DE LA DAME QUI FIST BATRE SON MARI

En Normandie o en Bergoigne; Por porchacier nostre besoigne, Que il lest meuz, Deus lo conduie. Au clerc, qui si sovant m'anuie, Ai bien ses covenanz tenuz; Or est a son terme venuz :

Lausus m'atant en ce solier.

Je vos donrai plain un setier Do meillor vin qui ceianz soit, Si lo me bâtez orrandroit.

Sus o solier, or i alez; A bons gibez lo me bâtez, Et contre terre, et en estant.

Des orbes cous li donez tant Que jamais jor ne li an faille De proier dame qui rien vaille. »

Qant la maisniée ce entandent.

En piez saillent, plus n'i atandent :

Bien furent ,x., se Deus me sait, Trois suens noveuz, et troi ribalt.

Et chamberieres i ot trois.

Et si fu la nièce au borjois, Qui tôt droit au solier s'en vont.

Au solier montent contremont.

Et la dame fu tôt devant.

Et li ribaut saillent avant, Si l'ont a la terre batu :

A ce cop l'ont tant porbatu, Que des bastons, que de lors mains, Conques nule toile de Rains

I^O FABLIAU C 23o

Ne d'autre leu, tant fust escrue,

Ne fu si très bien porbatue.

Bien li ont son hauberc rolé.

Par mainte foiz se sont melié

Si troi nevo por bien ferir ;

Tant lo bâtent au départir,

Et par desus, et par desoz,

Que toz fu cassez et deroz,

Et la dame meïsmemant,

Q^ele ne l'amoit tant ne qant,

L'a par lo chaperon saisi,

Et la gorge li estraint si

Qu'il ne pooit un mot soner;

Tant li acoillent à doner

Des orbes cous, ainz qu'il s'en aille,

Con s'aûst esté, par gaaille,

Li uns miauz acoilli por l'autre.

Moût li ont bien fautré son fautre.

Et par devant, et par darrier;

Deiable li firent gaitier

Sa famé, ne li vausist rien ;

A ceste ore volsist il bien

A Saint Jasque ou otremer estre.

Lots l'ont par mi une fenestre

De desus un fumier flati;

En la maison sont reverti,

Si ont moût bien les huis fermez;

La nuit burent il des ferrez :

N'i ot onques si bel tonel,

Cui q'an pesast, ne cui fust bel.