OO DE LA YIELLETE OU DE LA VIELLE TRUANDE I
Ne ne sai qu'ele me demande.
Çou est une vielle truande, Ne jou ne le vi onques mais.
— Sire, pour Diu, laissiéme en pais, » Fait li sires, « par saint Vincent, Savoie ore certainement
Que la truande me mentist, Et que ne vous apartenist Il le vous convenoit ja foutre.
Je duc ore avoir dit tôt outre. »
Quant la truande ot le haut home :
« Sire, par saint Piere de Rome, Il ne m'apartient ne jou lui N'onques mais jor ne le connui Fors hui cest jor qu'il me jura Sor sains que il m'espousera.
— Ahï! » fait il, « vielle sorcière, Li passions ançois vous fiere ! »
Fait li sires : « Or n'i a tour :
Foi que jou doi saint Sauveour, Puis qu'ele ne vous apartient, Tantost foutre le vous convient. »
Adonc ot li vallès grant ire,
Ne sot que faire ne que dire :
« Sire, » fait il, « pour Diu merci,
Vous m'averiés enfin honi
Et grant desloiauté feroie,
Sire, se ma mère foutoie ! »
Li sires l'ot, si en a ris ;
Fait il : « Foi que doi saint Denis,
Fabl. v. 2 3
Aine mais ne vi sifaites gens.1 Vallès, dis tu voir ou tu mens ?
— Sire, » fait il, « çou est ma mère.
— Or, n'i a tour c'un seul, biau frère : Outre l'iaue le porterés,
U, voiant tous, le fouterés.
— Sire, voir se li porterai, Que ja voir ne le fouterai. »
Dont prist le vielle entre ses bras; Si l'en porta enesle pas;
Desor son archon par devant L'emporta outre le courant Et en la fin tant le mena Li vielle, si c'on me conta, C'ançois que il de li escape , Covint qu'il li donast se cape ; Si le baisa tôt maugré suen.
Quant de tant en ot fait son buen, Si fu des gens grans la risée.
« Or l'as baisie et acolée, »
Fait li castelains, « biaus amis. »
Et cius s'en va tous desconfis Cui li vielle a tant pormené K'elel'envoiadeffublé.
Por çou vous di en la parfin :
Teus cuide avoir le cuer moût fin Et moût repoint, n'est pas mençoigne, Qui set moût peu à le besoigne.
Explicit de le Viellete.
DO M AIGN 1 EN
QUI FOTl LA DAME
Paris, Bibl. nat., Mss. fr. 1593, fol. 148 v°; Bibl. de Berne, Mss. 354, fol. n5 r° à 116 r°.
r escoutez, laissiez moi dire, Je vos dirai une matire Que je ai volantiers aprise.
.I.êbachelers ot famé prise,
Qui riches ert et aaisiez.
Qant il ce fu o lit cochiez,
Ne sai par .11. nuiz o par trois,
La dame qui vost tenir frois
Son cors, comande à faire .1. bain.
La chanberiere sanz desdain
Lo fîst qant el Tôt comandé,
Et quant lo bain ot apresté,
Et la dame dedanz entrer
Et donc n'i volst plus arester.
La maison fu voide de gens
Qu'i n'avoit que aux .11. loianz,
Por ce qu'il n'i ot qu'eles deus.
Une formete à .111. quepeus
Avoit la baiasse aportée,
Et la dame est desus montée
Qui tote despoilliée fu.
Li quepou erent vermolu
Et sor aux remest tôt lo fais ;
Li quepou qui erent mauvais
Peçoient et la dame chiet :
Desor une dove s'asiet
Si qne moût en sant grant achiée ;
Moût durement ce sant bleciée.
Sa meschinete i est alée,
Qant celé l'avoit apelée ;
Et la dame li dist : « Amie,
Moût sui bleciée, Deus maudie
Celui qui ceste sele fîst ! »
Et la pucele après li dist :
« Dame, » fait ele, « li maus feus
L'arde ! » La dame li dist : « Leus,
Car garde s'il ne m'i pert point. »
La dame par devant s'esjoint,
Si s'est as estepons tornée.
Celé n'ert mie acostumée
Que par derrière veïst on.
Dame, li foie et li pormon
Par lo mien esciant là chiet.
Desor une dove s'assiet :
« Cornent, » fait ele, « part il plaie?
— Oïl, » fait ele, et moût s'esmaie, « Qui est fandue demi pie.
— Lasse, » fait ele, « don sui gié,
78 DO MAIGNIEN QUI FOTI LA DAME l8l
Se je n'en ai moût tôt aïe ?
Por amor Deu, ma doce amie, Alez, si me querrez .1. mire :
Ja celé rien ne savra dire Que je ne li doigne del mien. »
Atant oïrent un maingnien Qui son mestier aloit criant, Et la pucele maintenant Vient à l'uis, lo meignien apele, Qui portoit une viez paele.
Tantost en la maison entra, Et la dame li demanda Se il savoit point de mecine :
« Dame, j'ai encor tel racine Qui vos garroit, n'en dotez rien. >> La dame li dist : « Por combien?
