Recueil général et complet des fabliaux des 13e et 14e siecles imprimés ou inédits, publiés d'apres les manuscrits
'une aventure qui avint A la cort au bon Roi qui tint Bretaingne et Engleterre quite, Por ce que n'est pas à droit dite, Vous vueil dire la vérité.
A la Pentecouste en esté
Tint li Roi Artus cort pleniere.
Onques rois en nule manière
Nule plus riche cort ne tint.
De maint lontain pais i vint
Maint roi et maint duc et maint conte,
Si com l'estoire le raconte.
Fabl. m ï
Li Rois Artus ot fet crier
Que tuit li jone bacheler
1 venissent delivrement,
Et si fu el commandement
Que qui auroit sa bêle amie,
Que venist en sa compaignie.
Que vous iroie je contant ?
De damoiseles i vint tant
Que je n'en sai le conte dire.
Molt par en fust griez à eslire
La plus bêle, la plus cortoise.
A la Roïne pas n'en poise
De se qu'eles sont assamblées ;
En sa chambre les a menées,
Et, por eles plus esjoïr,
Lor fist maintenant départir
Robes de diverses manières;
Molt furent vaillanz les moins chieres
De molt bone soie et de riche.
Mes qui vous v^oudroit la devise
Et l'uevre des dras aconter,
Trop i convendroit demorer
Qui bien en voudroit reson rendre;
Mes aillorsme covient entendre.
Molt fet la Roïne à loer;
Après lor a fet aporter
Fermaus, çaintures et aniaus;
Onques tel plenté de joiaus
Nul hom, mien escient, ne vit
Comme la Roïne lor fîst
72 DU MANTEL MAUTAILLIÉ 3
A ses puceles aporter ;
S'en fist à chascune doner
Tant comme onquesen voudrent prendre.
Or me covient aillors entendre Et du bon Roi Artu parler, Qui fist aus chevaliers doner Robes molt riches et molt bêles, Et grant plenté d'armes noveles.
Et molt riches chevaus d'Espaingne, De Lombardie et d'Allemaingne.
N'i ot si povre chevalier Qui n'eûst armes et destrier Et robe, se prendre les volt; Onques si grant plenté n'en ot A une feste plus doné.
Si en ont tuit le Roi loé Qui nel fist mie en repentant, Ainz fist toutes vois samblant Que riens ne li griet ne ne couste.
Le samedi de Pentecouste, Fu celé grant cort assamblée; Molt ont grant joie démenée; Molt i ot le jor grant déduit.
Quant il virent venir la nuit, Aus ostex alerent couchier ; Les Hz firent li escuier ; Si coucha chascuns son seignor.
Au matin, quant il fu cler jor.
Resont à la cort assamblé, Et o le Roi en sont aie
Tuit ensamble à la mestre yglise.
La Roïne vait le service Et ses puceles escouter.
Ci ne vueil je plus demorer Ni de noient fere lonc conte, Si con Testoire le raconte.
Quant le service fut fine, Tuit en sont à la cort aie.
Et la Roïne en a menées En ses chambres encortinées Toutes ses puceles o li.
Li serjant furent bien garni De doner au Roi à mengier :
Seur les tables sont li doublier.
Les salières et li coutel.
Mes au Roi Artu n'ert pas bel Que il menjast ne ne beust Por tant que haute feste fust.
Ne qu'à la table s'asseïst De si que à la cort venist Aucune aventure novele.
Gavains le seneschal apele ; Se li demande ce qui doit Que li Rois mengier ne voloit; Quar il est ja molt près de nonne ; Et Kex le Roi en arresone :
« Sire », fet il, « ice que doit Que vous ne mengiez orendroit?
Vostre mengier est prest pieça. »
Li Rois sourrist, si l'esgarda :
l32 DU MANTEL MAUTAILLIÉ
« Dites moi », fît il, « seneschal, Quant veistes vous feste anual Que je à mengier m'asseïsse De si que à ma cort veïsse Aucune novele aventure? »
Estes vous, poingnant à droiture, .1. vallet par mi une rue.
Son cheval d'angoisse tressue Qui molt venoit à grant esploit.
Gavains tout premerains le voit, Qui aus chevaliers escria :
« Se Dieu plest, nous mengerons ja, Quar je voi ça venir corant Seur .1. molt grant roncin ferrant .1. vallet par mi une porte.
Qui aucune novele aporte. »
Atant est li vallès venuz; Devant la sale est descenduz; Assez fu qui son cheval prist.
Li vallès de riens ne mesprist, Quar molt fut sages et membrez :
De son mantel s'est desfublez; Si l'a geté de maintenant Sor le col de son auferrant.
Quant desfublez fu du mantel, A grant merveille par fu bel; Blont ot le chief et cler le vis.
Bêle bouche et nez bien assis, Grosses espaules et Ions braz.
Trestout à .i. mot le vous faz;
Onques plus bel ne fîst Nature; Grant cors et grant enforceûre, Jambes bien fêtes, piez voutiz, Sages paroles et biaus diz Ot li vallès à grant plenté.
Quant en la sale fu entré, Cortoisement et biau parla :
« Cil Diex », fet il, « qui tout forma, Saut et gart ceste compaignie.
— Biaus amis, Diex vous beneïe », Ce li dist Kex le seneschaus;
« Tressuez est vostre chevaus, Quar me dites que vous querez.
— Sire », fet il, « ainz me moustrez Et m'enseigniez Artu le Roi ; Quar, par la foi que je vous doi.
Je li dirai ja tex noveles.
Qui à toz ne seront pas bêles
E teus i a qu'en auront joie. »
A chascun est tart que il oie
Que c'est que li vallès a quis.
a Par mon chief », dist il, « biaus amis,
« Vez le là en celé chaiere. »
Li chevalier sont tret arrière ;
Si lessent le vallet aler.
Cil, qui n'a soing de demorer.
En est devant le Roi venuz;
Se li a fet .i. gent saluz:
« Cil Diex », fet il, « qui fîst le mont
Et toutes les choses qui sont
192 DU MANTEL MAUTAILLIE
Et de tout fet sa volenté, Gart le meillor Roi coroné Qui onques fust ne jamès soit!
Sire », fet il, « or est bien droit Que je vous die que j'ai quis.
Une pucelle m'a tramis De molt lontain païs à vous :
