DE CELLE Q^UI SE FIST

Si a moût bien son preu prové, Ce semble, a toz vers son seignor, Ainz famé ne feist tel dolor, Et quant ce vint à l'enterrer, Dont oïssiez famé crier Et veïssiez moût grant duel faire, Et poins de tordre et cheveus trere, Et si s'escrie de seur touz :

« Prodon, bon bon, où irez vos ?

Or vos met l'en en celé fosse ; Sire, je remaing de vos grosse ; Qui garira Tenfant et moi ?

Mieus voil que morissons andoi. »

Quant li cors fu en terre mis.

Dont s'escria à moût hauz cris, Si se decire et pleure et brait, A la terre cheïr se lait.

Si parent la reconfortoient, A l'ostel mener l'en voloient, Mes ele dit qu'ele n'iroit Ne jamès ne s'en partiroit De la fosse, morte ne vive.

Tant s'en escombat et estrive Qu'il l'ont leissie par anui; Avec li ne remaint nului ; Seule remest et sanz compaigne.

Esvos .1. chevalier estraigne; Lui et son escuier venoit. Son chemin à l'autre tenoit; La dame vit illuec seoir

Qui à trestot le sien pooir Destruit et essille son cors Por son seignor qui estoit mors « Voiz tu, » dit il à Tescuier, « Celé dame là essillier Son cors ? N'a mie son cuer lié.

Certes moût en ai grant pitié.

— Pitié au deable vos tient, Quant il li de pitié vos vient :

Je gagerai, se vos volez, Par si que de ci vos tornez.

Que ja à moût petit de plet.

Si dolente comme el se fait, La foutrai, mes que vos traiez En tel lieu que ne nos voiez.

— Qu'as tu dit, escommeniez ?

Je croi que pas crestiens n'ies, Ainz as ou cors le vif deable Quant contrové as or tel fable.

— Est ce fable? Je gageroie Vers vos, se gagier m'i osoie.

— Or i parra que tu feras ; Ja par moi veûs n'i seras.

Repondre m'irai soubz cel pin. »

Cil descent jus de son roncin A la terre et fet chiere morne ; Vers la dame sa voie atorne ; Si dit en bas, non pas en haut :

« Chère suer, » dit il, « Deus vos saut !

— Saut ? » fet ele, « mes doinst la mort,