I. don vous requier à estrous

Et si vueil bien que vous sachoiz Se je ne l'ai à ceste foiz Ja ne vous ert plus demandé ; Ne ja ne vous sera nommé Ne le don ne la damoisele Qui tant est avenant et bêle, De si que je de fi saurai Si je de vous le don aurai.

Et je vous créant une rien Et vueil que tuit le sachent bien Que je ne vous querrai hontage Où aiez honte ne domage. »

Gavains a premerains parlé ; « Cist dons ne puet estre veé » , Fet il, « que n'i ait vilonie.

Mes que nis .1. ne l'en mercie. »

Lors a dit li Rois qu'il l'auroit, Tout maintenant qoi que ce soit; Cil l'en mercie o bêle chiere.

Et li vallès prist s'aumosniere; Si en a tret fors .1. mantel.

Onques nul hom ne vit si bel.

Quar une fée Tavoit fet; Nul n'en saveroit le portret Ne Tuevre du drap aconter.

Or lerai de l'ouvrage ester; Si vous dirai une merveille, Onques n'oïstes la pareille.

La fée fîst el drap une oevre Qui les fausses dames descuevre ; Ja feme qui l'ait afublé, Se ele a de rien meserré Vers son seignor, se ele l'a, Ja puis à droit ne li serra, Ne aus puceles autressi, Se ele vers son bon ami Avoit mespris en nul endroit Ja plus ne li serroit à droit Que ne soit trop lonc ou trop cort.

Et cil oiant toute la cort, Lor a tout aconté et dit L'uevre du mantel et descrit.

Puis dist au Roi isnelemant :

(( Sire », fet il, « de maintenant Que n'i ait point de demorer !

Fêtes le mantel afubler ; Se n'i ait dame ne pucele Qui sache mot de la novele Dont ceenz a grant assamblée.

El me fu de molt loins contée.

Si sui venuz d'estrange terre Por seulement cest don requerre. «

2 DU MANTEL MAUTAILLIE 9

Molt esgarderent le mantel, Et diat : « Gavains, ci a don bel, Et molt regnable est à doner.

Fêtes la Roïne mander ; Gavains, alez i esraument, Vous et Yvain tant seulement, Et si dites à la Roïne Que n'i ait dame ne meschine Qu'ele ne face o li venir; Quar je vueil fermement tenir Ce qu'au vallet ai créante. »

Et cil, cui il l'a commandé,

I sont aie de maintenant.

La Roïne truevent lavant, Qui du mengier s'apareilloit.

Que durement li anuioit

De ce que tant ot jeûné.

Gavains a premerain parlé :

« Dame », fet il, « li Rois vous mande

Et tout à estrous vous commande

Que vous, sans plus de delaier,

Venez en la sale mengier.

Si amenez ces damoiseles

Qui tant sont avenanz et bêles,

Quar à cort vint ore .i. danzel

Qui aporta .i. cort mantel :

Onques nus si riche ne vit.

Le drap est d'un riche samit,

II est à merveilles bien fet ; Molt honorera le portret

Fabl. III 2

Et les ouvrages qui i sont; Il n'a son per en tout le mont, Et sachiez bien de vérité Que il a au Roi créante Que il à celé le donra A cui miex et plus bel serra. )> Or s'en vait la Roïne au Roi, Molt maint o li riche conroi De dames et de damoiseles ; Nulz hon ne vit onc de si bêles Onques mais à une assemblée Que chascune se fust parée D'atorner gentement son cors.

Quant de la sale vindrent fors, Por ce que sont si atornées Furent durement regardées De toz les barons de la cort; Toz li barnages i acort Por esgarder ce que sera.

Li Rois le manteu desploia, A la Roïne l'a monstre, Puis li a dit et créante Que il tout errant le donra A celé cui il melz serra.

Mes onques ne lor en dist plus; S'eles seûssent le sorplus, Miex vousissent que il fust ars, Se il vousist .c'". mars.

La Roïne premier le prent ; Maintenant à son col le pent

3l2 DU MANTEL MAUTAILLIÉ

Que molt amast que il siens fust.

Mes, se la vérité seûst

Comment li mantiaus fu toissuz,

Ja à son col ne fust penduz.

