DE GRONGNET ET DE PETIT

[par gerbert]

Paris, Bibl. de l'Arsen., Mss. B. L. F. 60, fol, 6v" à 71*, etBibl. nat., Mss. fr. 25545, fol. 19 v° à 20 r».

OU siècle qui peu est courtois Nous faistGiRBERS .i. serventois.

Caril se complaint en cesvers Dou siècle qui tant est dyvers,

Avers, envieus et repoins.

Nequedent jadis fu .i. poins

Qu'il valoit miex que ors ne fait

En diz, em paroles, em fait :

Ce tesmoignent li ancien.

Neporquant c'est il plus de bien

Qu'il ne fu onques à nul tans,

Mais chascuns est mais si doutans

Que, c'il a le bien en sa trappe,

Poor a qu'il ne li eschappe

Et que richesse ne li faille ;

Touz est muez li grains em paille;

On lait la ronce por l'ortie ;

Toute largesse est resortie;

Qui l'avarice o soi aquieut,

La rose lait, l'ortie quieut ; •

5o DE GRONGN.ET ET DE PETIT 3l

Ausi tost prent Mors à sa mace

Celui qui grant avoir amasse

Com celui qui bien le despent ;

Li avers tantost se repent

Qu'il festoie gent ne honneure.

A paines puis venir nule heure

En Tostel nul homme tant riche

Que dui serjant aver et chiche

Ne me soient à rencontrer,

Tantost qu'en l'ostel doi entrer.

Se je ruis c'on Tostel me prest,

Groignet truis je tout avant prest;

C'est uns servans de maie frume ;

Groignet m'asiet au feu qui fume ;

Groignet ferme l'uis et la porte ;

Groignet laide nappe m'aporte ;

Groing sont touz jors mi premier mes;

Ja n'iere en cel lieu n'en sel mes

Que Groingnès ne me soit devant.

Dont vient l'autre serjans avant

Touz emflés et touz aatis ;

C'est li compains Groignet Petis ;

Petiz est kex et seneschaus

Et boutilliers et mareschaus ;

Petis est de molt mal affaire,

Par son conseil Petis fait faire

Petis hanas et petis pos ;

Petis n'a omques nul repos ;

Petis, si com li plait et siet,

Partout ses mes met et assiet ;

FABLIAU LVI 8o

Petis est de molt maie vaine ; Petis est au livrer Tavaine; Petis a trestout en sa garde.

Se je ruis, Groignès me regarde; S'on me donne, c'est par Petit; Groignès voussit bien le respit.

Groignès et Petis soit destruis, Car em plusors osteus les truis ; Pour ce ne sai mais où torner.

Groignès si fait tout trestorner Les biens et Petis les retrait.

Qui tex serjans à lui atrait Ne puet mie gramment valoir Por tant qu'il facent lor voloir, Et ci sont par tout si creûs Que li riche sont recreûs De onnor faire et de largesse.

Touz biens et toute gentillesse Sont mis arierre par ses deus; Certes c'est damages et deus Qant .II. mauvais vices lor tolent; Largece et honor nous retolent ; Avarice ont mis à cheval; Honte est ou mont, honours ou val, Tant par Groingnet et par Petit; Onques Diex tiex serjans n'aïst!

La maie mort les tust et fiere !

Mais une gent les ont tant chiere En lor bailliée qui les garde Qu'il n'ont omques de nului garde,