DE LA DAME QUI FIST BATRE SON MARI
La dame les
Et les vins lor abandona, Et le vin pers et le vin blanc.
Et la dame plus n'i atant, Ainz prist un pasté et do vin, Et blanche toaille de lin Et grosce chandoile de cire.
Sanz plus faire, ne san plus dire S'an vient en la chanbre tôt droit ; Et cil, tantost con il la voit.
Sailli en contre lui estant :
Et la dame, tôt pie estant, Li a la novele contée.
Après, si a desvoloupée
Et pristrent do vin, si en burent Tant que chascuns asez en et, Que biens estoit, et bien lor plot :
Que qu' i manjoient, et bordoient, Endui après et se cochoient Endui ensanble jusq'au jor. .
Lors se départent par amor, Cat: cil plus demorer n'osoit; Et cil qui el fumier gisoit.
Se traîna, à miauz qu'il pot, Là où son bernois laissié ot, Et, qant sa maisniée lo virent, Peor orent, si s'esbaïrent.
Et li demandent que c'estoit, Et qui ensi batu l'avoit.
Cil, qui dou conter n'ot talant, Torna ce darriere devant, Et dit que jans batu l'avoient Qui, de grant pièce, lo haoient, Au pertuis d'un très estroit huis ; « Mais plus dire ne vous en puis : Sor ma charete me metez.
En mon ostel me remenez. »
Cil, qui ne l'osent contredire, Li responent: «Volantiers, sire. »
Sor la charete un lit li font, Et docemant cochié li ont :
Si s'an revienent à l'ostel.
Et, sachiez bien, famé dol tel Ne mena con sa famé fîst, Qant ensi atorné lo vit, Et por lui garir et sener, A fait fisiciens mander :
En boenes herbes bain li font; Tost l'ont gari, et cil s'en vont.
Qant li comança à garir.
Et il pot aler et venir.
Demandent li commant avint, Et il lor dist : « Il me convint Par un estroit pertuis passer, O l'an me fist les oz casser.
Maie gent qui là m'encontrerent. »
Et la maisniée li contèrent Do clerc con il fu mal menez Et par la fenestre gitez,
298 DE LA DAME QUI t BATRE SON MARI
Et con la dame lor livra:
« Par mon chief, el s'an délivra, »
Dist il, « con prode famé et saje. »
N'onques puis, en tôt son aage, De celé ore ne la mescrut.
Ne celé onques ne se recrut De son ami amer toz dis, Tant qu'il râla en son pais.
