DU FAUCON LANIER

Et a vestir et à chaucier, Et bonis soit le sien mestier, Quar il iroit par le sien pris De toz biens et nus et despris, Et quant il est desatiriez Et d'aucune cbose arririez, Si dist : « Se j'estoie à barnas Et je eusse uns linges dras »

Ou tel chose que il n'a mie, « Foi que je doi sainte Marie Encor iroie gaaingnier Et seroie hors de dangier. »

Et quant on l'a remis arrière Ou point et à droite manière Pour gaaignier aucune chose.

Tant fet qu'il est à la desclose, Et quant ert cel gaaing veû, Quant erent trestuit revenu Li deable de rasteler, Tel gent ne doit on pas amer, Ainz le doit on moût desprisier Qu'il resamble de son mestier Au faucon lanier, ce m'est vis, Qui par sa perece est bonis.

Explicit du Faucon lanier.