DES .III. CHANOINESSES

DE COULOINGNE

[par watriquet brassenel, de couvin]

Paris, Bibl. de l'Arsen., Mss. B. L. F., 3 18, fol. 84 v» à 88 r».

L n'a homme de si à Sens, S'adès vouloit parler de sens, C'on n'en prisast mains son savoir Qu'on fait sotie et sens savoir.

Qui set aucunes truffes dire,

Ou parlé n'ait de duel ne d'ire.

Puis que de mesdit n'i a point.

Maintes foiz vient aussi à point

A l'oïr que fait uns sarmons.

Il a chanoinesses à Mons,

Au Moustier seur Sambre, à Nivelé,

Et à Andaine riante bêle

Et trop plus assez à Maubeuge,

Mais ore droit conter vous veul ge,

Sans ajouter mot de mençoingne.

De .III. de celés de Couloingne

Et dire .i. poi de rêverie

Par covent que chascuns en rie Fael. m

S'il y a mot qui bien le vaille.

De longue rime ne me chaille, Mais briément, sanz prologue faire, Vous veuî dire et conter Tafaire De ces .m. dames Chanoinesses.

D'amor aprises et maistresses, L'art sorent tout et le mestier De quanqu'en amer a mestier ; Tant l'avoient lonc temps usé C'en tenoit ja pour refusé Leur cors et leurs biautez usées, S'erent ainssi que refusées.

Et non pourquant moût erent cointes Et jolies, et biaus acointes Orent racointiez de nouvel ; Ce les tenoit en grant revel Et faisoit en amour penser.

Or vous voudrai avant passer Et dire toute l'aventure D'eles et la vérité pure, Selonc ma vraie entencion.

Vigille iert d'une Assencion Que chascuns doit joie mener, Et Dieus, qui me volt amener A droit port, si bien m'asena Qu'à l'eglyse droit m'amena.

Si fui à bonne destinée Tant que grant messe fu fînée Et touz li mestiers Dieu fînez.

Je, qui pas n'estoie avinez

yS DES .III, CHANOINESSES DE COULOINGNE l39

Au matin ne beû n'avoie, Par mi le Cuer tornai ma voie Pour moi vers Tostel ravoier, Et Eùrs me volt convoier, Qui si très bien me convoia Qu'entre ces dames m'avoia, Où il faisoit si très bel estre C'iert uns fins paradis terrestre, Plains d'anges, de sains et d'ymages; Tant y avoit de biaus visages Et de douz qu'il me fu avis Qu'en regardant fusse ravis.

Onques n'oi si grant mélodie, Et si n'oi pas chiere esbahie.

Quant je fu à moi revenuz, Balades et Rondiaus menuz Leur dis et autres Dis d'amours, De Complaintes et de Clamours, Que moût très volontiers oïrent.

Et en l'oiant me conjoïrent Et dirent iere bons compains :

« Habandonnez te soit nos pains.

Nos chars, nos vins et nos ostez :

Jamais ne te sera ostez; Hons es pour soulacier malades.

Qui tant ses Rondiaus et Balades ; De toi ne doit estre se non Nus princes. Or nous di ton non Tant que bien t'aions cogneù.

T'avons nous autre foiz veù ^

Seroies tu nient Raniquès ?

— Non voir, dame, mais Watriquès

Sui nommez jusqu'en Areblois,

Ménestrel au Conte de Blois

Et si à monseignor Gauchier

De Chastillon. — Tant t'ai plus chier, »

Dist li une; « par saint Niquaise,

Avec moi disneras tout aise,

Car toutes aprestées sommes

De servir ceuls dont tu te nommes;

Si t'en verrai plus volentiers.

Mes ostieus est tiens touz entiers

Et quanque j'ai, de ce me vant.

Or me sui et g'irai devant :

Nous n'i serons qu'entre nous trois

Compaignes; li lieus est estrois :

En secré nous voulons baignier ;

Plus n'en i voil acompaignier ;

Là nous diras de tes bons mos.

Vien i, si voir que parler m'os,

Tu seras aise à volenté :

On m'a dès ersoir présenté

.II. chisnes cras et .m. chapons. »

Et je, sans faire autre respons,

Volentiers et de clere vois

Dis : « Dame, granz merciz. J'i vois;

Je ne m'en doi faire prier;

Je vous sivrai sanz detrier. h

Atant entrai dans la maison Où ja iert du mengier saison ;

l38 DES .III. CHANOINESSES DE COULOINGNE 14I

S'erent .11. des dames venues, Chascune en son baing toutes nues, Et le tierce, sans nul desdaing, Se despoille et entre en son baing, Conques pour moi n'i fist dangier.

Lors commenchames à mengier.

Ma table estoit assez près d'eles; Si les vi vermeilles et bêles Et esprises de grant chaleur, Que leur fesoit avoir couleur Li bains chauz et li bons vins frois, Dont assez burent sanz effrois.

Là fumes aise de touz poins, Et, quant il fu du parler poins, •*- Je commençai D'amer l'escok Qui l'amant à amer escole, Car eles le voudrent oïr.

Pour vie amoreuse esjoïr Et ceuls qui aiment de cuer fin.

Et, quant mes dis fu trais à fin Que chascune ot bien escouté.

En a Tune l'autre bouté Etdistrent que c'iert très bien dit.

Puis me firent .1. autre Dit Commencier par comandement, Qui parlast plus parfondement De paroles crasses et doilles, « Si que de risées nous moilles » , Dist l'une des mieus emparlées ; « Nous sommes compaignes quarrées

Di hardiment de quanqu'il touche A ....s, s'il te vient à la bouche; Ja n'en seras de nous repris.

Ne voulons pas choses de pris, Mais ce qui mieus rire nous face. »

Atant leur redreçai ma face ; Si leur dis le Dit, à briez mos,

Des .III et des mos,

Comment l'un l'autre rampona, Dont li Cons jugement donna Qu'ainz n'en fu bleciez ni quassez.

De ce ristrent eles assez Et d'autres bons mos que je di.

Atant au bien boire entendi ; Mes parlers lors fu acoisiez Tant que fui de touz poins aisiez, Et chascune à son droit aisie.

Lors parla la plus envoisie, Et dit que celé ait mal dehait Qui ne fera aucun souhait Tel qui as dames ne desplaise :

« Nous sommes ci à pais et aise ; Li disons gogues et risées ; Nous n'en poons estre accusées.

Car nous sommes en lieu secré. »

Lors dist celé au cuer plus letré.

« Honnie soit à cui il poise, Or faites abaissier la noise Tant que je aie souhaidié, Car Dieus proprement m'a aidié