PESCHEOR DE PONT SEUR SAINE
Paris, Bibl. nat., Mss. fr. 887, fol. 184 r» à i85 r».
jVi conter l'autre semaine [Cuns peschieres de Pont seur Saine lEspousa famé baudement :
Assez i prist vin et forment
Et .V. vaches et .x. brebis.
La meschinete et ses maris
S'entr'amoient de bone amor.
Li Vallès aloit chascun jor
Peschier en Saine en son batel,
Et si fesoit argent novel
Toutes les foiz que il peschoit ;
Assez en vendoit et menjoit
Et s'en pessoit moût bien sa famé.
Il estoit sire et ele dame
De lui et de quanqu'il avoit,
Comme preudom se maintenoit,
Et la foutoit au miex qu'il pot.
Qui ce ne fet, l'amor se toit
De jone famé quant il l'a,
Ja bone joie n'en aura.
5o DU PESCHEOR DE PONT SUR SAINE 69
Quar jone famé bien peûe Sovent voudroit estre foutue.
Un jor gisoient en lor lit, Au bacheler tendi le vit Que il avoit et lonc et gros ; Ou poing sa famé l'ot enclos, Si nel senti ne mol ne vain.
« Sire », dist ele, « plus vous aim Que je ne faz Perrot mon frère, Voire par Dieu plus que ma mère.
Ne que mon père ne ma suer.
— Je ne t'en croiroie à nul fuer, »
Fet cil, « que tu m'amaisses tant Comme tu me fez entendant, Ainz cuit que tu le dis par guile.
— Non faz, » dist ele, « par saint Gile, Je vous aim por ce que m'amez, Vous me chauciez bien et vestez,
Et donez assez à mengier Et si m'achetastes Tautrier Bone cote et bon sorcot bleu.
— Tu m'ameroies, » fet il, « peu Se plus ne te savoie fere ; D'aillors covient l'amor atrere :
Se je ne te foutoie bien.
Tu me harroies plus c'un chien.
Je m'en esfors por toi sovent, Ja famé por nul garniment N'amera si bien son mari Com por fere ce que je di. »
^0 FABLIAU LXII 8o
Celé fîst moût le grimouart :
« Fi ! )) fet ele, « que Diex m'en gart, Que je vous aime por ce fere !
Moût m'anuieroit vostre afere Se le vous osoie veer ; Ja ne vous leroie bouter Vostre longaigne de boiel, Guidiez vous or qu'il m'en soit bel?
Ce est la riens qui plus m'anuie, Mengié l'eûst ore une truie, Mes que vous n'en eussiez mort.
— Suer, » dist il, « tu auroies tort : Se j'avoie le vit perdu,
Il me seroit trop-mescheû :
Tu ne m'ameroies jamès.
— Si feroie plus c'onques mes, »
Fet celé qui volentiers ment,
« Moût me poise quant je le sent, Tel deable de pendeloche Qui entre les jambes vous loche ; Quar pleûst ore au vrai cors Dé Que un chien en fust enossé. »
Or ne set son mari de voir S'ele ment ou ele dist voir Tant qu'un example li moustra Par qoi moût très bien l'esprova.
Il se leva .i. jor bien main.
Son aviron prist en sa main Et prist sa roi et son truel ; Si s'en entra en son batel