— Por .xx. et .vi. sous de mansois; N'en prandroie mie estanpois,
Et sachiez que bien vos garrai.
— Mais .xx. sous prenez sanz délai, Et jel vous fera ja baillier. »
Ainz ne se vost cil traveillier Ne estre del conter en poine.
Maintenant par la main l'an moine, Si l'a cochiée sor un lit.
Li pautoniers qui ont gros vit La fot moût viguerosemant.
Après li demande commant Li estoit ; et celé dit : « Bien ; Se vos avez eu del mien.
Je nel tien mie or à perdu. »
Li pautoniers qui aitiez fu Recomance tôt sanz demore, Et sachiez que en petit d'ore La foutit .m. fois près à près.
« Dame, » fait il, « desoremais M'an porrai je or bien aler; Je ne voil ci plus demorer, Car vos estes tote garie.
— Biaus amis, d'une autre foïe , »
Fait la dame, ci me fust moût bien.
— Par mon chief, je n'en ferai rien, » Fait il, « or avriez"vos tort :
Moût est fous qui à famé mort Costume n'a petit enfant ; Je n'en donroie ja autant De mon oignement por .x. livres.
Li hon est top musarz et ivres Qui à famé fait nul marchié :
Je m'an vois à vostre congié. »
La dame à poine li otroie; Atant c'est cil mis à la voie.
Par cest example vos deffant Que se nus de vos famé prant, Vos lo devez moût bien savoir :
Ne faites pas votre pooir D'à li gésir au premierain, Que quant vanroit au darrien Por fol vos porriez tenir :
Si ne le porroiez fornir,
112 DO MAIGNIEN QU I FOTI LA DAME 1 83
Ce que avreiez comancié Eie avroit moût tost porchacié Qui li feroit autant o plus, Et por ce nel doit panser nus.
Ci finit do Maignien.
LI SOHAIZ DESVEZ
[PAR JEAN BEDEL] Bibl. de Berne, Mss. 354, fol. ioo v° à 102 v°.
'une avanture que je sai Que j'oï conter à Douai Vos conterai briémant lasome, lISSMQ'avint d'une famé et d'un hom
Ne sai pas de chascun lo non.
Prodefame ert, et il prodon ;
Mais tant vos os bien afîchier
Que li uns ot l'autre moût chier.
.1. jor ot li prodom afaire
Fors do païs ; en son afaire
Fu bien .m. mois fors de la terre
Por sa marcheandise querre.
Sa besoigne si bien li vint
Que liez et joiauz s'an revint
A Douai, .1. joudi anuit.
Ne cuidiez pas que il anuit
Sa famé, qant ele lo voit :
Tel joie, con ele devoit,
En a fait con de son seignor :
Ainz mais n'en ot joie graignor.
5o LI SOHAIZ DESVEZ 1 85
Qant Tôt acolé et baisié, .1. siège bas et aaisié Por lui aaisier li apreste, Et la viande refu preste.
Si man.gierent.qant bon lor fu, Sor un coisin, delez lo fu Qui ardoit cler et sans fumiere.
Moût i ot clarté et lumière; .li. mes orent, char et poissons, Et vin d'Aucerre et de Soissons, Blanche nape, saine viande. , De servir fu la dame engrande : Son seignor donoit dou plus bel Et lo vin à chascun morsel Por ce que plus li atalant.
Moût ot la dame bon talant De lui faire auques de ses bons, Car elle i ratandoit les suens Et sa bien venue à avoir; Mais de ce ne fîst pas savoir Que del vin Ta si enpressé Que li vins li a confessé, Et qant vint au cochier el lit, Qu'il oblia l'autre délit, Mais sa famé bien en sovint Qui delez lui cochier se vint; N'atandi pas qu'i la semoigne, Tote iert preste de la besoigne.
Cil n'ot cure de sa moillier, Qui lo joer et lo veillier
Fabl. v. »4
Soufrist bien encor une pièce.
Ne cuidiez pas la dame siece, Qant son seignor endormi trove :
« Ha ! » fait ele, « con or se prove Au fuer de vilain puant ort, Qu'il deùst veîllier, et il dort !
Moût me torne or à grant anui :
.II. mois à que je avoc lui Ne jiu, ne il avoques mi.
Or Pont li deiable endormi, A cui je l'otroi sanz défiance. »
Ne dit mie quanqu' ele panse La dame, ains revoise et repont, Car sa pansée la semont ; Mais ne Pesvoille ne ne bote Qu'i la tenist sanpres à glote.
Par celé raison s'est ostée Del voloir et de la pansée Que la dame avoit envers lui :
S'andort par ire et par anuit.
E1 dormi, vos di sanz mançonge, -»Que la dame sonja un songe ^Qu'ele ert à un marchié annel , Ainz n'oïstes parler de tel, Ainz n'i ot estai ne bojon Ne n'i ot loge ne maison, Changes, ne tables, ne repair O l'an vandist ne gris ne vair, Toile de lin, ne drax de laine, Ne alun, ne bresil, ne graine ,
110 LI SOHAIZ DESVEZ 1 87
Ne autre avoir, ce li ert vis, — Fors solemant coilles o viz;
Mais de cez i ot sanz raisons.