A paine au soller li ataint ;

Toz li vis li palist et taint

Por la honte que ele en ot.

Yvains par delez li estot

Qui li voit si noircir le vis :

« Dame », fet il, « il m'est avis

Que il ne vous est pas trop lonc.

Sachiez qui le travers d'un jonc

Du mantel sanz plus osteroit,

Ja puis à droit ne vous serroit.

Celé damoisele de là

Qui delez vous à destre esta,

Ele i'afublera avant ;

Quar ele est bien de vostre grant.

Amie est Tors le filz Ares ;

Le mantel li bailliez après,

Si porrez bien à li veoir

S'il vous porra à droit seoir. »

Desfublée s'est la Roïne ;

Le mantel tent à la meschine

Qui molt volentiers l'afubla,

Et le mantel plus acorça

Qu'à la Roïne n'avoit fet.

« Tost est ore », dist Kex, « retret,

Si ne l'a on pas loin porté. »

Et la Roïne a demandé

Tout entor li à ses barons :

« Dont ne m'est il assez plus Ions?

— Dame », dist Kex li seneschaus, « Avis m'est qu'estes plus loiaus Que ceste n'e^t, mes c'est petit; Et si ai je malement dit

Que plus leaus n'estes vous mie, Mes mains a en vous tricherie. »

Et la Roïne a demandé Comment va de la loiauté, Que l'en die delivrement Tout quanqu'au mantel en apent, Et Kex li a trestout conté De chief en chief la vérité, Si con li vallès l'ot contée Et du mantel et de la fée Et l'ouvrage qu' ele i fîst; Tout de chief en chief li a dit Si c'onques riens n'en trespassa.

La Roïne se po'penssa S'ele fesoit d'ire samblant Tant seroit la honte plus grant; Chascune l'aura afublé; Si l'a en jenglois atorné :

« Quant je l'ai afublé avant, Que vont ces autres atendant ?

— Dame, dame », ce a dit Koi, « Ancui verrons la bone foi Que vous fêtes à voz seignors Et la leauté des amors

372 DU MANTEL MAUTAILLIÉ t3

Que ces damoiseles demainent, Por qui cil chevalier se painent Et metent en granz aventures. »

Molt se feïssent ore hui pures Qui d'amors les aresonast; N'i a celé qui nejurast S'il fust qui prendre la vousist Que onques de riens ne mesprit.

Quant les dames ont entendu Comment le mantel fu tissu Et Tuevre que la fée i fîst, N'i a celé qui ne vousist Estre arriéres en sa contrée , Que n'i a dame si osée Ne damoisele qui Tost prendre.

« Bien le poons », dist li Rois, « rendre Au vallet qui ça Taporta ; Bien voi, ceenz ne remaindra Por damoisele qui i soit. »

Li vallès dist : « Tenez moi droit, James nul jor ne le prendrai De si adont que je verrai Que toutes l'auront afublé, Quar ce que Rois a créante Doit par reson estre tenu. « Et li Rois li a respondu :

« Biaus amis, vous dites reson ; Il n'i aura ja achoison Que ne lor coviegne afubler. »

Lors les veïssiez encliner,

Muer color etempalir, D'ire et de mautalent frémir.

N'i a celé qui ne vousist Que sa compaigne le preïst, Ne ja ne l'en portast en vie.

Kex en a apelé s'amie :

« Damoisele, venez avant; Oiant ces chevaliers, me vant Que vous estes leaus par tout, Que je sai bien sanz nul redout Vous le poez bien afubler; N'i aurez compaingne ne per De leauté ne de valor.

Vous en porterez hui l'onor De ceenz sanz nul contredit. »

La damoisele li a dit :

« Sire», fet el, « s'il vous pleûst, Je vousisse qu'autre l'eûst Afublé tout premièrement; Quar j'en voi ceenz plus de cent Que nule nel veut afubler.

— Ha ! » fet Kex, c( je vous voi douter : Je ne sai que ce senefîe.

— Sire », fet el, « ce n'i a mie; Mes j'en voi ceenz grant plenté Dont chascune a assez biauté, Et nule ne l'ose sesir;

Si ne me vueil por ce envaïr Que ne me fust à mal torné.

