QUI OT MERE A FORCE

Paris, Bibl. nat., Mss. fr. 837, fol. 229 v° à 23o v<>, et 191 52, fol. 57 r° à 58 r°.

|cis fabliaus, ce est la voire, Si nous raconte d'un provoire Qui avoit une vielle mère Moût felonesse et moût amere ;

Boçue estoit, laide et hideuse,

Et de toz biens contralieuse.

Toz li mons l'avoit contre cuer,

Le prestres meïsme à nul fuer

Ne vousist por sa desreson

Qu' ele entrast ja en sa meson,

Trop ert parliere et de put estre.

Une bêle amie ot le prestre,

Que il vestoit et bien et bel :

Bone cote ot et bon mantel,

S'ot .11. peliçons bons et biaus,

L'un d'escuireus, l'autre d'aigniaus;

Et s'ot riche toissu d'argent,

Dont assez parloient la gent.

Mais la vielle parole plus De l'amie au prestre que nus, Et disoit à son fil meïsme Que il ne l'amoit pas la disme Qu'il fet s'amie ; il i pert bien Que li ne veut il doner rien, Sorcot, ne peliçon, ne cote :

« Tesiez, » fet il, « vous estes sote ; De qoi me fêtes vous dangier, Se du pain avez à mangier, De mon potage et de mes pois?

Encor est ce tout seur mon pois, Que vous m'avez fet mainte honte. »

La vielle dist, que rien ne monte :

« Desormès voudrai en avant, Que vous me tenez par couvant A grant honor com vostre mère. »

Li prestres respont : « Par saint Père, Fêtes du pis que vous porrez :

James du mien ne mengerez Ne ne girrez en ma meson.

— Si ferai voir. — Non ferez. — Non?»

Fet la vielle, « je m'en irai

A l'evesque; seli dirai Vostre errement et vostre vie, Com vostre meschine est servie.

— Alez vous en, » ce dist le prestre : « Trop estes maie et de put/estre, Ne venez jamais ceste part. »

Atant la vielle s'en départ