DU VILAIN MIRE
Paris, Bibl. nat., Mss. fr. 83;, fol. i 89 r'^ à 141 r®, et Bibl.de Berne, Mss. 354,(01.49 v°à Sa r».
[ADis estoit uns vilains riches, [Qui moût estoit avers et chiches ; Une charrue adès avoit, Tos tens par lui la maintenoit
D'une jument et d'un roncin;
Assez ot char et pain et vin
Et quanques mestier li estoit,
Mes por famé que pas n'avoit
Le blasmoient moût si ami
Et toute la gent autressi :
Il dist volentiers en prendroit
Une bonne, se la trovoit;
Et cil dient qu'il li querront
La mellor que il troveront.
El pais ot .1. chevalier,
Viez hom estoit et sanz moillier,
S'avoit une fille moût bêle
Et moût cortoise damoisele.
Mes por ce qu'avoirs li failloit,
Li chevaliers pas ne trovoit
5o DU VILAIN MIRE
Qui sa fille H demandast, Que volentiers la mariast Por ce que ele estoit d'aage Et en point d'avoir mariage.
Li ami au vilain alerent Au chevalier, et demandèrent Sa fille por le païsant Qui tant avoit or et argent, Plenté forment et planté dras.
Il leur dona isnel le pas Et otroia cest mariage.
La pucele qui moût fu sage, N'osa contredire son père, Quar orfeline estoit de mère.
Si otroia ce qui li plot.
Et li vilains plus tost qu'il pot Fist ses noces et espousa Celi cui forment en pesa, S'ele autre chose en osast fere.
Quant trespassé ot cel afere Et des noces et d'autre chose.
Ne demora mie grant pose Quant li vilains se porpenssa Que malement esploitié a :
N'aferist mie à son mestier D'avoir fille de chevalier; Quant il ira à la charrue Li vassaus ira lez la rue A cui toz les jors ot foiriez.
Et quant il sera esloingniez
58 FABLIAU LXXIV 8o
De sa meson, li chapelain Vendra tant et hui et demain Que sa famé li foutera, Ne jamès jor ne l'amera Ne ne le prisera .11. pains :
« Las ! moi chetiz, » fet li vilains, « Oi ne me sai je conseillier, Quar repentir n'i a mestier. »
Lors se commence à porpensser Comment de ce la puist garder :
« Dieus ! » fet il, « si je la batoie Au matin quant je leveroie :
Ele plorroit au lonc du jor, Je m'en iroie en mon labor.
Bien sai, tant con ele plorroit, Que nus ne la donoieroit.
Au vespre quant je revendrai, Por Dieu merci la prierai, Je la ferai au soir haitie Mes au matin ert courroucie.
Je prendrai ja à li congié.
Se je avoie un poi mengié. « Li vilains demande à disner :
La dame li cort aporter; N'orent pas saumon ne pertris :
Pain et vin orent, et oes fris, Et du fromage à grant plenté Que li vilains ot amassé.
Et quant la table fut ostée, De la paume qu'ot grant et lée,
[O DU VILAIN MIRE lS<)
Fiert si sa famé lez la face
Que des doiz i parut la trace,
Puis Ta prise par les cheveus
Li vilains qui moût estoit feus,
Si Ta batue tout ausi
Con s'ele Teûst deservi;
Puis vait aus chans isnelement,
Et sa famé remest plorant.
« Lasse, » fet ele, « que ferai ?
Et comment me conseillerai ?
Or ne sai je mes que je die,
Or m'a mon père bien trahie
Qui m'a donné à cel vilain.
Cuidoie je morir de fain ?
Certes bien oi au cuer la rage
Quant j'otroiai tel mariage :
Dieus ! porqoi fu ma mère morte ! »
Si durement se desconforte.
Toutes les gens qui i venoient
Por li veoir s'en retornoient.
Ainsi a dolor démené
Tant que soleil fut esconssé
Que li vilains est repériez.
A sa famé cheï aus piez.
Et li pria por Dieu merci :
« Sachiez ce me fist Anemi
Qui me fist fere tel desroi ;
Tenez, je vous plevis ma foi
Que jamès ne vous toucherai :
De tant con batue vous ai
I 6o FABLIAU LXXIV
Sui je courouciez et dolenz. »
Tant li dist li vilains pulens Que la dame lors li pardone.
Et à mengier tantost li done De ce qu'ele ot apareillié; Quant il orent assez mengié, Si alerent couchier en pais.
Au matin li vilains pusnais Ra sa famé si estordie Por poi qu'il ne Ta mehaingnie, Puis s'en rêvait aus chans arer.
La dame commence à plorer :
(f Lasse, » dist ele, « que ferai ?
Et comment me conseillerai ?
Bien sai que mal m'est avenu :
Fu onques mon mari batu ?
Nennil, il ne set que cops sont :
S'il le seûst, por tout le mont, Il ne m'en donast pas itant. »
Que qu'ains:i s'aloit démentant, Esvos .II. messagiers le roi, Chascun sor un blanc palefroi ; Envers la dame esperonerent.
De par le roi la saluèrent.
Puis demandèrent à mengier Que il en orent bien mestier.
Volentiers leur en a doné ; Et puis si leur a demandé :
« Dont estes vous et où alez ?
Et dites moi que vous querez. »
