I4O LE JUGEMENT I I
Demandez, nous responderons.
— Volentiers, » ce dist li preudons.
Il apela de ses voisins
.In. des plus mestres eschevins, Por ce que jugaissent à droit De ce que chascune diroit. Primerain demanda l'ainsnée :
« Nièce, n'i a mestier celée, Qui est ainsnez, vous ou vos cons ?
— Oncles, par Dieu et par ses nons.
Mes cons si est en bone foi,
Si m'ait Dieus, ainsnez de moi :
Il a barbe, je n'en ai point.
Se je ai respondu à point, Si jugiez droit et leauté. »
Li eschevin ont escouté Ce que la pucele avoit dit.
Dont vint l'autre sanz contredit; Ses oncles la mist à reson :
« Or me dites de vostre con, S'il est de vous ainsnez, ma nièce?
— Oncles, » dist ele, « de grant pièce Sui je ainsnée que mes cons,
Que j'ai les denz et granz et Ions, Et mes cons n'en a encor nus.
Or ne me contredie nus Robin, se je le doi avoir. »
Or ont les .il. dit lor savoir; Si apela l'en la mainsnée.
Ses oncles l'a aresonée :
Fabl. V. j5
4 FABLIAU CXXII l66
« Nièce, » fet il, « or me direz Se vos cons est de vous ainsnez, Ou estes ainsnée de lui ?
— Oncles, » dist ele. « por nului Ne lerai que ne vous le die :
Qui veut, si le tiengne à folie, Mes cons est plus jones de moi ; Si vous dirai reson porqoi :
De la mamele sui sevrée, Mes cons a la goule baée :
Jones est, si veut aletier.
Or m'ose je bien afichier Que j'ai bone reson trovée.
L'ame de lui soit honorée Qui jugera ces moz à droit !
— Damoisele, par bon endroit Tel reson avez respondu.
— Vous avez de trestout vaincu, »
Li eschevin ce li ont dit.
Puis li donent sanz contredit Celui qui lonc tens l'a amée.
Or vois querant par la contrée Se li jugemenz est bien fez; Que Dieus vous pardoinst voz meffez Se vous i savez qu'amander :
Je le vieng à vous demander.
Explicit du Jugement des cons.
DU SEGRETAIN
OU DU MOINE Paris, Bibl. nat., Mss. fr. 2168, fol. 88 r° à 91 y0.
egnor, je n'ai de mentir cure, Ançois dirai une aventure Ki avint si n'a encor gaires.
Uns borgois assés deboinaires
Estoit en une boune vile;
Femme avoit tele qu'en .c. mile
Ne trouvast on si avenant,
Si courtoise ne si vaillant,
Si sage ne si bien aprise;
Volentiers aloit à l'église.
Ses maris, qui ert jovenciaus,
Amoit moût et ciens et oisiaus
Et jus de tables et d'eskas;
Il ne despendoit mie à gas,
Ke tos jors voloit cort tenir.
Tant fist qu'il le couvint venir
Maugré sien à sa terre vendre,
Que il n'avoit mais que despendre
Fors que seulement se maison,
Mais ains se mesist en prison
Ne ja fust se maisons vendue.
.1. jor fu la dame venue Messe oïr à une abeïe, Querre secors Diu et aïe, Et je vous di, ce n'est pas gile, Qu'entre l'abeïe et la vile Couroit une aige non pas large Ki ne portoit ne nef ne barge.
De çou plus conte ne vous quier :
La dame se siet au moustier; En .1. des angles se fu misse Con celé qui fu bien aprise; A jointes mains, à eus plourous, Fu devant le crois à genous, Et tint .i. sautier en sa main.
Atant es vous le secretain : La dame prist à regarder.
Quant il le vit ensi plourer, Si va vers li tout bêlement :
« Cil Dius qu fîst le firmament Vous doinst bon jor, ma douce dame !
Moût vauroie savoir par m'ame Porquoi vous plorrés issi fort.
— A! sire, jou n'en ai pas tort.
Se jou pleure, j'ai moût bien droit :
J'ai un mari ki despendroit .1. roiame s'il estoit siens; Tant a fait que nous n'avons riens. »
Li secretains la vit moût bêle; Au cuer li point une estincele
Ki li fait muer sa coulor.
