MO DU PESCHEOR DE PONT SUR SAINE
Et s'en rala peschier en Saine Tant qu'il vint à la mestre vaine De l'eve qui estoit corant.
Lors a veû venir flotant, .1. provoire qui ert noie, Si vous dirai par quel pechié :
Uns chevaliers le mescreoit Qui por sa famé le haoit; S'en fu espris de jalousie, Tant le gueta et tant l'espie Que il trova la char jumelé, Le masle deseur la femele Trova ensamble nu à nu.
Cil saut en piez, le vit tendu, En l'eve sailli qui ert grant, Noier le covint maintenant, Mes onques nul lieu n'aresta Et li peschierres le trova.
Ausi tost comme il à lui vint.
De sa famé lors li souvint Qiii dist que rien ne haoit tant, Qui fust en cest siècle vivant.
Comme ele fesoit son ostil.
Le vit rez à rez du poinil Li a à son coutel trenchié, Puis l'a bien lavé et torchié.
Si l'a mis dedenz son giron.
Atant comme il ot de poisson, S'en vint en sa meson arrière.
Si a fet une tele chiere
Comme s'il deùst lors morrir :
Sa famé le cort conjoïr, Et il li dist : <( Suer, trè te en là, James mon cuer joie n'aura, Quar je sui mors et mal bailli :
Troi chevalier m'ont assailli Où ne trovai nule mérite Fors qu'il me mistrent à eslite.
Il me distrent que je perdroie Lequel membre que je voudroie :
S'il me tolissent la veiie.
Toute joie eusse perdue; S'il me trenchaissent les oreilles, Li mons en parlast à merveilles ; Je dis c'on me copast le vit, Por ce que tu avoies dit Que tu n'en avoies que faire. »
Le vit a geté en mi l'aire.
Et celé l'a bien regardé :
Si le vit gros et bien carré, Et connut bien que c'estoit vit.
« Fi ! » fet ele, « com fet despit ! Diex vous envoit corte durée !
Or n'est il riens que je tant hée Comme je faz le cors de vous :
Certes or départirons nous.
— Qpi, bêle suer, ja deïs tu, Se j'avoie le vit perdu, Que tu ne m'en harroies ja :
Je me merveil comment ce va?
lyO DU PESCHEOR DE PONT SUR SAINE
— Encor, » dist ele, « di je bien Qu'il ne me chaut de vostre rien Se de vostre mauvestié non : James ensamble ne girron. »
Une baiasse ot amenée Qui estoit de la vile née.
Ne sai sa nièce ou sa cousine :
Ele Tapele Ysabeline :
« Cueil ces vaches par cel porpris, Maine les en par cel postis, Je m'en irai par Fuis derrière. »
Il i avoit une faviere Qui ja estoit toute cossée; Oiez de qoi s'est porpenssée, Ele en apele Ysaberon :
« Bêle nièce, fai bon giron, Eslis de ces plus bêles cosses, Et je cueillerai des plus grosses, Si en emplirai tout mon sain, Ja n'en leroie une au vilain Se les en peûsse porter! »
Cil le commence à rapeler :
« Douce amie, quant je t'oi prise, Je te promis en sainte yglise Que je te porteroie foi :
J'ai bien .xxvi. sous sor moi; Vien avant, pren en la moitié, G'i cuideroie avoir pechié Se je t'en toloie ta part ; Vien avant et si les départ,
Fabl. ni lo
Pren la moitié, l'autre me lesse. »
Et celé contreval s'abesse,
Se li cerche entor le braier,
Si a trové un vit si fier
Qui en ses braies li pantoise ;
Ele le paumoie et souspoise,
Si le senti et dur et chaut,
De joie toz li cuers li saut :
« Qu'est ce, » dist ele, « que je sent ?
— C'est mon vit, » dist il, « qui me tent, Itel com je soloie avoir.
— Gabez me vous?— Ainz vous di voir.
— Comment vous est il revenu?
— Ja l'a Diex fet par sa vertu Qui ne voloit mie, ce croi.
Que tu te partisses de moi. »
Lors le commence à acoler, A besier et à langueter, Et tint la main au vit toz dis :
« Ha! biaus frère, biaus douz amis, Tant m'avez hui espoentée :
Onques puis l'eure que fui née Ne fu mon cuer plus à malaise. »
Tout maintenant l'acole et baise.
El rapele sa chamberiere :
« Ramaine les bestes arrière, »
Ele li crie à grant alaine, « Ramaine les bestes, ramaine, Mesire a son vit recouvré, Nostre Sires i a ouvré. »
2l6 DU PESCHEOR DE PONT SUR SAINE yS
Seignor, fols est qui famé croit Fors tant comme il Tôt et la voit.
Je di en la fin de mon conte Que, s'une famé avoit un Conte Le plus bel et le plus adroit Et le plus alosé qui soit, Et fust chevaliers de sa main Meillor c'onques ne fu Gavain, Por tant que il fust escoillié, Tost le voudroit avoir changié Au pior de tout son cstel, Por tant qu'ele le trovast tel Qu'il la foutist tost et sovent.
Se dames dient que je ment, Soufrir le vueil, atant m'en tais.
De m'aventure n'i a mais.
Explicit du Pescheor de Pont seur Saine.
