DE LA DAME QU I FIST, ETC

Et à failli et à mauvais, Qu'ainz si batue ne vi mais Con fustes orandroites ci ; Et se Deus me face merci, Or me sanble ce desverie, Car des treces n'avez vos mie.

Abastu ai vostre frestel ; Je les copai à mon cotel Au mains ensi con il i pert.

Qui fait folie sel conpert :

Comparé avez vostre outraje Que vos m'avez ci fait domage Que vos m'avez ci reprochié.

— Vos pardoin je tôt lo pechié Que mes treces avez encore, Con je cuit que sonjastes ore, Se trop ne vos dolent les rains Et se vos avez les os sains, Que vos me cuidastes ce faire. »

Li borjois ot honte et contraire :

A la teste li vait tastant; Si trove les tresces tenant Et des chevaus moût grant planté.

Lors cuide bien estre enchanté, Trespansez est et entrepris :

Par la corne a lo cousin pris, O la dame ot les treces prises Qu'i li ot botées et mises.

Si prant la coe de l'anesse Qu'ele ot botée por la tresse.

Adonc s'espart et esbaïst, Por x. livres mot ne deïst ; D'une grant pièce en fu toz mus, Si duremant fu espardus Por lo songe dont i sovint Qu'il ne set conmant il avint, Se l'estoire ne vos an mant, Qu'il cuida par enchantemant Fust avenue ceste chose, Et la dame lo blasme et chose, Et dit que, se Deus la secore, Grant honte li avoit mis sore, Gar el n'a soin de puterie, Ce fu mauvaise lecherie, Et si li dit mais tel outraje Tost i avra honte et domage.

Cil li prie qu'el li pardoint; Merci li crie et les mains joint :

« Dame, » fait il, « se Deus m'ait, Je voz cuidoie sanz dédit Avoir honie à tous jorz mais Et vos treces copées près, Mais or voi bien que sontmançonje Ainz mais ne sonjai nul tel songe. »