Plaines estoeynt les maisons
Et les chanbres et li solier
Et tôt jorz venoient coler
Chargiez de viz de totes parz -Et à charretes et à charz.
Ja soit ce c'assez en i vient,
N'estoient mie por noiant,
Ainz vandoit bien chascun lo suen;
Por .xxx. saus l'avoit en buen,
Et por .xx. saus et bePet gent,
Et si ot viz à povre gent ;
.1. petit avoit en déduit
De .x. saus et de .ix. et d'uit.
■* A détail vendent et en gros ;
Li meillor erent li plus gros,
Li plus chier et li miauz gardé.
La dame a par tôt resgardé,
Tant s'est traveilliée et penée
C'a un estai est asenée
Que ele en vit .1. gros et lonc.
Si s'est apoiée selonc ;
Gros fu darriere et gros par tôt,
Lo musel ot gros et estot.
Se lo voir dire vos en voil,
L'an li poïst giter en Poil
Une cerise de plain vol,
N'arestast, si venist au fol
De la coille que il ot tele
Con lo paleron d'une pelé
Conques nus hom tele ne vit.
La dame bargigna lo vit :
A celui demanda lo fuer :
« Se vos estoiez or, ma suer,
N'i "donroiez mains de .11. mars :
Li viz n'est povres ne eschars,
Ainz est li miaudres de Laranie,
Et si a coille loreanie
Qui bien a fait auan d'ouvrage,
Prenez lou, si feroiz que saje, »
Fait cil, « demantres qu'an vos proie.
— Amis, que vaudroit longue broie?
Se vos i cuidiez estre saus,
Vos en avroiz .l. saus; Jamais n'en avroiz tant nu leu, Et si donrai lo denier Deu, Que Deus m'an doint joie certaine.
— Vos l'avroiz, » fait il «por l'estraine Que vers vos ne me voil tenir,
Et tôt ce m'an puist avenir Qu'à l'essaier m'an orerez; Je cuit q'ancor por moi direz Mainte oreison et mainte salme. »
Et la dame hauce la paume; Si l'a si duremant esmée, — Qant cuide ferir la paumée, Son seignor fert, moût bien l'asene De la paume delez la caine
yO LI SOHAIZ DESVEZ I 89
Que li .v. doiz i sont escrit.
La paume li fremie et frit Del manton deci q'en Toroille ; Et cil s'esbaïst, si s'esvoille, Et en son esveillier tressaut, Et la dame s'esveille et saut Qui encor se dormist son voil, Car la joie li torne à duel !
La joie en veillant li esloigne Don ele estoit dame parçonge :
Por ce dormist son voil encor.
« Suer, » fait il, « car me dites or Que vos songiez à cel cop, Que vous me donastes tel cop?
Dormiez o veilliez donques ?
— Sire, je ne vos feri onques, »
Fait celé, « nel dites jamais, Tôt par amor et tôt en pais.
— Par la foi que devez mon cors Me dites que vos sambla lors, Ne lo laissiez por nule rien. »
Tôt maintenant, ce sachiez bien, Conmança la dame son conte, Et moût volantiers li reconte
O volantiers o à enviz Conmant ele sonja les viz, Conmant erent mauvais et buen, Conment ele acheta lo suen Lo plus gros et lo plus plenier .L. saus et un denier.
19° FABLIAU CXXXI i
« Sire, » fait ele, « ensin avint; Lo marchié palmoier covint, Qant cuidai ferir en la main, Vostre joie feri de plain; Si fis conme famé endormie.
Por Deu ne vos coreciez mie, Que se je ai folie faite, Et je m'an rant vers vos mesfaite, Si vos en pri merci de cuer.
— Par ma foi, » fait il, « bêle suer, Je vos pardoin, et Deus si face ! »
Puis Tacole estroit et enbrace,
Et li baise la boche tandre ; Et li viz li conmance à tandre Que celé l'eschaufe et enchante.
Et cil en la paume li plante Lo vit. Qant .1. po fu finez :
« Suer, » fait il, « foi que me devez, Ne se Deus d'anor vos reveste, Que vausist cestui à la feste Que vos tenez en vostre main ?
— Sire, se je voie demain, Qui de teus en aùst plain cofre, N'i trovast qui i meïst ofre
Ne qui donast gote d'argent; Mes li vit à la povre gent Estoient tel que uns toz seus En vaudroit largemant ces deus Teus con il est; or eswardez Que là ne fust ja regardez
LI SOHAIZ DESVEZ
Ne demandez près ne de loin.
— Suer, » fait il, « de ce n'ai je soin,
Mais pran cestui et lai toz çaus
Tant que tu puisses faire miaus. »
Et ele si fîst, ce me sanble;
La nuit furent moût bien ensanble,
Mais de ce lo tieng à estot
Que T andemain lo dist par tôt,
Tant que lo sot Jehanz Bediaus,
.1. rimoieres de fabliaus,
Et por ce qu'il li sanbla boens,
Si l'asenbla avoc les suens :
Por ce que plus n'i fîst alonge,
Fenist la dame ci son conte.
Ci fenist li Sohaiz.
