DES POTIERS D'ESTAING

1. Item, que toute fine œuvre d’estain sera merquié deux foiz, par quoy cil xivVsiède. qui l’acateront le puissent apperchevoir.

2. Item, se une cane est trouvée et elle n’est de la loy soulFisamment faicte, elle sera esquatie, et paiera cilz qui le dicte cane fist deux solz.

3. Item, se un pot de lot est trouvés qu’il ne soit de boin aloy, il sera esquatis et en paiera douze deniers, et de un demi lot vi deniers, et des menuez piechies de cascune iv deniers, et seront toutez esquatiez.

4- Item, se grans plas, platiaux est trouvés qu’il ne soit de boin aloy, il sera esquatis et en paiera douze deniers d’amende.

5. Item, que tous pos de lot poisent iii libres du mains, et les menus pos à l’avenant, sur le dicte amende, et doit avoir d’aloy à le fine œuvre 4 librez au cent, et à celle qui n’est mie fine doit avoir au cent le quarte partie d’aloy, et que chascun pot, soit de lot, de demi lot et de pinte, aient chascun de lisière un pauch oultre le droite mesure estans en nostre esquevinage, [et qu’ilz y mettent ung cleu d’estain, en signe de ce, sur l’amende de vingt solz et perdre le poterie ‘].