IQO DU PRESTRE Q^U ON PORTE
Que vostre amors est bien en moi.
Que ne parlés vous dont à moi, Biaus dous sires, biaus amis dous?
Qu'esse ke ne respondés vous ? »
Celé parole et chius se taist, Et celé priés de lui se traist; Si l'acole, chateille et boute, Car prisse li est une goûte Dont il moût tost se respassast Se il ses rains li retastat ; A celé fois i a fali.
Borghès i est venue a li, Si dist : « Dame, quel le ferés ?
Dites se vous vous baingnerés Avuec cest cortois capelain :
Laissiés dormir vostre vilain Qui n'a mie le ventre vuit; Moût a ore plus de déduit, Biaus sire, en vous ke en tel mil.
— Hé, Borget, il me tient si vil Que il ne me daigne respondre.
Bien cuic morir et de duel fondre Quant jou li ai m'amor donée, N'encor ne m'a nés regardée! »
Li preudom, ki fait la dorvelle, Escoute et entent et orelle ; Esgarde, si perçoit et voit Comment se feme se dervoit, Et nanporquant nul mot ne sonne.
En mainte manière araisone
La dame son ami le prestre :
«Qu'esse chou, sire, que puet estre ?
Ne poés vous ouvrir les ieus ?
Borget, ausi me consaut Dieus,
U cis prestres est deshaitiés,
U il est trop mal affaitiés.
Car il respondre ne me daigne;
Mais je cuic, entreus k'il se baigne,
Li est li parlers deveés.
— Dame, » dit Borget, « me créés;
Il ne soumelle, ne ne dort.
Se onques connue home mort,
Dont saciés ke il n^est pas vis;
Esgardés comme il a le vis
Pale, descouloré et taint.
Et ja li sont li oel estaint
Ens el cief, et ce n'est pas doute.
Se il veïst ni oïst goûte,
Cuidiés vous qu'il ne respondist ?»
La dame entent ke voir se dist ;
Si est de duel et d'ire plainne,
C'on n'i sent ne pous ne alainne,
Et bien perchoit que il est mors :
« Lasse, que ferons nous del cors ? »
Fait dont Borghès ki est viseuse,
«Li doulousers seroit huiseuse.
Ne riens n'i puet on conquester ;
Dame, laissiés le plait ester.
Et si esploitons nostre afaire.
Savés ke bon seroit à faire
:5o DU PRESTRE Qu'ON PORTE
Por laides paroles abatre ?
Avainne avons chaiens à batre ; Prendons le prestre esnel le pas, Et si le reponnons el tas, Que nel parchoive vos barons; Tressi adont que nos arons Mileur fin que jou le désir, Et en apriès irons jesir :
C'est li mieudres, à dire voir.
— Borghès, vous avés dit savoir, Ne jou n'i met nul contredit. » Ensi fisent corn ele dit ; Le prestre de l'avainne acuevrent, Et apriès au dormir recuevrent.
La dame, d'anui enlachie, Est dalés son mari glacie, Qui fait ansi ke s'il dormist, Car onques .i. seul mot n'i dist, Et si a tout veut lor estre.
Bien set k'en l'avainne est li prestre, Qui moût fu fel et orgellous.
Et ausi, com tous somellous, Tantost com se feme se couche.
Si li dist : « Biele amie douce.
Moût me poise ke nous n'avons Deniers, car nos voisins devons; Il seroit mais bien tans à rendre.
Faisons demain et batre et vendre Celé avainne de no capel.
Car jou en veul vuidier l'ostel.
Fabl. iV 2
FABLIAU l.XXXIX
Si en vuel prendre de l'argent ; On doit très bien paier la gent De cho, quant on l'a acreùe,
— Ha, sire, d'avainne batue A encor tant en nos greniers
C'on en puet prendre assés deniers :
.In. muis en avons, voire quatre.
'A ke faire fériés vous batre ?
Faites vos greniers entamer.
— Biele suer, bien vous doi amer, Se vous le dites por le mieus; Mais demain, foi que doi mes ieus.