— Ja mar en douterez mau gré »,

482 DU MANTEL MAUTAILLIE

Fet Kex, « qu'eles n'en ont talent. »

Et la damoisele le prent ; Voiant les barons, l'afubla Et li mantiaus plus acorça Aus jarès et noiant avant, Et li dui acor de devant Ne porent les genouz passer.

« Voirement, n'i avoit son per », Ce li a dit Bruns, sanz pitié; « Bien doit estre joiant et lié Mesire Kex: li seneschaus ; Voirement estes desleaus. »

Quant Kex li vit si messeoir, Il ne vousist por nul avoir Que li Rois peust aramir Que ne se pot mie couvrir, Que veû est de tant de gent.

« Lors » , dist Ydier en sorriant, Bien doit à eschar revertir Qui en toz tens en veut servir. »

Celé n'i voit point de rescousse, Et Kex dist à la parestrousse :

« Seignor, trop vous poez haster.

Nous verrons ja sanz demorer Comment il ert aus voz séant :

Fêtes les tost venir avant, Ja verrons comme il lor serra. »

Arrière lors le desfubla, Si l'a geté sor .1. seoir:

Si se rest alée seoir.

Quant les autres orent veû

Que si mal li est avenu,

Molt par fu le vallet maudit;

Quar bien sevent que escondit

Ne lor pooit avoir mestier;

Por noient feroient dangier

Que ne lor coviengne afubler.

Le conestable Du Lorer

En a le Roi à reson mis :

« Sire », fet il, « il m'est avis

Que nous sommes tuit molt vilain ;

L'amie mon seignor Gavain,

Venelaus la preus, la cortoise,

A mon seignor Gavain en poise

De ce que trop est oubliée.

— Si soit », fet li Rois, « apelée. »

Beduiers tantost l'apela.

Et la pucele se leva

Qui pas ne Tosoit refuser,

Et li Rois li fîst aporter

Le mantel, et ele le prent;

Maintenant à son col le peut.

Que n'i osa essoine querre.

Derrière li ataint à terre

Si que plain pié le traîna ;

Le destres acor se leva

Si que le genoil descouvri.

Et li senestres se forni ,

Tout entor ala le mantel.

A Keu le seneschal fu bel

492 DU MANTEL MAUTAILLIE.

Quant il choisi Tacor si cort; Ne cuidoit qu'en toute la cort Eûst dame plus fust loiaus :

« Par mon chief », dist li seneschaus, « Huimès, la dame Dieu merci, Ne serai je seul escharni; Quar cel acor que je là voî Nous senefie ne sai qoi; Or vous en dirai mon avis :

La damoisele o le cler vis Ot la destre jambe levée Et sor icele fu corbée, Et l'autre remest en estant, Et si croi je que en gisant Li avint ce à .i. trespas.

Je croi que je ne vous ment pas A la besoingne que je di. »

Mesires Gavainz fu marri Que onques mot ne li sona, Et Kex dist que il la menra Seoir avoec la seue amie; Quar poi ont encor compaignie.

Li Rois prist par la destre main L'amie mon seignor Yvain Qui au roi Urien fu fil, Le preu chevalier, le gentil.

Qui tant ama chiens et oisiaus :

(( Bêle », fet il, a icist mantiaus Doit estre vostres par reson.

Nus ne set en vous achoison

Fabl. III î

[8 FABLIAU 1.V 5î2

Que bien ne le doiez avoir :

Nus ne puet rien de vous savoir. »

Dist Gahariès li petiz :

« N'afichiez mie si voz diz

Devant que vous aurez veû

Comment il li ert avenu. »

Affublé Ta delivrement :

Li mantiaus arrière s'estent

Si que plain pié li traîna.

Li mestres acors se leva

Seur le genoil .i. seul petit :

« Sire », Gahariès a dit,

« Molt par est fols qui nule en croit,

Que chascune le sien déçoit;

S'il estoit le mieudres de l'ost,

Tant le decevroit el plus tost.

