LE JUGEMENT

Dist li père : « Ce ne puet estre ; Ne jugeroit ne clerc ne prestre C'un homme eussiez toutes trois; Mes ançois que passe li mois, Me serai de ce conseilliez. »

Celés dient : « Or esploitiez, Quar nous voudrons par tens savoir Laquele le devra avoir. »

Li preudom ala au moustier Por messe oïr. Au reperier Encontra son frère germain; Si l'avoit saisi par la main, A conseil le tret d'une part :

« Frère, « fet il, « se Dieus me gart, Mes frères es, et conseillier Me dois, se je en ai mestier.

— Voire, » dist cil, « que ce est drois.

— Frère, » fet il, « moût granz desrois Est avenuz en ma meson :

Mes filles sont en grant tençon ; Eles aiment .1. bacheler Trestoutes .m. sanz demorer; Chascune dist qu'ele l'avra. h Dist lor oncles : « Bien i faudra Tele qui bien le cuide avoir, Se puis esploiter par savoir! »

Li dui frère s'en vont ensamble En la meson, si com moi samble, Où les. ni. puceles estoient Qui du vallet s'entremetoient ;

Lor oncles les en apela :

« Nièces, » dist il, « or venez ça;

Si me dites vostre errement. »

Les puceles tout esraument

Sont devant lor oncle venues ;

Ne furent pas tesanz ne mues,

Ainz parlèrent moût hautement.

L'ainsnée tout premièrement

Li dist qu'ele avoit .1. ami

Bel et cortois et moût joli,

Et si le voudra espouser.

L'autre ne se volt plus celer,

Ainz dit: « Tu mens, voir, je l'avrai,

Quar ainçois de toi l'acointai. »

La mainsnée ne set que dire :

Plaine est de mautalent et d'ire ;

Prent .1. baston à ses .11. mains,

Sa suer en fîert par mi les rains

Qu'à la terre la fet cheïr.

Lor oncles les va départir :

« Nièces, » dist il, « tenez en pais :

Li jugemenz sera ja fais

Laquele le devra avoir,

Et si avra de mon avoir :

.C. sols de tornois li donrai

Et son ami li liverrai

Celé qui mieus savra respondre

A ce que je voudrai despondre. »

Celés dient communément :

« Nous l'otroions moût bonement;