Ferai jou batre toutes voies,
Et que vauroient longes broies,
Se vous le me desconsilliés ?
Jou seroie tous avilliés.
Certes, se por vous le laissoie.
Dieus doinst que ancore me croie
De cose ki tourt à droiture ;
Si fera on par aventure.
Car ceste fois n'en feroie el :
Taisiés vous, car il n'i a el.
Car kl se taist, il se repose. »
La dame plus parler n'en ose,
Si se porpensse en mainte guisse :
« Hé, Dieus,» fait ele, « el cuer m'est prise
Tel dolor ki m'estuet lever.
Avis m'est ke doie crever ;
Li cuers me fent en .11. moitiés.
— Ha, biele suer, car vous couchiés ;
3lO DU PRESTRE Q^u'ON PORTE
Levés vous por santé avoir.
— Sire, vous dites droit et voir.
Car el lever gist la mechine, »
Tantost s'en va à sa mescine.
Mot à mot li dist et despont Comment ses vilains li despont Que demain vueut batre s'avainne :
« Et chou soit ore à pute painne Qu'il nous fait ensi travillier.
— Dame, bien vous sai consillier, Voire si mes consaus vous plaist.
Car de chou dont painne vous naist Serez vous cuite hatieument,
Et si vous dirai bien comment.
Le prestre hors del tas ostés, Et en cel grenier le boutés U li avainne batue est; Ne sai milor conseil ke cest.
— Borges, à chou est mes acors. »
Hors del tas boutèrent le cors; Ou grenier l'alerent muchier.
Et après s'en revont couchier.
Li predom voit tout et consent.
Lues com lés lui sa feme sent.
Si li dist : « Biele douce amie, Je ne vous os courrechier mie ; Je me sui or reporpenssés Vo bon ferai et tout vos ses.
Car bien sai ke raison i a.
Cil ki anchois me maria
M'emma d'amor droite et parfaite.
Or est ensi, puis k'il vous haite, Que jou demain ferai vuidier L'avainne qui est el grenier, Et si en ferai deniers prendre.
Celle à batre laissiés à vendre, Puis k'il vous siet et atalente.
— Sire, mais metés le à vente Et le batue retenés, D'autre consel ne vous tensés.
— Par mon cief, dame, non ferai; Celi dou grenier venderai, N'onques n'i metés contredit.
— Ahors, sire, vous aviés dit Que celi del tas venderiés
Et le batue reteniés.
Qu'est chou ? Ne savés vous voir dire ?
— Dame, jel vous veul contredire.
Quant vendre vauc celi en garbe ; Or est ensi ke par ma barbe
Que de moi n'iert vendue mais.
Et saciés por voir ke je lais Por vostre voloir acomplir; Mais nos greniers vuel desemplir, Cornment ke li afaires tourt.
— Ha, sire, je voi celé court Waste de pesait et d'estrain; Se vous faisiés batre demain, Nos bestes i aroient preu.
Qui ont or à mangier moût peu,
370 DU PRESTRE Q^u'ON PORTE l3
Car grant disete ont de fourage.
— Biele suer, plainne estes d'outrage ; Quant por noient vous travilliés.
Car or me sui si consilliés Que jou de vostre volenté Ne ferai cier tant ne plenté ; Por vous n'en feroie noient; Moût estes de fol ensient Quant nule parole esmovés.
— Certes, sire, vous vous provés Moût anieusement enviers moi, Et si ne sai raison por choi; S'en sui en grant ire esmeiie
Si k'au cuer m'en est ja cheùe Si grans dolors, ce m'est avis, Que fors del cors me soit ravis Li cuers à force et esraichiés.
Mais tant de veritet saciés, Biaus sire, se il peiist estre Que volentiers parlasse au prestre.
Bien voel me confessaisse à lui ; Ains mais si atainte ne fui, Mes maus me painne durement,
— Dont vos levés hastéement; Aies à Borget de rechief.
Si vous estraindera vo cief.
Voire se mestier en avés.
— Certes, sire, moût bien savés
Que boins m'est, et Dieus vous le mire, r Levée s'est sans plus à dire.
