L'E POVRE CLERC
Bibl. de Berne, Mss. 354, fol. 162 v° à 164 v°.
e ne vol pas faire lonc conte :
(Cist fabliaux nos dit et raconte Que à Paris ot demoré I. clers tant que par povreté
Li covint la ville alaissier
Et qu'il n'ot mais que engagier
Ne que vandre, don rien aûst.
Très bien vit que pas ne poùst
En la vile plus demorer,
Car mauvais fust lo sejorner.
Puisqu'il ne s'an saùst o prandre,
Miauz valt il laissier son aprandre.
A la voie s'est li clers mis,
Et si s'an va en son païs
Con cil qui en ot grant talant,
Mais n'ot o soi gote d'argent;
Si en est moût desconfortez.
Cel jor en est li clers alez :
Onques ne but ne ne manja.
En une vile qu'il trova
5o LE POVRE CLERC 1^3
S'an est chés .1. vilain entrez ;
N'i a fors la dame trové
Et la béasse solemant.
Moût fu de fier contenemant
La dame, ce li fu avis.
L'ostel li a li clers requis
Par charité et par amor :
« Danz clers, » fait ele, t mon seignor
N'est mie ceianz orandroit,
Et je cuit qu'il me blasmeroit
Se je avoie herbergié
Vos ne autrui san son congié. »
Lors dist ii clers une parole :
« Dame, » fait il, c je vien d'escole;
Si ai hui aie moût à toise :
Mais or faites conme cortoise,
Si me herbergiez sanz plus dire. »
Ele l'esquialt à escondire
Plus qu'ele n'avoit fait devant.
Ez vos un vallet tôt errant Qui .11. baris de vin portot; La dame au plus tost qu'ele pot Les bariz reçut et muça.
La baiasse s'apareilla .1. gastel rasti qu'ele avoit; Char de porc qui el pot estoit A traite et mise en un platel.
« Certes, dame, moût me fust bel, »
Fait li clers, « de remaindre o vos ! » Et ele dit tôt à estrous :
Fabl. v. 2 5
« Danz clers, ne vos voil herbergier ; Alez vos aillors porchacier. »
Atant li clers de li se part, Et la dame à cui il fu tart As talons li a l'huis fermé.
Mais il n'a gaires loin aie, Qant il encontra .r. prevoire Enbrunchié en sa chape noire Qui par delez lui s'an passa; Onques un mot ne li sona ■ En la maison s'an est entrez Là don li clers s'an fu tornez.
Si con li clers se demantoit En quel leu ostel troveroit, .1. prodom l'oï demanter; Tantost lo prist à apeler :
« Qui estes vos qui là alez ?
— Certes uns clers sui moût lassez, Car je ne finai hui d'aler
Et si ne puis ostel trover.
— Por Deu et por saint Nicolas, Danz clers, ne vos esmaiez pas.
Car vos avez ostel trové.
Dites moi, avez vos esté En ceste maison qui est ci ?
— Sire, orandroit que j'an parti, Je ne vos ai que aprester. »
Lors prant li sires à jurer :
« Or retornez hardiement,
Que, foi que je doi saint Climant,
O LE POVRE CLERC ig5
L'ostel est miens, sel presteré Et vos et autre que voldré.
Je vieing del molin auramant; Si port farine de fromant Por faire à mes enfanz do pain. »
Or s'an vont andui main à main, Araumant vienent à la porte, Et li prodom qui son fais porte Apele et crie duremant, Tantost con li prestes l'antant :
a Lasse, » fait el, « c'est mon seignor; A ! sire prestes, par amor Esploitiez vos tost, si muciez En celé croiche, et si soiez Moût aseùr, car gel ferai Cochier au ainz que je porrai. »
Et li prestes sanz demorance Tantost en la croiche se lance.
Tant a li sires apelé Qu'ele li al'uis desfermé; 11 et li clers sont anz entré.
« Sire clers, or vos desfublez, »
Fait li sires, « et si soiez Liez et baus et toz envoisiez, Car j'en seroie moût joios.
— Dame, » fait il, « que faites vos?
N'aprestez vos que nos manjon?
— Sire, si aiie ge pardon, Je ne vos ai que aprester. »
Lors prant li sires à jurer :
« Par les sainz Deu, dites vos voir?
— Certes vos poez bien savoir Qos i laisastes au matin,' Qant vos alastes au molin.
— Dame, » fait il, « je n'i pans mie, Si Damedeus me beneïeJ
Por solemant cest clerc me tient.
— Sire, )> fait ele, « or vos covient Faire do'miauz que vos porez, Tost est uns mangiers trespassez :
Esploitiez tost ! » fait la béasse Prandre la flor : « et se en passe, Don tu lor faces à mangier
Del pain, puis s'en aillent cochier. »
Li sires fu moût coreciez; Lors avoit son clerc araisnié :
« Dan clerc, se Deus me beneïe, Mainte chose avez ja oïe, Car nos dites une escriture O de chançon o d'avanture, En tant dejans^comme Tan cuist Ce que mangier devons enuit. »
Li clers li respondi briémant :
« Sire, » fait il, « ne sai conmant Fables deïsse que ne sai, Mais une peor que g'i ai Que je ai eu, dire bien, Car de fablel ne^sai je rien ; La peor je la vos dirai. »
— Et je quite vos clamerai, »
