DES .111. CHEVALIERS ET DEL CHAINSE I
Et dist k'al tornoi s'en parra, Tant fra d'armes c'on en parra, Por l'amur de sa dame chiere.
Un poi après, baisant la chiere.
Entre ses compangnons repaire; Paors li palist son viaire, Tant crient la iornée et resongne.
Proëche li dist et tesmogne C'on ne doit pas avoir sans paine Amur de dame soveraine ; Amurs de fauseté l'encuse Cant le voioir celi renfuse A cui si amis se faisoit; S'ilh rent le chanse, ilh mesfaisoit.
Paors le revient assaillir Et li dist k'à l'amur faillir Le covient, comment k'il en prengne; S'ilh avient ke le chanse prengne, Mors est, si à l'amur fara; Nel prende pas, miés li venra K'ilh vive et à amie failhe.
Ensi est ses cuers en batailhe Et ne seit u laisier u faire.
En la fin paors tant le maire Ke le chanse al valet rendi.
Al secunt chevalier tendi Li escuiers la main et donne Si ke ne s'en perchut personne ; En teil guise et en teil manière Le rechut, et renvoie arrière,
Ke chil devant le renvoia.
L^escuiers le chanse ploia, Al tierc chevalier est venus Et li offre ; là retenus Est li chanses mut liement, Et dist ke le commandement Sa dame volentiers fera; Do chanse miés armeis sera Ke de nule arme k'ilh avoit.
Son palefroit, dont plus n'avoit, Done à Tescuier, et li rueve Ke lues ù ilh sa dame trueve, Ke de par lui grasces li rende Do bel don, et k'ele en gré prende Ce k'ilh pora d'armes ens faire.
La nuis s'en va, li jors esclaire ; Hiraut crient : « Lachiés, lachiés ! > Li chanses estoit enbrachiés Do bacheler estroitement, Baisiet Tavoit mut dolcement Plus de milhe foies la nuit, Et dist bien, anchois k'ilh anuit.
Fera ens d'armes tel jornée Conques ne fu à nul jor née Dame por cui tele fuist faite.
Mut s'esjoïst et se rehaite Et loie amur kant tant l'oneure.
Coardise, en cui paùrs neure.
Le ramentoit d'achiers les brans Dont ilh aura trenchiés les flans :
