DE SAINT PIERE

ET DU JOUGLEUR

Paris, Bibl. nat., Mss. fr. 837, fol. 19 r° à 2 1 r°, et 191 52, fol. 45 r° à 47 r°.

ui debiau dire s'entremet, N'est pas merveille s'il i met I Aucun biau mot selonc son sens.

Il ot un jougleor à Sens

Qui moût ert de povre rivière,

N'avoit pas sovent robe entière.

Ne sai comment on l'apela,

Mais sovent as dez se pela ;

Sovent estoit sanz sa viele,

Et sanz chauces et sanz cotele,

Si que au vent et à la bise

Estoit sovent en sa chemise.

Ne cuidiez pas que ge vos mente,

N'avoit pas sovent chaucemente;

Ses chauces avoit forment chieres,

De son cors naissent les lasnieres,

Et quant à la foiz avenoit

Que il uns solleres avoit

Pertuisiez et deforetez,

Moût i ert grande la clartez,

Fabl. V. Q

66 FABLIAU CXVII 5o

Et mout ert povres ses ators.

En la taverne ert ses retors, Et de la taverne au bordel ; A ces .11. portoit le cembel.

Mais ne sai plus que vos en die ■ Taverne amoit et puterie, Les dez et la taverne amoit, Tout son gaaing i despendoit, Toz jors voloit estre en la boule, En la taverne ou en la houle.

.1. vert chapelet en sa teste, Toz jors vousist que il fust feste ; Mout desirroit le diemenche, Onques n'ama noise ne tence, En foie vie se maintint.

Or orrez ja con li avint.

En fols peschiez mist son usage ; Quant ot vescu tout son eage, Morir l'estut et trespasser.

Deables, qui ne puet cesser Des genz engingnier et sousprendre, S'en vint au cors por l'âme prendre; .1. mois ot fors d'enfer esté, Ainz n'avoit ame conquesté.

Quant vit le jougleor morir, Si en corut l'ame sesir; Por ce que morut en pechié, Ne li a on pas chalengié.

A son col le geta errant, Vers enfer s'en vint acorant.

8o DE SAINT PIERE ET DU JOUGLEUR 67

Si compaignon par le païs

Avoient moût de gent conquis;

Li uns aporte champions,

L'autre prestres, l'autre larrons,

Moines, evesques et abez,

Et chevaliers et genz assez,

Qui en pechié mortel estoient,

Et en la fin pris i estoient;

Puis s'en repèrent à enfer;

Lor mestre truevent Lucifer.

Quant les voit venir si chargiez :

« Par ma foi », fet il, « bien veigniez!

Vous n'avez pas toz jors festé.

Cist seront ja mal ostelé. »

En la chaudière furent mis.

« Seignor, » fet il, « il m'est avis,

A ce que je en ai veù,

Que vous n'estes pas tuit venu.

— Si sommes, sire, fors uns seus,

Uns chetiz, uns maleùreus,

Qui ne set âmes gaaignier,

Ne ne set les genz engignier. »

Atant voient celui venir Qui aportoit tout par loisir De sor son col le jougleor, Qui moût estoit de povre ator.

En enfer est entrez toz nus ; Le jougleor a geté jus.

Li mestres si l'aresona :

« Vassal, » dist il « entendez ça,

68 FABLIAU CXVII IIO

Fus tu ribaus, trahitre ou 1ère?

— Nenil, » fet il, « ainz fui jouglere ; Avoec moi ai trestout l'avoir

Que li cors seut au siècle avoir.

Li cors soffri mainte froidure, S'oï mainte parole dure ; Or sui ça dedenz ostelez :

Si chanterai se vous volez.

— De chanter n'avons nous que fere, D'autre mestier vous covient trere ; Mes, por ce que tu es si nus

Et si très povrement vestus, Feras le feu souz la chaudière.

— Volentiers, » fet il, « par saint Piere, Quar de chaufer ai grant mestier. »

Atant s'assist lez le fouier,

Si fet le feu delivrement, Et chaufe tout à son talent.

Un jor avint que li maufé Furent leenz tuit assamblé ; D'enfer issirent por conquerre Les âmes par toute la terre.

Li mestres vint au jougleor, Qui le feu fist et nuit et jor :

« Jouglere, » fet il, « or escoute.