Or est entrés en celé error Dont il n'istra pas de legier.
« Dame, » fait il, « por saint Ligier, Se jou puis vostre amor avoir, Tant vous donrai de mon avoir Ke plus i avra de .c. livres.
Saciés que je ne sui pas ivres; Quant jou ai en vous m'amor mise.
— Li maie mors m'eùst ains prise, »
Fait la dame, « u li maie rage Ke j'eusse fait cel folage !
Je cuit, vous estes desperés Ki tel cose me requerrés ; Et neporquant tant vous dirai Ce qu'ennuitm'en consellerai. »
Quant Tentendi li secretains, Vers Diu en tent jointes ses mains De la joie que il en ot.
Lor parlemens faut à cest mot.
La dame s'en va en maison ; Ses maris le met à raison :
« Dame, » fait il , « c'or nous dignons !
— Sire, por Diu et por ses nons, Entendes ains à ma besoigne : Le secretains veut que li doingne M'amor et deviengne s'amie,
Et dist que à ceste foïe
Me donra .c. livres d'estrainne.
— Dame, ceste oeuvre est trop vilainne,
8 FABLIAU CXXIII I io
Neja n'avenra, se Diu plaist.
— Sire, or ai jou ce que me plaist, » Fait la dame, « se Dius me gart.
— Dame, or, ouvrons du sens Renart, Si vous plaist, si arons l'avoir.
Se vous volés m'amor avoir,
Vous irés au mostier demain,
Et si dires au secretain
Ke tost viengne o vous en maison
Et port deniers à grant fuison,
Ke sa volenté ferés toute,
Et de çou n'aiiés vous ja doute
Ke ja ne vous adesera.
— Sire, si con vous plaist sera, Mais gardés vous qu'il ne soit mors, Car ce seroit peciés et tors. »
Atant ont laiscié lor afaire Dusqu'au matin que jors esclaire Ke la dame se fu levée :
Si s'en est au moustier alée Et bien parée et bien vestue, Et quant li moinnes l'a veùe, Si très grans joie au cuer l'en sort A bien petit qu'il ne li court Baisier et les eus et la face ; Esbahis est, ne set que face Ke trop li est la presse espesse.
Moût tost a fait canter la messe Por çou que li siècles s'en aut.
De Diu ne de sains ne li caut,
Mout va tirant son caperon :
A la dame va environ Comme lévriers qui lièvre cache, Et quant il voit vuide la place Et que la gens s'en fu alée, Dont a la dame saluée, Et ele li rent son salu.
Cil mos li a assés valu ; Grant joie en a en son corage, Lors li a dit : « Ma dame sage, Dites que vous ferés de moi.
— Sire, par la foi que vous doi, Vostre volenté ferai toute.
Venés ent, et si n'aiiés doute, En maison n'est mie mesire ; Mais une rien vous veul jou dire, Et si vous fac bien asavoir, Ne venés mie sans l'avoir, Ke vous fériés très grant folie. »
Et il li dist : « Ma douce amie, Par mon orde de saint Vincent, Livres i ara plus de cent. »
Atant lor parlement départ, Et li moines, cui mout fu tart, Va par tut le moustier cerkant Et tous les auteus reversant.
En son sain met quanqu'il i treuve ; Puis vait à une arce, si l'uevre.
Deniers i eut, et que diroie ?
Toute en enplist une coroie,
Et saciés bien qu'il i a mis Assés plus qu'il n'avoit pramis.
Atant s'en va, n'i a plus fait, Et le dame a tout çou retrait Son segnor que faire couvient :
« Par foi, sire, li moines vient, Mais une riens vous veul je dire :
Por Diu, gardés vous de l'ocire! »
Et li borgois ne tarda plus :
En sa canbre entra par un wis A tout une mace quarrée ; Le cauche fu et grans et lée ; Et il se mîst en .1. recoi Entre le lit et le paroi.
Li moines ne fait plus demore :
Venus est en moût petit d'ore, Cor tant haste de sa besoigne K'il n'a ne honte ne vergongne.
Quant il a la dame veûe, Si l'a prise par la main nue, Et puis li baille la coroie :
« Dame, » fait il, ce se Dius me voie, Plus i a que ne vous ai dit, Por Diu, alons à vostre lit. »
Atant sont en la canbre mis :
« Dame, je sui li vostre amis. »
Il l'a deseur le coude mise ; Si li souslieve la cemise. . .