Or en droites le disiez vous

Qu'ele l'auroit tout à estrous;

Or poez bien apercevoir

S'ele le puet par droit avoir;

Or vous en dirai mon semblant :

Li mantiaus qui arrière pant

Nous moustre qu'il chiet de son gré

Volentiers seur icel costé,

Et li autres, qui tant li lieve,

Nous moustre que molt poi li grieve

A lever contremont les dras;

Quar ele veut isnel le pas

Soit la besoingne apareillie. «

La damoisele est tant irie

552 DU MANTEL MAUTAILLIÉ

Qu'ele ne set que fere doie.

Si prent par Fatache de soie

Le mantel, si l'a jus geté;

Le vallet qui l'ot aporté

A molt escordelment maudit,

Et Kex li seneschaus a dit :

« Bêle, ne vous corouciez pas ;

O damoisele Venelas

Vendrez seoir et o m'amie;

Quar poi ont encor compaignie. »

Li Rois apela demanois

L'amie au damoisel galois

Qui Percheval ert apelez :

« Bêle », fet li Rois, « or prenez

Le mantel, vostres ert en fin ;

Vous avez le* cuer enterin :

Bien sai que il vous remaindra. »

Girflès de parler se hasta ;

Sidist au Roi : « Sire, merci;

N'afîchiez nule riens issi

Tant que la fin aurez veûe

Et con Tuevre ert aperceije. »

La damoisele s'aperçoit

Et à escient set et voit

Qu'ele n'en puet par el passer.

Mes, quant el le dut afubler,

Les ataches en sont rompues

Et à la terre jus cheûes

Avoec le mantel tout ensamble;

Et li cors d'angoisse li tramble,

Si que ne se set conseillier.

Molt Tesgardent li chevalier

Et escuier et jovencel ;

Molt par ont maudit le mantel

Et celui qui l'i aporta;

Quar jamès à droit ne serra

A dame ne à damoisele,

Tant soit ne cortoise ne bêle

Que ja por ce li seïst miex;

Les lermes li chieent des iex ,

N'i a si petit qui nel voie,

Et Kex maintenant la convoie

O s'amie et o la Gavain :

« Tenez », fet il, « je vous amain,

Que ne vous anuit, compaignie. »

Mes nule si ne l'en mercie,

Et il s'en retorne riant.

Le vallet prist de maintenant Le mantel qui gisoit à terre.

« Or i convient ataches querre, Biaus amis, » ce li dist li Rois ; Et il en i mist demanois Unes qu'il prist en s'aumosniere Qu'il ne veut en nule manière Soit destorbée la besoingne, Ne que nus hom i quiere essoingne Mes affubler delivrement j Et lors li Rois le mantel prent.

Kex a par grant ire parlé :

« Trop avons », fet il, « jeûné ;

2 DU MANTEL MAUTAILLIE

Por qoi font ces dames dangier Que ja ne serront au mengier Tant qu'eles l'aient afublé, Et s'en pueent avoir maugré, Et si l'afubleront après. »

Girflès, qui fu fel et engrès, Li respondi : « Sire, nel dites; Bien les en poez clamer quites, Se il vous venoit à plesir; Volez les vous plus que honir ?

Et, quant eles le mantel voient, Eles creantent et otroient, Oiant seignors, oiant amis, Que le mantel soit arrier mis.

Volez les vous chacier avant ? »

Lors le lessast li Rois atant, Por ce que avoit dit Girflès, Quant avant sailli li vallès.

Et dist au Roi : « Je vous demant Que vous me tenez couvenant Si com vous le m'avez promis. »

Li chevalier sont tuit penssis ; Nus d'aus ne li set mes mot dire.

Ydiers en apela par ire S'amie, qui lez luy seoit ; Quar au matin de voir cuidoit Que nule ne fust plus loiaus :

« Damoisele, li seneschaus Me dist or que trop me hastoie :

Je dis que riens ne me doutoie ;

s FABLIAU I.V 642

Mes je me fiai en vous tant Que je parlai seùremant; Mes molt le fêtes lentement, Or sachiez que je m'en repent Por ce que je vous voi douter.

Alez le mantel affubler; Quar je ne vueil plus delaier.

Por qoi en fêtes vous dangier, Quant n'en poez par el passer? « Li Rois li fist tost aporter Le mantel, et ele le prent, Maintenant à son col le pent Que n'i osa essoine querre ; Li acor cheïrent à terre Si que plain pie li traînèrent.

