DE LA VIELLETEOU DE LA VIELLE TRUANDE

De vies argent et de vies oint

Dont son visage et ses mains oint

Por le solel qu'il ne l'escaude ;

Mais ce n'estoit mie bêle Aude,

Ains estoit laide et contrefaite.

Mais encor s'adoube et afaite

Por çou k'encore veut siecler.

Quant ele vit le baceler

Venir si très bel à devise,

Si fu de lui si tost esprise

K'ainc Blanceflor n'Yseus la blonde

Ne nule feme de cest monde

N'ama onques si tost nului

Com ele fist tantost celui.

« Dieus vous saut ! » fait il, « boine famé !

Veïstes vous hui passer ame ?

— Naie certes, mes enfes dous :

Que pleûst Diu k'entre nos dous Jeûssons ore bras à bras !

Si fesissiemes nos soûlas.

— Soûlas ! » fait il, « por les sains Diu, Porriés vous donc soffrirmen giu?

— Certes, » fait ele, « jou ne sai, Mais or en soions à Tassai :

Se jou nés puis soffrir, si perge !

— Li maufés, » fait il, « vous aerge, Ançois que jou puis tel ju faire!

De vos soûlas n'ai jou que faire.

— Non, » fait ele, « me douce vite, Je sui plus poissans et plus simple

74 PABLIAU CXXIX I 16

Que jou ne perce par dehors ;

Si ai bien savereus le cors

Et deduisans ma douce geule,

Et je sui ci trestoute seule ;

Si avomes ci moût biau liu.

Descendes, dous amis, par Diu;

Si me baisiés et acolés

Et faites plus, se vous volés.

— Baisier? » fait il, « vieille pusnaise,

Volés vous donc que jou vous baise ?

Li .c. diable i soient tout! »

Quant celé le voit si estout K'ele n'i puet merci trover Por prometre ne por doner, Lors dist qu'après lui s'en ira, Ja celé part ne tornera.

Prist s'escuele et son pochon, Son sakelet et son baston ; Son drapel prent et si s'en torne, De courre après celui s'atorne.

Tant le porsiut et tant le cache.

Tant a porsiue sa trace K'ele le consiut et ataint Là ù cius son ceval restraint Qui passer de voit .1. courant; Et la vielle vient acourant Qui d'amors estoit marvoïe :

« Tôt, » si fait ele, « n'irés mie ; Par le mort Diu n'i passerés S'outre l'iaue ne me portés.