O DE PLEINE BOURSE DE SENS

A Tostel Mabile tout droit ; Samblant fis que j'eusse froit, S'entrai leenz. Quant el me vit Mal vestu, et je li oi dit Que trestoz estoie escilliez, Et ele vit que fui soilliez, Fors de son ostel m'enchaça .

Je m'en issi et m'en ving ça.

Où j'estoie miex conneûs.

Merci Dieu, bien fui receijs ; Mes la robe, que j'aportoie A la garce, est encore moie :

La dame de céans l'aura.

Qui moût meillor gré m'en saura. »

Quant la dame ot cest mot oï, Moût durement s'en esjoï.

« Sire, » fet ele, « ahen, ahen, Or avez vous trové le sen Que vous avoie demandé; Vous l'avez trové, en non Dé. »

Cel jour fist li borjois grant feste.

Seignor, vos qui estes de geste.

Qui cuers avez legiers et fols.

Se vous volez croire mon los, Chascuns de vous i prendra garde.

Fox est li hom qui croit musarde ; S'or aviiez autant d'avoir Com li rois de France, por voir, Se l'eussiez abandoné A une garce, et tout doné

S'ele vous veoit au desous, Plus vil vous auroit que .i. gous.

Ci poez aprandre et oïr Con ne puet de garce joïr Qu'il n'i a amor ne fiance.

Fous est qui lor tient aliance, Et qui lor départ rien dou sien.

Encor a on fabliau dou sen.

Jehans li Galois, d'Aubepierre, Nous dit, si corn la fuelle d'yerre Se tient fresche, nouvelle et vers, Est li cuers de la famé ouvers Toutes por orne décevoir :

Pour ce est fous, ce saciez de voir, Li bons qui a bonne moillier, Quant il aillors se va soillier Aus foies garsestricherresces, Qui plus que chas sont lecherresces, Où il n'a vérité ne foi, Ne bien, ne loiauté, ne loi.

Et quant de l'orne ont fait lor preu, Miex l'ameroient en ,i. feu.

Que ne feroient delez aus ; Si en sont avenu maint maus.

Explicit de Pleine Bourse de sens.