DES .III. CHEVALIERS ET DEL CHAINSE
« Des espales et des costeis Onques mais ne rechut coz tez Bachelers, con rechiveras; ' Ta proëche deceveras, Por la biele et por truferie Morte est ta char, t'ame perie; Dieu et le siècle pers ensamble. »
Toute la chars fremist et tramble De ce ke paûr li raconte, Mais ses cuers noiant n'i raconte A cui couste riens la besongne.
Amurs li dist et li tesmogne K'al chanse vestir aquerra Tel joie k'autre ne querra; Ele li mostre conpangnie De bêle dame et d'ensengnie, Duz regars, acolers, biaz rires Et baisiers, ki n'est pas li pires, Sage parler et enbrachier; S'en doit faire sa char achier Por tant de desduis rechivoir.
Or perchoit ilh que décevoir Le vuet paûrs et coardise.
D'autre part proëche l'atise Et li dist, ke s'ensi astoit Ke ilh le chanse ne vestoit, C'a blâme li seroit torné; S'ilh avoit son cors atorné Si k'avoir ne peûst grevance Por cop d'espée ne de lance,
FaBL. III 17
3o FABLIAU LXXI 23o
Petit pris d'armes doit aquerre;
Mais s'ilh est en pieche de terre
Mal montés à pou d'armeûres
Et ilh ose colées dures •
Rechivoir et son pooir rendre,
S'ilh ne fait fîancher ne rendre
Autrui, por ce ne pert ilh mie
Pars d'armes ne grasce d'amie.
Se si jugor jugent droiture.
Ensi proëche l'asseiire
Et de bien faire li enorte.
Amurs l'enhardist et conforte
Tant ke del chanse li changiers
Al plus très fort haubert d'Angiers
Ne li plairoit, et se seuist
K'à sa dame ausi bien pleuist,
Ke le chanse d'avoir vestu.
Trop a à l'armer arestu,
Ce li samble; les chauces lace,
L'espée chaint, l'escut enbrache,
Monte à cheval, son elme a prise;
Por pou ke ses estriers ne brise,
Si s'afiche sus à Tesmuevre ;
Por sa dame tel cuer recuevre
K'ilh ne crient mort ne bleceure.
Vers son content tôt l'ambleure
S'en va, en l'escut enbuisiés.
Ses contraires a si buisiés
Al branc d'achier et tant malhiés
Ke lor escus a detalhiés,
260 DES .III. CHEVALIERS ET DEL CHAINSE l3l
Lors habiers ros, et enbareis Lor hiames : ja ert debarreis Ses chanses et mut depechiés, Et s'ert ses cors forment blechiés, Mais li cuers noient ne s'esmaie; Ilh ne sent angoisse de plaie Ki li seit à Tespée faite ; Tout adès a la main entaite De lui al branc asseùrer Se ses cors peuist endurer Ce ke li cuers oisaist emprendre, Tous les covenist à lui rendre.
Adès est en la plus grant presse, De cos mengier son chanse anesse Et d'autrui armes paist s'espée; Tant a le char par lius copée Ke tout li chanses en sanc bangne.
Chascuns ki l'aperchoit l'espargne, Mais ce n'est pas par son voloir ; Ce li fait plus le cuer doloir K'il ne trueve ki sor lui fiere, Ke de ses plaies la haschiere.
De content en content s'acointe.
Adès li membre de s'acointe
Ki le chanse li ot tramis.
Bien s'est maintenus con amis :
Tant fu férus et tant feri Ke mut de sa force péri.
Par tôt le tornoi l'aventure Conoist on k'il n'a armeùre
32 FABLIAU LXXF 29O
Fors ke le chanse seulement.
En .XXX. liés crueusement
Fu navreis, mais ne recroit mie;
Toute jor maintient Teskermie
Tant ke li tornois fu espars.
On li done, de totes pars,
Le pris do tornoi, et envoie
Chascuns à l'hosté le convoie.
Ilh fait ses plaies remuer;
Por mal k'il ait ne puet muer
Ke ce chanse garder ne face,
Tout ensi ne vuet oster tache ;
Ne le donroit por tôt à perdre,
Ce jure ilh par le roi celestre.
Chascuns qui Tôt, mut s'en merveille.
