DE LA DAME
Q^UI FIST BATRE SON MARI Bibl. de Berne, Mss. 3 54, fol. 78rOà8ovO.
i'uNE avanture moût cortoise i Vos voil conter, d'une borjoise ; «Née et norie estoit d'Orliens, iEt ses frères estoit d'Amiens :
Riches hom ert à desmesure ;
De marchaandise d'usure
Savoit toz les torz et les poinz;
Qanqu'il pooit tenir as poinz
Estoit moût fermemant tenuz.
De Normandie sont venuz
Quatre Normanz, clers escoliers :
Lor sas portent conme coliers',
Dedanz lor livres, et lor dras;
Moût estoient mignoz et gras,
Cortois, chantant et envoisiez
Et en la vile bien prisiez,
O il avoient ostel pris.
Un en i ot de graignor pris,
Qui moût enta chiés ,i. borjois;
Sel tenoit an à moût cortois,
l34 FABLIAU C 5o
Et la dame meïsmes tant
Prisoit moût son acoitemant.
Tant i vint li clers et ala
Que li borjois se porpansa,
Que par sanblant, que par parole.
Que cil la tenoit à s'escole,
S'il en pooit en leu venir,
Qui sole la pooit tenir.
Loienz ot une soe nièce
Qu'il avoit norie grant pièce;
Privéement a soi l'apele,
Si li promist une gonele,
Que de ceste oure fust espie ;
Et, que la vérité vos die.
Et celé li a otroié.
Li escoliers a tant proie La dame, qu'il Ta mise en voie :
Et la béasse tote voie A tôt escouté et oï Conmant il ont lor plait basti; Au borjois revient maintenant.
Si li conte lo covenant, Que la dame lo manderoit; Et ii covenanz teus estoit, Qant el porroit savoir ne croire Que ses sires iroit à foire Por sa besogne porchacier, Qu'i vient par devers lo vergier A un huis qu'il li enseigna, Et feroit encontre lui là,
8o DE LA DAME QUI F!ST BATRE SON MARI I 3 5
Qant il seroit bien anuitié.
Li borjois l'ot, moût s'an fist lié ; Maintenant à sa famé vient :
« Dame, » dit il, « il me covient M'en aler en marcheandise ; Gardez l'ostel, ma doce amie, Conme prode famé doit faire.
Car je ne sai de mon repaire.
— Sire, » fait ele, « volantiers. » Cil atorne les charretiers, Et dit qu'il s'ira erbergier, Por ces jornées avancier, Jusqu'à .III. Hues de la vile.
La dame ne sot pas la guile, Ençois l'a fait au cler savoir.
Cil qui les cuide décevoir, Fist aler ses janz herbergier.
Puis retorne à l'uis do vergier.
Qant la nuiz fu à noir mêlée.
Vint la dame, tôt à celée, A l'uis do vergier, si l'ovri ; Entre ses braz lo recoilli, Et cuide que ses amis soit.
Mais espérance l'an déçoit, Et dit : « Bien soiez vos venuz ! »
Cil s'est de haut parler tenuz.
Et li rant son salu en bas.
Par lo vergier s'an vont lo pas, Mais cil tient moût sa chère cline, Et la borjoise moût s'ancline;
Desoz lo chaperon l'esgarde, De la traïson se prant garde, Et conoist bien et aperçoit C'est ces mariz qui la déçoit.
Qant ele prist à aperçoivre, Si se pansa de lui deçoivre.
Famé est plaine de sanc agu; Par lor engin ont deceû Les sages dès lo tans Abel :
« Amis, » dist ele, « moût m'est bel Que je vos puis ceianz tenir ; Mais ce vos covanra venir En un solier don j'ai la clef :
Iluec m'atandroiz tôt soëf.
Tant que nos genz aient mangié Et il soient trestuit cochié ; Je vos métrai soz ma cortine, Ja nus ne porra lo convine D'antre nos .11. apercevoir.
Tant vos donrai de mon avoir. Don bien racheteroiz vos gajes, Se de bien celer iestes sages.
— Dame, » dit il, « bien avez dit. » Haï Deus ! con il savoit petit Ce que la dame panse et muse ; Qar li uns d'aus panse une chose, Et li autres panse tôt el.
Tost avra il mauvais ostel, Car, qan la dame enfermé l'ot O solier, don issir ne pot,
140 DE LA DAME QUI FIST BATRE SON MARI lij
A i'uis do vergier retorna :
Son ami prist qu'ele trova, Si l'acole sovant et baise; Moût i metra, ce cuit, plus aise Lo secont dru que lo premier.
Tôt ont trespassé lo vergier, Et sont en la chanbre venu, O li drap sont tuit portandu.
La dame son ami enmoine Jusques an la chanbre demoine:
Soz la cortine se sont mis; Et cil s'est tantost entremis De ce jeu c'amors li demande, Car ne prisoit pas une amande Tôt l'autre jeu, ce cist ne fust, Et celé gré ne l'an saûst.
Qant il orent assez joé, Et moût baisié et acolé :
« Amis, i) dist ele, « je vois loianz, Et si ferai mangier nos genz. »
Cil, qui son voloir fait avoit Et aconpli qanqu'i queroit, Respont : « Dame, à vostre conmant. »
Celé s'an part moût liéemant Quiavoit ointes ses valieres.
Lors apele ses chanbrieres, Lo mangier lor fait aprester, A son pooir lor fait haster.
Car moût li tardoit duremant Qu'el aûst pris lo vangemant
j38 fabliau c
De son mari, qui la gaitoit, Q^anfermé el solier avoit.
Or voit ele bien qu' est jalous, Que li vaut que il est ja cous, Trop en a fait mauvaise garde, Et d'autre part trop H retarde Q'an la chanbre soit retornée O cil l'atant, qui pas ne bée A dormir la nuit entérine.
Lors a la dame une geline Fait eschauder et un chapon :
El prist do plus gras lo braon, S'an a fait faire .11. pastez.
Qant li mangiers fu aprestez, La dame apele les sergenz Etlamainiée de loianz; Sel fist aseoir au mangier.
Cil si sont assis sanz dongier; Et qant il orent tuit mangié, Ençois qu'i fussent desrangié, Oiant toz, a dit sa raison :
« Vos avez en ceste maison Sovant veû un cler venir DoD-bien vos poissiés sofrir :
D'amors m'a requise Ion tans.
Je l'an ai tôt jorz fait desfans; Tant que je vi je n'i garroie, Tôt li promis que je feroie A son plaisir ce qu'il voldroit, Con mes sire alez s'an seroit
