CHI COMENCHE LI USAGES LE PREVOST, DE COI ON PLAIDE PARDEVANT LI

71 . Derechief, se il avient eu ns hom se claint d’un autre, qui soit de quemune, por catel, et le fâche ajorner pardevant le prévost, se cil de qui on se elaime dist pardevant le prévost que il fera son gré, il s’em part sans amende ; et se il ne li fait son gré sor jor, et chil qui on doit le dete vient arrière plaintis, cil qui doit le dete doit 1111 deniers d'amende envers le prévost, et lendemain et au lier jour a xxvm deniers d'amende envers le prévost, et l'amende ne puet plus monter; et li prévos si doit faire avoir le sien à chelui qui est plaintis, s’on trueve tant del chelui qui le dete doit. Et se li prévos ne li veut faire plain droit, si le montre au niaieur, et li maires li doit faire droit, sauf che que on ne puet prendre cors d'imie por dete, qui soit de quemune, s’il n est fuitix. Et se il avenoit chose que li prévos fesist aucun assenement sor aucun tenement que home de quemune eust, il ne seroit mie tenus à respondre devant là que ses choses seroient délivrées, se il n'estoit fuitix.