Li escuiers soi rapareille, Ki le chanse avoit aporté; A sa dame a mut enorté K'ele pense do chevalier Ki por s'amur est contralhiés Tant k'il a del tornoi le pris, Mais tant a le cors entrepris De plaies ke niens est de vie :
« Lasse » dist ele, « s'ilh dévie.
Je serai de sa mort copable ; Il a mies fait son dit estauble Ke li autre dui ki plus dissent. »
— Dame » , fait chil, « le chanse prisent, Mais ne l'osèrent retenir. » L'escuiier fait sovent venir
320 DES .III. CHEVALIERS ET DEL CHAINSE l33
La dame al chevalier plaiiet ; Tout son despens li a paiiet Et son amur li a donée.
Chis dons a la plaie sanée Al chevalier, ki plus li grieve ; Por un petit k'il ne se lieve Contre le duch cop désiré.
Li autre dui sont mut iré, Cant ilh le chanse refusèrent ; En lor cuer forment s'en blâmèrent, Non pas sor tôt por le damage De Tamur de la dame sage ; Mais, por ce ke mains sont hardi Ke chil ki del prendre enhardi, Chascuns se tient à engeneis.
Li bachelers fu près saneis Des plaies k'al tornoi a prises.
Li maris à la dame aprises Avoit bêles cors à tenir; Encor les voloit maintenir, Car pas n'iert apovris d'avoir.
Ilh li prent volonteis d'avoir, Sor son fiez et sor ses tenures, Pestes de jostes, d'aventures; Tant porcacha k'eles i furent Toutes planieres; .viii. jors durent.
Après i out tornoiement.
Là ont donné main parement Et main mangier cortois et riche.
Li bachelers n'ot pas cuer niche,
34 FABLIAU LXXI 35o
Ki à la dame estoit maris ; Largece amoit plus ke Paris N'amaist onkes nul jor Helaine ; Cort tint ki ne fu pas vilaine.
Tôt chil ki vorent i mangierent Et orent kant k'il sohaidierent, Tant ke por boire et por m.angier.
La feme al seignor del mangier Servi, o li maintes puceles.
Li chevaliers plaiiés noveles Sout ke la dame sert à table A sa cort ki est honerauble.
Son chanse errament li renvoie Par son escuier, et li proie Ke por l'amur de li le veste, Tant k'ele ait servi à sa feste, Desore toz ses paremens ; Ce li ert mut aligemens.
Li escuiiers le chanse a pris ; A la dame, con bien apris, Dist son message sans mesprendre.
La dame tent sa main por prendre Le chanse ki mut ert solhiés, Et dist, por ce k'il est molhiés Dou sanc à son ami loiaul, Tient ele à parement roial Le chanse, car ors fins ne pieres Ne poroient estre si chieres Ke li sanc dont ilh estoit tains.
Et dist ke le vestiroit ains
38o DES .III. CHEVALIERS ET DEL CHAINSE l35
K'ele tenist vin ne viande,
Puis ke ses duz amis li mande.
Lors Tacole de bon corage,
Après le vesti. Or ne sa ge
Liqueis d'iausdous fist plus grantchoze
L'uns por l'autre ; chascuns l'en cose
De trestoz chiaus k'ele a servi
Et dient k'ele a deservi
C'on li face grant desonur,
Car ele l'a por faire onur
A aucun chevalier vesti.
Ilh sevent bien trestot cesti
Ke ses sires ne porsuit armes;
Trestot plerent à chaudes larmes
Por ce ke hors del sens le quident.
Cant ont mangié, sa sale vuident,
Es gardiens vont esbanoiier.
La dame al chanse reploiier
Et al regarder met s'entente.
Mut en fu à son seigneur ente,
Mais ilh ne fist semblant ne chiere;
On ne l'en vit muer manière,
Ne mains parler ne mains taisir.
Or prie Jakes de Basiu As bacheliers et as puceles.
As dames et as damoisieles Et as chevaliers ensiment, K'il fâchent loial jugement Liqueis d'iaz fist plus grant emprise : U chil ki sa vie avoit mise
l36 FABLIAU LXXI 386
En aventure amant sa dame,
U celé ki honte ne blame
Ne cremi tant ke lui irer;
Por s'amur s'ala atirer
Del chainse, si c'ai dit deseure ;
Jugiés droit, k'Amurs vos honeure.