Tout maintenant li eùst fait, Quant li borgois saut de i'agait;
ÎOO DU SEGRETAIN OU DU MOINE 12
Le mâche tint à ses .11. mains, Et dist : « Par mon cief, secretains , Venus estes à vostre jor 1 »
Li moines saut, se li cort sor, Si le prent par le cevecaille Et tel caup sor le col li baille Ke li borgois cuide estre mors.
Mais il saut, se liest estors, Ke d'ire et d'angousce fu plains :
Le mâche lieve à ses .11. mains, Tel cop sor le teste li doune Ke toute esmie la couroune Se que tous li cerviaus espant :
Li moines por le mort s'estent.
Quant la dame voit celé cose , Des eus plore, mais crier n'ose, Et dit en bas : « Lasse caitive !
Grans peciés est que je sui vive Et que m'arme remaint u cors Ke par moi est cis moines mors.
Or serai jou plus que honnie.
— Dame, » dist il, « ne doutés mie, Ke vous n'en serés ja blasmée; Mais or soit la canbre fermée. »
Ensi remest à ceste fois.
Or oés que fist li borgois :
Il atendi par grant voisdie Ke la gens fu toute endormie Et tout couchié par mi la vile.
Lors se pensa d'une grant gile,
Fail. v. iO
122 FABLIAU CXXIII 23o
Aine nus hon tele ne trouva :
Le moine enquierque, si s'en va Tout coiement vers l'abeïe, Mais le portier n'apela mie.
Venus est as canbres privées Ki sor l'iaue estoient fermées ; A .1. des pertruis est venus, En séant met le moine jus, Puis a pris un torcon de fain, Et se li a mis en la main ;• Bien l'apoia tout environ, Puis li vesti son caperon.
Le moine laise en tel manière , Puis vint en son ostel ariere, Et dist : « Dame, soies en pais Seùr somes, ne plourés mais; Ce ne puet mais nus nom savoir :
Couchons nous, se ferons savoir. »
Atant se vont coucier ensanble, Et li secretains, ce me sanle, Ne se puet muer ne crouler.
Mais le prieus couvint aler Maugré sien, qui mal ot u ventre :
Tout droit en la privée en entre U li secretains fu assis.
Li prieus cuide que soit vis :
Si s'est assis à un pertruis.
En grant pièce ne se mot puis Et tenoit .1. cierge en se main ; S'a couneù le secretain.
t6o DU SEGRETAIN OU DU MOINE
Endormis cuide que il soit Et dist li prieus ce que doit :
« Qui ci dormes en tel manière, Tornés en vostre lit arrière! »
Cil ne dist mot ne tant ne auant.
Et li prieus leva boutant, Un petit le cuide asener.
Cius ciet sor le pie du piler, Se que la teste vint de sos : .
Ains de sa bouce n'isci mos.
Li prieus Ta levé amont, Et li noit de pecié le front, Et ne tira ne pié ne main : * « E Dius! j'ai mort le secretain, Le pecié n'ert ja espani !
Volés vous, corpus Domini, Biausdous conpains, parlés à moi !
Cil ne li dist ne cou ne quoi; « Dius! con m'a enconbré peciés !
Or sui jou de murdre enteciés.
Ke ferai, las! se c'est seû ? Tout mi conpaignon ont veù K'ier matin desmenons l'uns l'autre Or sui jou ceûs en mal faute, Ke mais messe ne canterai.
Mais par l'ordre Diu si ferai ; Ançois m'en cuit aidier moût bien :
Or i parra se je sai rien. »
Le moine enquierqua à son col, Anquenuit trouvera plus fol;
24 FABLIAU CXXIII î^o
S'a trespassée la rivière,
Sa pensée est en tel manière
Et dist que il le laisseroit
A l'uis de celi qu'il savoit
Ki est plus bêle et plus cortoise.
Et ce fu icele borgoise
Por cui li secretains fu mors.
A cel uis aporta le cors
Tout en estant, et puis s'en torne
Ariere moût dolant et morne.
En l'abeïe en est venus ;
Ens ou lit est couchiés tous nus.