Tost est à Borget revenue
Et à li concilie tenue
De quanques elle avoit oï.
Borget point ne s'en esjoï,
Qui escoute tout et entent :
« Dame, » dist ele, « mes cuers tent
A .1. consel, se on le fait,
Que cuite serons de cest plait.
Ichi priés de nous a ,i. iestre ;
Anter isseut mes sires prestre
Chiés .1. voisin, je vous di voir ;
Illuec, se nous faisons savoir,
Dame, erramment le porterons,
A son huis droit l'apoierons.
— Ensi me siet il, biele amie. »
Ou grenier nel laissierent mie ; Il le trainent hors par les bras, Et reviestirent de ses dras.
Et recauchierent tost, et puis L'enquierkierent et portent à Fuis; Se l'apoient tout en estant.
Nient n'i fissent ne tant ne quant.
Mais durement i ont hurté, Puis repairent à sauveté En leur hostel et couchent soi.
Et li predons est en effroi.
Qui à son huis oï la noise ; Saciés bien ke point ne s'acoise, Mais moût s'en aïre, et tous -nus Se lieve et est à l'uis venus.
43o DU PRESTRE Q^u'ON PORTE
Ouvert l'a, mais moût s'esbahi Del prestre ki sor lui chai.
Quant sor lui le sent trebuchier, Se feme commenche à huchier :
« Alume, » fait il, « biele suer, Car je te di ke à nul fuer N'ot onques mais paor grignor.
Vés ichi ne sai quel signor Qui sor moi s'est laissiés verser.
Ne sai où il suet converser, Mais d'itant sui seiirs et fers Que il est u prestres u clers.
Ou auchuns rendus d'abeïe, U il a par sa genglerie Geste noire cape empruntée. » Celé a le candoille alumée, Et voit jesir tout estendu Celui ki mie n'a entendu Quanques on li a demandé :
« Et qui vous avoit or mandé, Sire chanlans, c'or le me dites?
Vous n'estes mie fins hermiies; De chou sui jou tout asseùr.
Et ke c'est ? Querés vous eùr ?
Mieus vous venist iestre à l'ostel.
Et qu'est chou .'* Ne dires vous el ? Dites nous au mains ki vous iestes, Nous tenez vous ore por biestes, Se vous ensi nous escapés Puis ke vous iestes atrapés ?
Ha, quel chanlant et quel larron ! »
La dame dist à son baron :
« Sire, je cuic bien ke il dort.
— Anchois le cuideroie mort,
Biele suer, car, quant il chaï,
Aine mot dire ne H oï ;
Car, se il fust de vie plains,
Au mains, je croi, se fust il plains
Qu'il eûst auchun menbre frait. »
Celé plus priés de lui se traist;
Si l'a au vis reconneiit :
« Malement somes decheût, '
Biaus sire, por voir le puis dire.
Car chou est no prestres, no sire,
Qui chaiens repairier soloit
Et à nous juer se voloit,
Si com il faisoit mainte fie;
Chou ne fu pas par estoutie
Que il avoit à l'uis urté,
Mais par sa grant maleûrté
Il estoit apoiiés tout drois.
Ce n'est mie raisons ne drois
S'auchuns nous en het ni en coupe,
SaGhiés ke nous n'i avons coupe ;
Mais on ne puet sans annui vivre.
Faisons tant qu'an soions délivre,
Entreus ke on faire le puet ;
Bien savés vous ke on enfuet
Les gens, puis ke vie leur faut.
Hastons nous, car se Dieus me saut,
49© DU PRESTRE QV ON PORTE jy
Se nous estiemes percheût, Nous seriemes tout decheût :
Car on diroit, et à grant tort.
Que por le sien l'ariemes nnort.
Maintes gens sont ke on sordist Que li drois pas ne warandist, Car li drois en maint liu s'oublie.
Tiere avons noviele fouie ; Portons i cest cors enfouir Por honte eskivier et fuir. »
Tant li a sa feme enorté K'à chans a le prestre porté Là u enfouir le devoit.