Je te commant ma gent trestoute, Garde ces âmes sor tes ieus, Quar je tes creveroie andeus, S'une en perdoies toute seule :

Je te pendroie par la gueule.

— Sire, » dist il , • alez vous ent ! Je les garderai leaument :

Trestout au mieus com je porrai, Toutes voz âmes vous rendrai.

— Et je sor tant le te recroi ; Mes ce saches tu bien en foi, Se une seule en desmanoies, Que trestoz vis mengiez seroies.

Mais ce saiches tu sanz mentir, Quant nos revenron à loisir, Ge te ferai moût bien servir D'un gras moine sor .1. rôtir,

A la sauxe d'un userier

Ou à la sauxe d'un hoilier. »

Atant s'en vont, et cil remaint Qui du feu fere ne se faint.

Or vous dirai comme il avint Au jougleor que enfer tint, Et con sainz Pieres esploita.

Droitement en enfer entra, Moût estoit bien appareilliez :

Barbe ot noire, grenons trechiez.

En enfer est toz seus entrez, .1. berlenc aporte et .m. dez ; Delez le jougleor s'assist Tout coiement, et se li dist :

« Amis, » fet il, « veus tu jouer?

Vois quel berlenc por haseter!

Et s'ai .111. dez qui sont plenier, Tu pues bien à moi gaaingnier

Bons esterlins privéement. »

Lors li moustre delivrement

La borse où li esterlin sont.

« Sire, » li jougleres respont,

« Je vous jur Dieu, tout sanz faintise,

Que n'ai el mont fors ma chemise.

Sire, por Dieu, alez vous ent,

Certes, je n'ai goûte d'argent. »

Dist saint Pieres : « Biauz dous amis,

Met de ces âmes .v. ou sis.

— Sire, » fet il, « je n'oseroie, Quar se une seule en perdoie, Mon mestre me ledengeroit Et tiestout vif me mengeroit. »

Dist saint Pieres : « Qui li dira ?

Ja por .xx. âmes n'i parra ; Voiz ci l'argent qui toz est fins :

Gaaigne à moi ces esterlins

Qui tuit sont forgié de novel.

Je te doins .xx. sous de fardel :

Si met des âmes au vaillant. »

Quant cil vit qu'il i en ot tant, Les esterlins moût couvoita, Les dez prist, si les manoia ; A saint Piere dist à droiture :

« Juons or, soit en aventure Une ame au cop tout à eschars.

— Mes .11., » dist il, « trop est coars, Et qui bon l'a, si l'envit d'une,

Ne m'en chaut quele, ou blanche ou brune ! »

Dist le jougleres : « Je l'otri. »

Et dist saint Pieres, « Je l'envi.

— Devant le cop, » fet il, « deable ! Metez donc l'argent sus la table.

— Volentiers, » fet il, • en non Dieu. » Lors met les esterlins au gieu ;

Assis se sont au tremerel

Lui et saint Pieres au fornel.

« Gete, jougleres, » dist saint Pieres,

« Quar tu as moût les mains manières. »

Cil gete aval. « Si con je cuit,

Par foi, » dist saint Pieres, « j'ai huit ;

Se tu getes après hasart,

J'avrai .ni. âmes à ma part. »

Cil gete .111. et .11. et as,

Et dist saint Pieres : « Perdu Tas.

— Voire, » dist il, « par saint Denis , Ces .111. avant si vaillent sis. »

Et dist saint Pieres: « Jel créant. »

Lors a geté de maintenant

.X11. poins à icele voie :

« Tu me dois .ix., or croist ma joie.

— Droiz est, » dist il, « je l'ai perdu, Se je l'envi, tendras le tu?

— Oïl, » dist sainz Pieres, « par foi.

— Ces .ix. avant que je te doi, Et .xii. vaille qui qui l'ait.

— Dehait, » fet saint Pieres, « qui l'ait. » Dist li jougleres : « Or getez.

— Volentiers, » fet il, « esgardez,

y2 FABLIAU CXVII 23<

Je voi hasart, si con je cuit :

Tu me dois .ni. et .x. et huit.

— Vois, » dist il, « por la teste Dieu, Ce n'avint onques mes à gieu.

Par la foi que vous me devez, Jouez me vous de .un. dez?

Ou vous me jouez de mespoins.

Or vueil je jouer à plus poins.

— Amis, de par le saint Espir, Toz tes voloirs vueil acomplir :

Or, soit ainsi comme tu veus!

