I40 DE LA VIELLETE OU DE LA VIELLE TRUANDE I 7S

— Li maufés, » fait il, « vous i port, Vielle pusnaise, et vous raport, Que ja ne vous i porterai.

— Fius, » fait ele, « jou te portai Ens en mes flans .ix. mois entiers; Si te nouri moût volentiers :

Tu es mes fius, por Diu merci ;

Ne me laisse pas seule ichi.

— Vos fius ! » fait il, « vielle brehaigne !

Li passions ançois vous pregne

Que ja me mère soit si faite,

Si clope ne si contrefaite,

Car me mère est haute borgoise.

— Fius, » fait ele, « corn il me poise Que jou vous voi si desvoiés :

Vo mère sui, bien le saciés ; Mes fius estes tôt entresait, Maugrés que tos li mons en ait.

— Vois, » fait il, « pour le geule Diu, Sui bien honis à ci boin giu

Quant ceste laide vielle sote Se fait me mère tôt à force !

Près va que jou ne l'escervele. »

Dont se raert cius à sa sele A çou qu'il cuida monter sus, Et li vielle le rabat jus, Et si l'emporte et sace et tire.

A çou qu'il sont en tel martire Et qu'ele le tenoit si court, .1. haus hom repairoit de court

A grant compaignie de gent; Si vint par là isnelement.

Si s'enbati sor la mellée.

« A il maaille bestornée, Biaus amis? » fait li castelains; « Ne soies pas faus ne vilains ; Paiiés le feme son argent, Puis k'ele a fait vostre talent.

— Or resui, » fait il, « bien venus; Mius ameroie estre pendus K'eûsse fait tel vilonie ! »

Et li truande haut s'escrie : « Sire, por Diu, faites me droit De mon enfant, qui ci endroit Me veut laissier ci à cest port ; Dites li, sire, qu'il m'en port Par mi celé eve outre cel tai :

C'est mes enfes, jou le portai.

— Ha! » fait li sires, « dous amis, Qui vous a en si fait sens mis Que vous laissiés ci vostre mère?

Car l'en portés outre, biau frère.

— Sire, » fait il, « vous avés tort Qui me metés seure la mort, Que si me laist Dius repairier

A mon ostel sans encombrier, Que jou ne soie desmembrés, Ars u pendus u traînés Que jou onques mais ne le vi Ne ne parlai encore à li,