepot , élail gouverneur d'Anjou eu n. 2.)

avoir les commissions , je vous advise que cela est faux , et qu'il met ce bruict là en avant pour autoriser les levées qu'il prétend faire au désavantage de mon service; au moyen de quoy je vous prie, si vostre santé le vous permet, de monter à cheval avec le plus grand nombre de voz amys que vous pourrez assembler, luy courir sus, ensemble aux troupes qu'il aura commencé de lever, elles tailler en pièces, soit que le dict Goberdiere fasse les dictes levées dedans vostre gouvernement ou en mon pays du Maine où vous vous pouvez estendre et advancer pour un si bon effecl; car vous ne me sçauriez faire ung service plus à propos, et duquel j'allendray de voz nouvelles en bonne desvotion, priant . . .

[HENRY

A MONS" DE ROGYER.

Orig. autographe. — Archives de la famille de Montalembert. Communication de M. le comte Charles de Montalembert.

Mons'' de Rogycr, J'ay laid mandement au comte de la Roche Foucauld1 de me venir trouver à la Rochelle avec le plus de ses amys qu'il pourra reunir. Faictes en de. mesme en vos quartiers, et l'allés joindre, je vous prie, pour me venir quant et luy. Je vous ay depesché, a deux jours, par la Garde, la commission que demandés; je m'asseure qu'en aurés esté content, et ne seray jamais plus tardif en tout ce qui vous pourra satisfaire, faisant tel estât de vos services que le méritent , et désirant plus qu'aulcun les recognoislre à leur valeur. C'est

Vostre plus asseuré maistre et amy, HENRY.

Ramenés moy la Garde en vostre compagnie.

1 Ce mandement est du 16 décembre ce qui détermine la date de la présente 1 588 (voyez Lettres missives , t. II, p. bob), lettre".