Veus tu à .1. cop ou à deus?

— A .1. cop, soit, » fet il, a adès Ces .xx. avant et .xx. après. »

Et dist sains Pieres : « Dieus m'ait ! » Lors a geté sanz contredit, .Xvii. poins, et si se vante Qu'il le fera valoir quarante.

Dist li jougleres : « C'est à droit, Je get après vous orendroit. »

Lors gete deseur le berlenc :

« Cis cops ne vaut pas .1. mellenc. » Dist saint Pieres : « Perdu Pavez, Quar je voi quisnes en .m. dez; Huimès n'ere je trop destrois, Vous me devez quarante et trois.

— Voire, » fet il, « par le cuer bieu, Je ne vi onques mes tel gieu;

Par toz les sainz qui sont à Romme, Je ne croiroie vous ne homme,

t6o DE SAINT PIERE ET DU JOUGLEUR y3

Que ne m'asseïssiez toz cops.

— Getez aval, estes vous fols?

— Je cuit vous fustes uns fors lerres, Quant encore estes si guilerres, Qu'encor ne vous poez tenir

Des dez chengîer et asseïr. »

Saint Pieres Pot, si en ot ire, Par mautalent li prist à dire :

« Vous i mentez, se Dieus me saut ; Mes c'est coustume de ribaut , Quant on ne fet sa volenté, Si dist c'on li change le dé; Mal dahaiz qui sus le me mist, Et mal dahez qui les assist !

Moût a en toi mauves bricon, Quant tu me tenis por larron ; Moût s'en faut poi, par saint Marcel, Que je ne vous oing le musel.

— Certes, » fet cil, qui de duel art, « Lerres estes, sire vieillart,

Qui mon geu me volez noier;

Ja voir n'en'porterez denier,

Ba ! non, quar vous me les toudrez,

Venez avant, si les prenez. »

Cil saut sus por les deniers prendre,

Et sains Pieres, sanz plus atendre.

Le vous aert par les illiers,

Et cil lest cheoir les deniers,

Qui moût avoit le cuer mari ;

Si l'a par la barbe saisi,

Fabl. V. 10

Mout forment à lui le tira,

Et sains Pieres li deschira

Toz ses dras jusques el braiel.

Or n'ot il onques mes tel duel

Qu'il ot quant il vit sa char nue

Paroir jusques à la çainture;

Mout se sont entrechapingnié ,

Batu et féru et sachié.

Or voit le jouglere mout bien

Que sa force ne li vaut rien,

Qu'il n'est ne si fors ne si granz

Con saint Pieres, ne si poissanz ;

Et s'il maintient plus la meslée

Sa robe ert ja si deschirée

Qu'il n'en porra joïr jamès :

« Sire, » dist il, « or fesons pès,

Bien nous sommes entressaié,

Or rejuons par amistié,

Se il vous plest et atalente. »

Dist sains Pieres : « Moult m'est à ente

Que vous de mon geu me blasmastes,

Ne que vous larron m'apelastes.

— Sire, » fet il, « je dis folie,

Or m'en repent, n'en doutez mie ;

Mes vous m'avez fet pis assez

Qui mes dras m'avez deschirez,

Dont je serai mout soufretous,

Or me clamez cuite, et je vous. »

Et dist sains Pieres : « Je l'otroi. »

Atant se besierent en foi.

« Amis, » dist sains Pieres, « entendez, .Xliii. âmes devez.

— Voire, » fet il, « par saint Germain, Je commençai le geu trop main.

Or rejouons, si biau vous vient, Si soient ou .ni. tans ou nient, Se no geu revient en tel mes.

— Par Dieu, » fet cil, « j'en sui toz près; Mes escoutez, biaus amis chiers, Paierez me vous volentiers?

— Oïl, » dist cil, « moût bonement, Trestout à vo comandement :

Chevaliers, dames et chanoines, Larrons ou champions ou moines, Volez frans hommes ou vilains, Volez prestres ou chapelains?

— Amis, » fet il, « tu dis reson :

Or gete aval sanz trahison. »

Sains Pieres n'ot à celé voie Fors .v. et .un. et .1. seul troie.

Dist li jougleres : « .Xn. i voi.

