DES TROIS DAMES I

Dit qe ele avereit part :

Certes, » fet ele, « vous le avérez tart :

Ja part de ce ne avérez.

— Cornent deble ! estes vous devez?

Je dis al trovour : « E demy myen ! » Et si je ne le ey, ce n*est mie bien : Dreit est qe je part eye,

Qar je su vostre compaigne verreie ; Vous savez bien, si Dieu m'enjoie, Qe nous fumes en ceste voie Compaignes e bones amyes.

— Yl ne me chaut voir qe tu dies :

Ja n'avérez part ne prouu. »

L'autre ne le tient pas à gyuu. Mes jure soun chief qe si avéra, Qaunqe juggé ly serra.

— Par foi, » fet l'autre, « il me plest: Dite moi donqe qy ce est

Qy dorra le jugement ?

— E je le grant bonement :

Devant nous est une mesons de noney nz, Moût seinte, dames e chapeleynz Qe Dieu servent nuit e jour; La abbesse pur nul amour Ne lerra juger vérité.

— E je le grant, de par Dé. »

Tant ount erree qe eles sunt venues, Ce m'est avis, al chief des ryuues, Là où l'abbesse manoit; Tant ount aie tort e droit

Fabl. IV 1 7

[3o FABLIAU XCIX 8o

Qe en l'abbeye sunt entreez,

E meyntenant ount demandez

Noveles de la abbesse ;

E um lur dit : « Ele oyt sa messe :

Si vous volez à ly parler,

Yl vous covient demorer. »

Eles dient qe si frount.

Atant assises se sount

En le parlour sur un desgree ;

Mes il ne urent qe poi esté,

Qant venir virent la abbesse,

Ensemble ou ly la prioresse.

D'autre part la celerere.

E celé qe estoit premere,

Se levé et dit : « Meyntenaunt,

Dame, bien seiez vous viegnaunt 1

Veiez si une moie compaigne,

Qe doner ma part ne me deygne

De une chose qe ele ad trové ;

Pur ce qe ele ne m'en a donee

Ma part come fere deveroit. »

E si counte tôt le droit

Come la chose fust trovee ;

E sur ly est le jugement tornee,

E dit la abbesse meyntenaunt :

« Seit la chose mys avaunt,

E nous le droit jugeroms

E vos droytures vous rendroms.

— Par foi, » fet l'autre, « je le graant.

Compaygne, metez le vyt avaunt :

IIO DIS TROIS DAMES l3l

L'abbesse dirra vérité. »

E celé, qe le vit out trovee,

Le treyst erronment de son seyn

E le mist devaunt un noneyn,

Qe moût le garda de bon oyl.

De l'abbesse counter voil

Qe molt le regarda volenters :

Granz suspirs fîst longz e enters,

Puis dit après : « Oiez bel plet 1

Qei vueillent il qe ore seit fet ?

Le jugement se prent pur nous :

C'est de nostre porte le verrous

Qe l'autre jour fust adyrrez;

Je comaund q'il soit bien gardez

Corne ce q'est nostre chose demeyne.

Alez, » fet ele, « dame Eleyne,

Qe estes pruz e bien légère,

Je comaund q'il soit mis arere

Là dount il fust ostez e pris. »

E ma dame Eleyne ad pris

Le vit qe fust long e grant ; *

E sachez qe ele meyntenaunt

Le prist e gitta en sa maunche,

Qe molt estoit delge et blaunche.

Les dames qe la chose troverent,

Qant le jugement entenderent,

Molt sunt dolent e irassuz

Qe la chose est issi perduz,

E molt marris s'en partoient,

E l'abbesse molt maldisoient,

E distrent qe jamès n'assenterount Ne jugement demaunderount De tiele chose aprester Ne en autre manere juger, Mes celé, qe la trovera, A tous jours la tendra, Corne relyke molt désirée E de totes dames honorée.