QUI OINT LA PALME AU CHEVALIER

Paris, Bibl. nat., Mss. fr. 2173, fol. 97 r° à 97 v°,

et Bibl. de Berne, Mss. 354, fol. m v°

'une vielle vos voil conter Une fable por déliter :

.II. vaches ot, se truis o livre.

Là o ele prenoit son vivre

.1. jor furent ensanble alées.

Si les a li prevos trovées ;

Mener les fait en sa maison.

Qant la famé sot la raison,

Alée i est sans plus atandre ;

Proie li que li fasse randre.

Assez proie, mais ne li vaut

Que au félon prevost ne chaut

De qanqu'ele dit ne li veille :

a Par ma foi, » dist il, « bêle vielle,

Ainz avroiz paie cest escot

Des granz deniers muisiz el pot ! »

La boene famé atant s'en tome,

Tristre et marrie, à chiere morne.

Hersan encontre, sa voisine,

Si li a conté sa convine.

I 58 FABLIAU CXXVII 5o

Ersant .1. chevalier li nome, Q'ele voist parler à aut home; Biau parolt, si soit saje et cointe, Se la paume li avoit ointe, Ses vaches li feroit avoir Trestotes quites sanz avoir.

La bone famé a quis del lart Qui n'i antant barat ne art :

Au chevalier en vint tôt droit, Qui devant sa maison estoit.

Li chevaliers ot mis ses mains Par avanture sor ses rains ; La famé par darriere vait :

Lo lart par la paume li trait.

Qant cil sant sa paume lardée, Si a la vieille resgardée :

« Bone famé, que fais tu ci ?

— Sire, por amor, Deu merci, Si me fu dit c'a vos venisse

Et que la paume vos oinssisse,

Et se je ce faire pooie,

Mes vaches tout quites ravroie.

— Celé co t'anseigna à faire Entandi tôt à autre afaire ; Mais ja por ce riens n'i perdras :

Tes vaches quites raveras.

Si t' abandon lo pré et l'erbe. »

L'avanture de cest proverbe Retrai por riches homes hautzj Qui plus sont desloiaus et faus;