Lés un fossé passe, si voit Une jument paissant au fons; Li fossés n'iert lés ne parfons, U li jumens paist en celée.
Illuec gisoit, tieste clinée, .L vilains ki entour son brac De son cavestre ot fait .i. lac, Por se jument tenir plus choie.
Chius ki portoit le prestre en voie, Arieste lés le jumentiele.
Si qu'il ne muet ne ne canchiele, Assiet le prestre en es estriés, Ne n'i fist mie senestriés, Car le piet en cascun li met; De plus faire ne s'entremet, Ains s'en retorne en bone pais.
Quant li jumens senti le fais,
Fabl. IV 3
S'ele croie n'est pas mervelle ;
Li homs tous esmaris s^esvelle,
Car li cavestres le semont.
Ses ieus euvre, si garde amont ;
En le siele trueve celui
Qui n'a pas paor grant de lui.
Car il cuide certainement
Que li vuelle enbler se jument :
« Qu'esse, » dist il, « preudome, à gas?
Par mon cief ne l'en menrés pas;
De folie estes entremis ;
Ne sui mie si endormis
Qjensi l'en puissiés en mener :
Ailleurs vous convient assener,
Car chi n'est mie vos esplois ;
Mais vous le comparés anchois
Que vous soies de moi partis. »
A .II. mains prent tous aatis
Sa machue qui forment poise,
De grant vigor fiert et entoise ;
Entre col et capiel l'ataint.
Si qu'il l'abat ; mais cri ne plaint
Li prestres ne giete au chair.
Chou. fait le vilain esmarir,
Qui de grant cop ferir se paist,
Mais mervelle a quant il se taist.
Quant de ferir fu tous lassés,
.1. petit est avant passés
Et le caperon li sulieve.
Et bien saciés que moût li grieve
55o DU PRESTRE Q^u'ON PORTE 19
Tantost com il le reconnoist :
« Hé, Dieus, » dist il, « se il me loist
De chest grant tort fait repentir,
Grans ahans en vaurai souffrir
Por tant que je cuites en soie.
Dieus, por choi nel reconnissoie,
Le prestre ki si est vaillans ;
Trop ai trové mes ieus faillans
Quant il ne fu reconnetis.
Se chis afaires est seûs.
Tous li mons me devra huer ;
Le deûst on por chou tuer
Qu'il estoit montés sor ma bieste ?
Chou fu et par giu et par fieste
Sans faille qu'il i fu montés.
Hé, Dieus, par les vostres bontés.
Comment en serai jou délivres?
N'encor n'en sui je pas si ivres
Que jou le laisse ichi gisant,
Car bien sai k'auchun trespassant
Acuseroient cest meffait. »
Le prestre a assis entressait
En le siele de se jument.
Et deriere est montés briément ;
Sa voie acuelle et si s'atire
D'esrer vers une chimentiere.
Li jumens qui endeus les porte,
S'est adrecie enviers le porte
Del chimentiere, et en milieu
Ot .1. mostier viel et entiu.
> FABLIAU LXXXIX 58o
Lés le chavet de cel moustier I eut larrons qui del mestier D'enbler souvent s'entremetoient.
.1. bachon en .i. sac wardoient Que il enblé avoient lors.
Quant il parchoivent chiaus de fors.
Si cuidoient iestre apercheii ; Dient ke il sont decheii ; Del tost aler caschuns s'afaite, Car il cuident ke on les gaitte.
Au fuir se sont eslaissié, Mais lor bacon ont tout laissié Entreus ke le fuir maintienent.
Dusc'à moustier lor voie tienent Li vilains et li prestres mors ; Illuec a descendu le cors, U il a le saie parcheût, Ne se tint mie à decheût, Car le saie voit ki illuec gist ; Fors del sac le bacon saisist, Et erramment l'end a gieté, Et le prestre a dedens bouté.
Et dist ke por nule aventure Ne querra autre sépulture, Mais ore en soit ke estre en puet ; Le saie reloie et puis s'en muet.
Mais atout le bacon s'en part, Qui i claime ke milor part ; Si l'en a avuec lui porté.
Li laron sont reconforté.