Et li borgois gist en sa canbre :
Trestout li vont tranlant li menbre, Li effrois le fait esvellier ; S'a apelée sa moullier Et si l'en a à raison mise :
« Dame, bailliés moi ma cemise, S'irai là hors en mi la rue; Ne sai quel cose m'est venue Au cuer : si m'en irai là hors.
— Sire, Dius me gart vostre cors, »
Fait la dame, « par sa douçour ! »
Cil se lieve qui en esrour Estoit, si a l'uis deffremé; Mais ançois qu'il l'ait desserré, Li ciet li moines à ses pies :
« Dame, » dist il, « aidiés, aidiés! »
Quant la dame oï son mari, Celé part vint à cuer mari
Et dist : « Sire, avés vous essoine ? — Oie, dame, vesci le moine :
A peu ne m'a jeté du sens.
Si m'aït.Dius, je cuit et pens K'il est venus ses deniers querre, Mais s'il estoit ficiés en terre, Je cuit qu'il n'en istroit jamais; Autrement n'arons nous ja pais.
Aidiés moi, si le porterai ; Je sai bien où je l'en fourai. »
Le moine enquerquier si s'en va, Tant que .1. grant fumier trouva De porretures et d'estrain :
Iluec metra le secretain.
En ce fumier ot .1. bacon K'enblé avoient .ni. larron; Si l'avoient iluec mucié.
Li borgois a tant revercié K'il est au bacon asenés, A peu ke il n'est forsenés; Bien cuida que diable fust Ki du sens jeter le deùst.
Tous esbahis fu que ce soit Quant il vit que bacons estoit.
Hors l'en a trait à grant essoine, Et puis i enfoui le moine.
Le bacon kerke, si s'en va, Tant que sa femme retrouva.
Si li dist : « Sire, dous amis, Porquoi n'est il en terre mis?
î6 FABLIAU CXXIII 35o
A quoi faire l'aportés vous?
— Dame, par la foi que doi vous, C'est uns bacons et bons et grans :
Assés en avons à .11. ans. » *
De ces .11. atantvous lairons, Et vous dirons des .111. larrons Ki vellent en une taverne U maleùrtés les gouverne, a Par foi, » fait li uns, « j'ai grant fain, Et il ert venredis demain Ke on n'ose de car mengier, Encor se feroit bon vengier Au mains d'une grant carbonée :
Nous avons boune car salée. »
Ensi s'acordent li larron Ke lidoi aillent au bacon, Et li tiers remaigne en estages.
« Taverniers, » fait il, « je sui pièges, Et cist iront à la vitaille :
Il venront maintenant sans faille. »
Le gré eurent du tavernier ; Tout droit s'en vont vers le fumier; Le bacon coumencent à querre, Le fumier euvrent et la terre.
Tant cerquierent qu'il asenerent Au moine, et quant il i trouvèrent Le froc, cascuns s'est mervelliés.
Li uns asenne vers les pies; Cil desus dist : « De coi redotes ? » Il respont : « Nos bacons a botes,
38o DU SEGRETAIN OU DU MOINE 127
Et si a bras et mains et ganbes.
— Par les eus Diu, » fait il, tu ganbles.
— A ! conpains, ce n'est mie fable , Nous avons pour bacon diable Grant et hideus et contrefait.
— Si m'ait Dius, ci a mal plait ; Di moi que nous en pourrons faire.
— Jou te dirai, par saint Ylaire, »
Fait l'autres, « je me veus entendre : Je m'acorc que nous Talons pendre Là ù nous l'enblasmes anuit :
Si en orras demain grant bruit Ke li vilains en sera pris, Et puis en la gaiole mis. »
Ensi s'accordent li larron :
Le moine en portent derandon, Tant qu'il vinrent à le maison U orent enblé le bacon.
Ileuc l'ont par le col pendu; Ensi l'ont au vilain rendu, Puis s'en tornent vers la taverne Tout sans candelîe et sans lanterne.
Quant lor conpains venir les voit, Si lor demande ce que doit K'il n'aportoient carbonées :
« Folie nous as demandées, Ke li bacons est devenus Uns moines cauciés et vestus.
— Et qu'en avés vous donques fait?
— Demain en orras autre plait,
Ke nous l'avonmes rependu De là ù l'aviés despendu. »
Des .111. larrons vous ai voir dit.