Li plus des chevaliers cuidierent Que en li n'eûst se bien non ; Puis regardèrent le crépon Qui trestoz descouvers estoit.

Girflet, qui premerains le voit, Li escrie de maintenant :

« Li acor en sont trop pendant; Ne fu pas à vostre oes tailliez; James derrier n'ert si moilliez Qu'il puisse roons devenir. »

Et Kex, qui ne se pot tenir De ce qu'Ydier Tôt ramposné, L'en rendi tantost la bonté :

« Ydier, que vous en est avis ?

Vostre amie n'a rien mespris;

672 DU MANTEL MAUTAILLiÉ

Bien vous en poez or gober :

Vous n'en poez que .111. trover

Esprovées de leauté.

Li siècles est si atorné

Que chascuns en cuide une avoir.

Vous cuidiiez jehui avoir

La leauté qui en vous ert :

Mal est couvert cui le cul pert.

Or vous en dirai la manière ;

El se fet cengler par derrière.

Si com li mantiaus le devise. »

Ydiers ne set en nule guise

Que il puisse fere ne dire.

Ele prist le mantel par ire,

Si le geta devant le Roi.

Lors Ta prise par la main Qpi,

Si Ta o les autres menée :

(( Par foi », fet il, « ceste assamblée

Est ja, si Dieu plest, grant et bêle :

Ja n'i remaindra damoisele

Ne viegne en ceste compaignie.

Por ce seroit grant vilonie

Se Tune aloit l'autre gabant. »

Que vous iroie je disant ?

Unes et autres l'afublerent.

Et loramis les esgarderent; Onques à nule bien ne sist, Et Kex toutes voies les prist Si comme il lor vit messeoir; Si les mena en renc seoir.

A la cort n'ot nul chevalier Qui drue i eûst ne moillier Qui molt n'eùst le cuer dolent, Qui veïst lor contenement Com li uns l'autre regardoit; Mes auques les reconfortoit Ce que li uns ne pooit mie Dire de l'autre vilonie Que il meïsmes n'i partist.

Et Kex li seneschaus a dit :

« Seignor, ne vous corouciez pas.

Igaument sont partis li gas Quant chascune en porte son fès.

Bien doivent estre dès or mes Par nous chieries et amées; Quar bien se sont hui acuitées.

Ce nous doit molt reconforter :

Li uns ne puet l'autre gaber. »

Mesires Gavains respondi :

« Ici a mauves geu parti ; Je ne sai le meillor eslire, Que la meillor en est la pire.

Et ce seroit anuiz et tort Se nostre anui estoit confort; Ainçois nous en doit toz peser :

Li uns ne doit l'autre gaber. »

Kex li dist : « Ce n'i a mestier, J'ai oï dire en reprovier Grant pieça que duel de noient Seut acorer chetive gent :

782 DU MANTEL MAUTAILLIÉ

Maudehez ait qui ce juga Et qui ja le creantera Que ja chevaliers soit boni Se s'amie fait autre ami ; Ainz le devons bien contredire Que doions estre de ce pire.

Se de mauvestié est provée S'il Favoit .ix. foiz espousée :

Si feroit ce faus jugement Que il empirast de noient Que li doist nuire autrui mesfet Sor celui soit qui l'aura fet. »

Ce dist Plators, li filz Ares :

« Cis conseus est assez mauves.

— Certes )>, ce dist li seneschaus, « Veritez est qu'il font mains maus.

Bien sachiez que maint chevalier Est de cest mesfet parçonier.

Et molt en a aillors que ci. »

Li vallès dist : « Sire, merci, Biaus sire chiers, ce que sera.

Je cuit que il m'en covendra Mon mantel arrière porter.

Fêtes par ces chambres garder Que n'en i ait nule mucie; Ja est vostre cort tant proisie Et par tout le mont renommée ; J'ai oï dire à ma contrée Conques n'i vint de nule part Aventure ne tost ne tart

Fabl, ht 4

Qui s'en alast en tel manière; Hontes ert se s^en vait arrière :

Vostre cort en sera blasmée ; S'en ira en mainte contrée La novele qui par tout cort, Et sachiez que en vostre cort En vendront aventures mains. »

— Par mon chief », ce a dit Gavains, « De ce se dit li vallès voir :

Fêtes par ces chambres savoir Que n'i ait petite ne grant Qui orendroit ne viengne avant. »

Li Rois commande qu'on i aut.

