LE PET AU VILAIN

[par rutebeuf]

Paris, Bibl. nat.,Mss. fr.837,fol. 5 1 5 r», i SçB.fol. -jw^ à 72 r», et i635, fol. 63 r» à 63 v».

N Paradis l'esperitable Ont grant part la gent charitable, Mes cil qu'en aus n^ont charité, Ne bien, ne pais, ne loiauté,

Si ont failli à celé joie.

Ne ne cuit que ja nus en joie,

S'il n'a en li pitié humaine.

Ce di je por la gent vilaine,

Conques n'amerent clerc ne prestre,

Si ne cuit pas que Diex lor preste

En Paradis ne leu ne place.

Onques à Jhesu Crist ne place

Que vilainz ait herbergerie

Avec le Fil sainte Marie ;

Car il n'est raison ne droiture,

Ce trovons nous en Escriture ;

Paradis ne pueent avoir

Por deniers ne por autre avoir;

Et à Enfer ront il failli.

Dont li maufé sont.maubailli ;

I04 FABLIAU LXVIII 5o

Si orrez par quel mesprison 11 perdirent celle prison.

Jadis fu uns vilains enfers; Appareillez estoit Enfers Por Tame au vilain recevoir ; Ice vous di je bien por voir, Uns deables i ert venuz, Par cui li drois ert maintenuz.

Un sac de cuir au cul li pent, Maintenant que leanz descent, Que li maufez cuide sans faille Que Tame par le cul en saille.

Mais li vilains por garison Avoit ce soir prise poison, Tant ot mengié bon buef as aus, Et dou gras humé qui fus chaus Que la pance n'estoit pas mole, Ainz li tent com corde à citole.

N'a mes doute qu'en soit periz.

Car, si puet poirre, il est gariz.

A cest esfort forment s'esforce, A cest esfort met il sa force ; Tant s'efforce, tant s'esvertue, Tant se torne, tant se remue, C'uns pet en saut qui se desroie, Li saz emplist, et cil le loie, Quar li maufés par penitance Li ot aus piez foulé la pance; Et en dit bien en reprovier Que Trop estraindre fait chier.

76 LE PET AU VILAIN Io5

Tant ala cil qu'il vint à porte, Atout le pet qu'en sac aporte ; En Enfer jeté sac et tout, Et li pez en sailli à bout.

Estes vous chascun des maufez Mautalentiz et eschaufez, Et maudient l'ame au vilain; Chapitre tindrent Pendemain, Et s'accordent à cel acort Que jamais nus ame n'aport Qui de vilain sera issue ; Ne puet estre qu'ele ne pue.

Ainsin s'acorderent jadis Qu'en Enfer, ne en Paradis, Ne puet vilains entrer sans doute.

Oï avez la raison toute.

RuTEBUEZ ne set entremetre Où l'en puisse ame à vilain mètre, Qu'ele a failli à ces .11. règnes; Or voist chanter avec les raines.

Que c'est li mieudres qu'il i voie, Ou el tiegne droite la voie, Por sa pénitence alegier, En la terre au père Audigier; C'est en la terre de Cocusse, Où Audigiers chie en s'aumusse.

Explicit du Pet au Vilain.

Fabl. m 14