Recueil général et complet des fabliaux des 13e et 14e siecles imprimés ou inédits, publiés d'apres les manuscrits

Dont il faisoit moût à blasmer ; Cil qu'il ne s'en sot u clamer En est dolanz et moût maris, Si con cius ki n'est pas garis

Fabl. IV

'un prestre vous di et recort, Qui avoit torsié sen atort En luxure et en trecherie, En malvaisté et en folie ; Tout en apiert se part clamoit.

Le famé d'un preudome amok,

FABLIAU l.XXXIX 40

De mal ki vient de jalousie,

Et c'est la graindre derverie

Del mont, si en vient mains anuis.

Devant Noël, es longes nuis

D'iver, en la plus fort saison,

Met sa femme .i. soir à raison

Li preudom, et dist: « Le matin,

Dame, me métrai au chemin,

Et s'irai .i. mien frère querre.

Qui maint en moût estrange terre;

Mais je crienc qu'il ne vous dessieche,

Car ne cuic revenir a pieche.

Ne ne sai u il maint de voir,

-r- Sire, ore puis jou bien savoir

Que ne m'amés ne poi ne grant,

Qu.ant vous m'aies si eslongant;

Or remanrai chi toute seule. »

Celé, ki le cuer a moût vuele,

Pense tout el qu'ele ne die :

« Suer» dist il, «or ne doutés mie,

Dusc'à demi an revenrai ;

Ains le jour mon chemin tenrai

Por plus me journée esploitier.

— Sixe, doni pensés del couchier, Et si movés sans nul séjour,

Car ja orés corner le jour.

— Bien vous en croi, » fait ses maris, Qui del sens n'est pas si maris

Que bien ne s'en puist percevoir K'ele ne disoit mie voir.

> pu PRESTRE Q^U ON PORTE 3

Mais il sueffre por plus aprendre.

Et, quant ce vint au congiet prendre,

Ele sovent acole et baisse,

Mais onques n'en passa la haise,

Anchois s'en tome, et cil s'en va

Qui une autre voie trova

Par choi il rentra en son estre.

Ja estoit Bourghès por le prestre,

Qui toute coustumiere en fu,

Et li bains ert js sor le fu.

Et li capons mis en l'espoi.

Li prestres ariesta un poi.

Qui n'ot soing nul de lui retraire.

Li vilains, por veoir l'afaire,

Ert ja repus en .i. capel,

Quant li prestres vint à l'ostel.

Bourghès en la cambre le mainne :

« Dont venés vous, » fait il, « vilaine?

— Biaus dous sires, biaus dous compains,

Descauchiés vous, entrés en bains.

— Volentiers, dame debonaire. »

Entrés i est sans nul plait faire

Com cil ki aaisier se veut.

Borghès, si com faire le seut.

Est moût preste de son service,

Et la dame s'est entremisse ;

De la tarte tantost li fait.

En se court por des oes s'en vait.

Dont se tarte voloit dorer;

Et Borghès, sans plus demorer,

Por del feurre ceurt à la grange.

Soingier puet songe moût estrange

Li prestres, ki el bain s'est mis:

Il est ja el baing endormis;

Il cuide estre bien asseùr,

Mais il dort à son mal eiir.

Mestier li est ke il se gart,

Car li vilains est en esgart.

De lui vengier tost se devoit :

Tantost com endormi le voit,

Et k'il n'a en l'ostel nelui.

Fors seulement le prestre et lui,

Une fort corde a porchacié.

Si li a ens el col lacié;

A .II. mains sache et tire fort

Tant qu'il l'a estranlé et mort.

Yengiés est de son anemi

Dont se feme faisoit ami ;

Ensi avint del prestre fol.

Le loien li osta del col,

Que on ne s'en voit perchevant.

Tost est venus à l'uis devant,

Et cria haut : « Ouvrés, ouvrés.

— Or tost, Borghet, le baing covrés, »

Dist !a dame, qui moût s'aïre

Quant ele entent ke c'est sesire.

Borghès, ki à sa dame entent,

.1. linceul sor le baing estant.

Et dist : « Sires, ne vous movés.

Car, se vous estiés chi trovés,

l3o DU PRESTRE Q^u'oN PORTE

Vous sériés moui mal recheùs. »

Ne dist mot, anchois est teûs Li prestres, car taire l'estuet, Com celui ki parler ne puet, Car il est ja muiaus et sours.

La dame vint à l'uis le cours; S'euvre l'uis, lait ens son signor Qui n'ot piecha joie grinor Por la viande ke il voit :

« Seur, » fait il, « eùrs me devoit Geste nuit, tous en sui seùrs.

— Sire, encore ares grans eùrs, Car jou Tavoie bien somgiet Très dont presistes vous congiet ; Mi ert avis, et bien savoie

Que jou erranment vous ravroie ; Por chou ai la viande quisse.

— Vos avés fait com bien aprise, Que Dieus joie et honor vous prest!

Vés ichi le mangier tout prest.

Hier mangai poi ; hui muir de fain.

Seés dont sor ce fais d'estrain.

J'arai ja atome moût tost. »

Le capom, ki est cuis en rost,

Li aporte, et cil se rehaite,

Et, quant la tarte est dou feu traite,

Devant lui en met la moitié.

Celé a son afaire choitié

Qui durement grant paor a.

Car li vilains riens ne gousta

De vin, por le mien essient,

N'en vausist mie por nient

Se feme avoir .un. sestiers.

Tant manga corn li fu mestiers,

Et puis si est el lit aies.

Mais ne se chouca pas dalés

Sa famé qui au prestre vint,

Dont moût sovent li resovint,

Car de fin cuer aimme et désire :

« Comment vous est il, biaus dous sire?

Moût avés esté mal servis :

Car fust ore escorchiés tous vis

Mes faus vilains cui je n'ain point,

Quant revenus est en tel point !

Vif diable l'ont raporté ;

Moût vous avons mal déporté

Et jou et Borghès me mescine, »

Dont met sa main sor la poitrine,

Et voit k'il ne li respont mot :

— Hé, Dieus,k'eschedont?Nès.i,mot?

Mes dous sires, mes dos amis,

Vos estes por chou engramis

Que plus tost ne sui revenue ;

Mais voir si corte m'a tenue

Mes vilains, k'il ait mal dehei!

Cui mes cuers et cui m'ame het.

Que revider ne vous ossai.

Nanporkant toute ma cose ai

Si areée et si porquisse

Que preste sui de vo servisse.