DE CELLE Q^U I SE FIST

Que je sui vive à moût grant tort, Que mes sire est mors, mes mariz, Par cui mes cuers est si marris, Qui me gita de povreté Et me tenoit en grant chierté, Et m'amoit plus que lui meïsme.

— Suer, je sui plus dolenz la disme.

— Coment plus ? — Jel te dirai, suer. Je avoie mis tout mon cuer

En une dame que j'avoie.

Et assez plus de moi Tamoie, Qui ert bêle, cortoise et sage ; Ocise l'ai par mon outrage.

— Ocise Tas ? Coment, pechierre ?

— En foutant, voir, ma dame chiere, Ne je ne voudroie plus vivre.

— Gentilz bon, vien ça, si délivre Cest siècle de moi, si me tue ;

Or t'en esforce et esvertue.

Et si me fai, se tu pues, pis Que tu ta famé ne feïs ; Tu dis qu'ele fu morte à foutre. »

Lors s'est lessie cbeoir outre, Aussi com s'ele fust pasmée.

Cil a la robe sus levée.

Si li embat el con le vit.

Si que ses sires bien le vit Qui se pasmoit de gieus en aize :

« Me cuides tu dont tuer d'aize, »

Fet la dame, « qui si me fous?

Fabl. m ï6

Ainz t'i desromperoies touz Que tu m'eusses ainsi morte. »

Ainsi la dame se conforte, Qui ore demenoit tel dol.

Por ce tieng je celui à fol Qui trop met en famé sa cure ; Famé est de trop foible nature, De noient rit, de noient pleure, Famé aime et het en trop poi d'eure; Tost est ses talenz remuez :

Qui famé croit, si est desvés.

Ex pli cit.