— Avoi, » dist sains Pieres, « avoi, Se Jhesus n'a de moi merci,

Cis daarains cops m'a honi. »

Cil gete aval moût durement

Quisnes et .1. deus seulement.

« Dieus, » dist sains Pieres, « bon encontre

Encor vendra à cest rencontre.

— Or soit .xxii., fiere ou faille, »

Dist li jougleres, « bien les vaille,

y6 FABLIAU CXVII 35o

Getez, .xxii. i ait bien,

Je get, de par saint Julien. »

Sains Pieres gete isnel le pas

Sisnes et puis .1. tout seul as.

Dist sains Pieres : « J'ai bien geté,

Quar je vous ai d'un point passé.

— Vois, » fet cil, « comme il m'a près point ,

Qu'il m'a passé d'un tout seul point ;

Je ne fui aine aventureus,

Mes toz jors un maleùreus,

Uns chetis, et uns mescheans,

Et ci et au siècle toz tans. »

Quant les âmes qui sont el fu

Ont ce oï et entendu

Que sains Pieres a gaaignié,

De toutes pars li ont huchié :

« Sire, por Dieu le glorious,

Nous atendons du tout à vous. »

Et dist sains Pieres : « Je l'otroi,

Et je à tous et vous à moi.

Por vos giter de cest torment,

Mis ge au gieu tôt mon argent,

Mes, se j'eusse tout perdu,

N'i eussiez pas atendu;

Se Dieu plest, ainz la nuit série,

Serez tuit en ma compaignie. »

Adonc fu li joglerres mus :

« Sire, » fait il, « or n'i a plus.

Ou ge du tôt m'aquiterai,

Ou ge trestot par perderai ,

38o DE SAINT PIERE ET DU JOUGLEUR 77

Et les âmes et ma chemise. »

Ne sai que plus vous en devise :

Tant a sains Pieres tremelé, Et tant le jougleor mené, Que les âmes gaaigna toutes; D'enfer les en maine à granz routes, Si les mena en paradis.

Et cil remest toz esbahis, Qui est dolenz et irascuz.

Ez vous les maufez revenuz :

Quant li mestres fu en meson, Garda entor et environ, Ne vit ame n'avant, n'arriére, Ne en fornel, ne en chaudière; Le jougleor a appelé :

« Dî va, » fet il, « où sont aie Les âmes que je te lessai ?

— Sire, » fet il, « je vous dirai.

Por Dieu, aiez de moi merci !

Uns viellars vint orains à mi, Si m'aporta moût grant avoir; Bien le cuidai trestout avoir, Si jouasmes et moi et lui, Moût me torna à grant anui.

Si me gita d'uns dez toz faus Li traïstres, li desloiaus : Aine n'en ting dez, foi que doi vous, Si ai perdu voz genz trestoz. »

Quant li maistres l'a entendu, Par poi ne l'a gité el fu :

« Filz à putain, » fet il, « lechiere,

Vo jouglerie m'est trop chiere;

Dehait qui vous i aporta !

Par mon chief il le comparra ! »

A celui sont venu tout droit,

Qui leenz aporté l'avoit;

Tant le bâtent, froissent et fièrent,

Et tant forment le lesdengierent,

Et si li ont fait fiancer

Que jamais ribaut ne holier

Ne jogleor n'aporteront,

N'orne qui à dez joeront;

Tant Font batu, tant Font bouté,

Que cil lor a acreanté

Que il jamès à nis .1. jor

N'i aportera jougleor.

Dist li mestres au ménestrel :

« Biaus amis, vuidiez mon ostel !

Mal dehez ait vo jouglerie,

Quant j'ai perdue ma mesnie !

Vuidiez l'ostel, gel vos commant,

Ge n'ai cure de tel sergant ;

Jamais jogleor ne querrai,

Ne lor ligniée ne tenrai,

Ge n'en vueil nul, voisent lor voie,

Mais Dieu les ait qui aime joie!

Alez à Dieu, je n'en ai cure. »

Et cil s'en va grant aleùre,

Que d'enfer chacent li tirant :

Vers paradiz s'en vint errant.

Quant sains Pieres le vit venir, Se li corut la porte ouvrir ; Richement le fist osteler.

Or facent joie li jougler, Feste et solaz à lor talent, Quar ja d'enfer n'avront torment :

Cil les en a treztoz getez, Qui les âmes perdi aus dez.

Explicit de Saint Piere et du Jouglew.