Mais li vilains gist en son lit, Et sa femme d'encoste lui :
« Dame, » fait il, « g'irai ancui A .1. marchié qui est ci près : Je voi tous mes voisins engrès De gaegnier de leur preu faire, Et jou doi bien autretel faire.
— Par foi, sire, vous dites voir, Mais je vous dirai .1. savoir,
Et, s'il vous plaist, si me querrés ; Ançois vous desjeùnerés.
— Dites donc que je menjerai, Kar à mains de coust là serai.
— Sire, je vous tieng à bricon :
N'avés vous encore .1. bacon?
Si en faites bones bricaudes.
— Or sus ! nous les mengerons caudes, » Fait li vilains, « encore encui. »
Atant se sont levé andui :
La preus femme le fu atise; Li vilains a l'esquiele prise.
Il apoia à .1. postel :
Et tint en sa main un coutel Ke le bacon veut asalir, Et ne cuide mie falir.
Quant il a les canbes veûes Ki n'estoient pas trop menues,
Il aperçoit le froc au moine :
« Aïe Dius et saint Antoine!
A ! femme, ce n'est mie fable !
Por no bacon avons diable Grant et hideus et contrefait !
Par le cuer Diu ci a mal plait ! »
Atant a le hardel trenchié; S'a le moine jus trebuchié.
Tant l'a visé, tant l'a veù S'a le moine reconneû :
« E ! femme, » ce dist li vilains, « Je cuit que c'est li secretains. »
Quant la femme ot celé novele, Saciés ne li fu mie bêle, Et dist en bas : « Que ferai, lasse?
Bien sai, je serai demain arse, Et vous serés pendus, biaus sire.
Demain porra li siècles dire K'o moi l'avés trové gisant.
— Femme, ne te va esmaïant, Ke jou ferai ja tost tel carne Ke je t'osterai de cest blasme.
Li blans jumens au capelain Gist là hors atout .1. poulain; N'est encore gaires doutés, Se li moines est sus montés Bien loiiés à une cordele;
Et nous avons une vies sele Ke nous li métrons sus le dos.
— Sire, por Diu, car faites tos,
Fa»l. v. 17
l3o FABLIAU CXXIII 470
Car ce me vient moût à plaisir. »
Atant va le poulain saisir; Si li a la sele sus mise :
Le moine i loient en tel guise De ça ne de là ne balance, Et puis a pris une vies lance :
Se li a desous le bras mise En tel manière et en tel guise Si qu'ele vient trestout à point, Et .1. escu vies et despoint Li mist au col et tout destaint.
De Postel l'a ensi espaint, Et li poulains en travers saut Une eure bas, et autre haut, Si que nus ne le puet tenir.
Et li jors coumence à venir Ke la gens lieve par la vile : Du pule i ot plus de .xx. mile.
Du moine s'esmervellent tuit Ki ensi vient par si grant bruit :
« Fremés les huis ! fremés ! fremés ! Ci vient uns moines très armés ! »
Tout le gabent et tout le huent; Maint pot et maint torçon li ruent.
A l'abé conta uns vilains :
« Sire, ci vient li secretains Cui on va huant comme fol ; Il a .1. escu à son col Et porte lance grande et fort :
Il veut mal ne sai cui de mort. »
5oO DU SEGRETAIN OU DU MOINE
Et quant li prieus Fol dire, Si dist qu'il vient por lui ocire, « Mais ci ne l'atendrai je mie. »
Atant se fiert en l'abeïe, Derier le grant autel se muce; De son caperon fait aumuce, A genous et à jointes mains.
Et saciés que li secretains Fu encor sor le palefroi.
Mais por le noise et por l'effroi Ke la jent aloient menant S'en va vers le moustier bruant, Mais si basse i estoit l'entrée Si comme i vient de randonée, Fiert la teste à lintel desus :
Ronpent cordes, et il ciet jus Trestous envers, janbes ouvertes.
Adonc ceurent li moine acertes, Se se metent tout environ.
Sanglant treuvent le caperon Et lui assés plus froit de glace :
Or n'i a nul ki duel ne face.
Quant il virent que il est mors, Li abes enfoï le cors, Mais, ançois qu'il fust enterrés, Fu assés plains et regretés.
Ensi nus raconte cis livres Que li borgois ot les .c. livres Et le bacon en son demoine.
Ici faut li Fablaus du Moine.
