C’EST L’ORDENANCE DE LE CORDERIE
xrv' siècle. Primes, nous avons ordené que blans pions que on dist estouppes ne soient mis aveucblanque canvre, pour les périlz esqiver pour ce que il servent en plusieurs lieux au mestier de le mer.
2. Item, que noir fde pelé ne soit recouvers de blanque œuvre.
3. Item, que viese œuvre ne soit mellée aveuc nœuve, et que toutez desréez embouquiés du dit mestier soient deffendues et ne aient aulcun effect, et espécialment que fd encauchié ne soit ouvrée, pour les périlz qui s’en poent ensievir. Car on le poeut mettre en plusieurs engiens et principalment c’est faulz ouvrage.
4. Item, canvre embouquié, canvre moullié et tous fieux moulliés ne soient ouvrez, et que nulz n’en œuvre par pleuve mettre bas de tille dedens blanque tille. Et que on ne vende devant prime au lundi et au jeudi, pour les marchans estrangers et pour le pourfit commun.
5. Item, que quiconques fera le contraire des poins dessus dis il sera condempnés en amende de lx solz parisis et perdei'a le mestier an et jour.
6. Item, se les dictez desrées de corderie sont trouvées malvaises, ellez seront arses u marquié à le merqac de le ville d’Abbeville , ainsi que acoustumé a esté d’anchienneté.
7. Item, que toutez desrées venans de dehors soient veues et rewardées par les wardes de le ville celiez qui au dit mestier appartiennent.
MODIFICATIONS FAICTES SUR LE DICT MESTIER DE LE CORDERIE ,' LE XIX® JOUR DE DECEMBRE MIL CINCQ CENS CINQUANTE CINCQ.
xvi' siècle. Vcu la remonstrance à nous présentée par lesmaistres, esgardz et maieur de bannière des maistres cordiers de ceste ville d’Abbeville, tendant affin d’avoir jiermission de povoir faire cordeaulx de blanche et bise chanvre de trois filz, pour
les causes portées par la dite remonstrance communicquée au procureur de la ville, et luy sur ce veu l’appoinctement interlocutoire de nous donné, contenant au précédent faire droict sur la remonstrance qu’il seroit informé super comodum aut incomodum, les deppositions des tesmoingz, avys et informations à cesl effect faictes produictz par les dits maieur et eschevins du dit mestier de cordier, et eulx veus et tout ce qu’il faict à veoir et considéi'er, eu advis à bonne et meure délibération de conseil, avons, en entérinant la dite requeste, permis et permettons aus dits maistres cordiers de ceste dite ville de faire cordeaulx de blanche et bise chanvre de trois fdz, nonobstant le statut prohibitif de faire cordeaulx moindres c{ue de six filz , lequel nous avons modiffyé quant ad ce pour les causes amplement déduictes et contenues par les dites informations. Et ordonné que ceste présente modification et permission sera enregistrée avec les autrez articles des statutz des ditz cordiers, ad la charge qu’ilz n’en porrost abuser ne mettre esdits cordeaulx chanvre qu’elle ne soyt bonne et léalle, aux paines sur ce indictés.
