DE LA GRUE

Et je l'avré, ge cuit, par tens. »

Par pou n'est issue do sens La norrice, et chiet jus pasmée.

Quant se relieve, s'a plumée La grue et bien aparelliée; Ja n'i avra, ce dit, ailliée, Ainz en voudra mengier au poivre.

Sovent ai oï amentoivre Et dire et conter en main leu :

Li domages qui bout au feu Vaut miaus que cil qui ne fet aise.

Qui que soit bel ne qui desplaise, La grue atome bien et bel, Puis si rêva querre .1. cotel

Dom ele vialt ovrir la grue.

Et la meschine est revenue A la fenestre regarder ;

Si vit lou valet trespasser

Qui moût est liez de s'aventure,

Et la damoisele à droiture

Li dist : « Vaslez, venez tost ça,

Ma norrice se correça

De ce que mon foutre en portastes

Et vostre grue me laissastes.

Par amor venez lou moi rendre;

Ne devez pas vers moi mesprendre;

Venés, si fêtes pès à moi.

— Ma damoisele, je l'otroi, »

Fet li vaslès. Lors monte sus;

La damoisele giete jus

1 56 FABLIAU CXXVI l6o

Et entre les janbes li entre :

Si li en bat lou foutre el ventre.

Quant ot fet, tantost s'en ala, Mes la grue pas n'i laissa; Ainz l'en a avec soi portée.

Et la norice est retornée Qui la grue vialt enhaster :

« Dame, ne vos estuet haster, »

Fet la meschine, « qui l'en porte, Qui s'en est issuz par la porte, Desfoutue m'a, jel vous di. »

Quant la norice l'entendi, Lors se débat, lors se dévore, Et dit : « Que maudite soit l'ore Que je onques de vos fui garde!

Trop en ai fet mauvese garde, Quant si avez esté foutue, Et si n'ai mie de la grue; Je meïsmes li ai fet leu :

La maie garde pest lo leu. »