Et Girflès i ala le saut Dès que li Rois le commanda.

Une damoisele i trova ; Mes ele n'estoit pas mucie, Ainz estoit .i. poi deshaitie; Si se seoit seule en son lit, Et Girflès maintenant li dist :

« Levez tost sus, bêle pucele; Quar une aventure novele Est en celé sale venue; Onques tele ne fu veùe; Si la vous convient à veoir; Vostre part en devez avoir, Quant toutes les autres en ont. »

La damoisele li respont :

« G'irai volentiers orendroit; Mes lessiez moi vestir à droit. »

7Q2 DU MANTEL MAUTAILLIE

Galeta s'estoit affublée ; Vestue s'est et atornée Au miex et au plus bel que pot De la meillor robe qu'ele ot.

Puis est en la sale venue, Et, quant ses amis l'a veûe, Sachiez que il fu molt iriez ; Devant estoit joianz et liez De ce que n'i avoit esté.

Que s'il fust à sa volenté, Ele ne l'affublast ja jor; Quar il l'amoit tant par amor, Quar, s'ele eûst de rien mespris, Il vousist miex estre à Paris, Quar il en perdist son solaz; Ses nons ert Carados Briebas.

Or voit tantost le damoisel.

Qui ot aporté le mantel, Et se li a dit et conté Du mantel toute la verte.

Et por qoi il H aporta; Et Carados grant duel en a :

Oiant toz, dist : « Ma douce amie, Por Dieu, ne l'afublez vous mie Se vous vous doutez de noient; Quar je vous aim tant bonement Que je ne voudroie savoir Vostre mesfet por nul avoir; Miex en vueil je estre en doutance; Por tôt le royaume de France,

l8 FABLIAU LV 822

N'en voudroie je estre cert ;

Quar qui sa bone amie pert

Molt a perdu, ce m'est avis;

Miex voudroie estre mort que vis

Que vous fussiez orainz assise

Où l'amie Gavain est mise, v

Lors parla Kex li seneschaus :

« Et cil qui part sa desloiaus,

Dont ne doit il estre molt liez :

Vous serez ja molt corouciez,

Se vous l'amez tant bonement ;

Vez en là seoir plus de cent

Qui se cuidoient hui matin

Plus esmerées que or fin ;

Or les poez toutes veoir

Por lor mesfez en renc seoir. »

Celé, qui point ne s'esbahi,

Molt doucement li respondi :

(( Sire », fet ele, « bien savon

Que il meschiet à maint preudon,

Ne je ne m'os mie vanter

Que les doie toutes passer

De leauté ne de valor;

Mes, se il plest à mon seignor,

Je l'affublerai volentiers.

— Par mon chief », dist li chevaliers,

(( Vous n'en poez par el passer. »

Encor nel vout ele affubler

Tant que ele en ait le congié

De celui que molt a proisié.

85o DU MANTEL MAUTAILLlÉ

Molt à envis li a doné ; Ele Ta pris et affublé :

Maintenant, voiant les barons, Ne li fust trop cort ne trop Ions.

Tout à point li avint à terre :

« Geste fesoit molt bien à querre »

Fet li vallès, « ce m'est avis.

Damoisele, li vostre amis Doit estre molt joianz et liez ; Une chose de voir sachiez; Je Pai par maintes cors porté, Et plus de .M. l'ont afublé.

Onques mes ne vi en ma vie Sanz mesfet ne sanz vilonie Nule fors vous tant seulement.

Je vous otroi le garnement Qui bien vaut plain .i. val d'avoir Et vous le devez bien avoir. »

La damoisele l'en mercie ; Li Rois bonement li otrie Et dist que siens est par reson. N'i a chevalier ne baron Ne damoisele quel desdie, Et s'en ont il molt grant envie Qu'il Tenporte, lor iex voiant, Mes n'en osent fere semblant; N'i a chevalier ne baron Qui en ost dire se bien non.

Explicit le Mantel mautaillic.