DU VILAIN M!RE

Li uns respont : « Dame, par foi, Nous sommes messagiers le roi; Si nous envoie .i. mire querre, Passer devons en Engleterre.

— Por quoi fere? — Damoiselle Ade, La fille le roi, est malade;

Il a passé .viii. jors entiers Que ne pot boivre ne mengier, Quar une areste de poisson Li aresta el gavion :

Or est li rois si corouciez ; S'il la pert ne sera mes liez. »

Et dist la dame : « Vous n'irez Pas si loing comme vous penssez, Quar mon mari est, je vous di.

Bons mires, je le vous afî; Certes il set plus de mecines Et de vrais jugemens d'orines Que onques ne sot Ypocras.

— Dame, dites le vous à gas ?

— De gaber, » dist ele, « n'ai cure, Mes il est de tele nature

Qu'il ne feroit por nului rien, S'ainçois ne le batoit on bien. »

Et cil dient : « Or i parra, Ja por batre ne remaindra; Dame, où le porrons nous trover ?

— Aus chans le porrez encontrer :

Quant vous istrez de ceste cort, Tout ainsi con cil ruissiaus cort

Fabl. m 2 1

Par defors celé gasté rue, Toute la première charrue Que vous troverez, c'est la nostre. Alez; à saint Père l'apostre, »

Fet la dame, « je vous commant. y)

Et cil s'en vont esperonant, Tant qu'ils ont le vilain trové.

De par le roi l'ont salué.

Puis li dient sanz demorer :

« Venez en tost au roi parler.

— A que fere ? » dist li vilains.

— Por le sens dont vous estes plains; Il n'a tel mire en ceste terre :

De loing vous sommes venu querre. »

Quant li vilains s'ot clamer mire,

Trestoz li sans li prent à frire ;

Dist qu'il n'en set ne tant ne quant.

« Et qu'alons nous ore atendant ? «

Ce dist li autres ; « bien sez tu

Qu'il veut avant estre batu

Que il face nul bien ne die ? »

Li uns le fîert delez l'oïe

Et li autres par mi/le dos

D'un baston qu'il ot grant et gros ;

Il li ont fet honte à plenté,

Et puis si l'ont au roi mené.

Si le montent à reculons

La teste devers les talons.

Li rois les avoit encontre ;

Si lor dist : « Avez rien trové ?

i3o DU VILAIN MIRE l63

— Sire, oïl, » distrent il ensamble.

Et li vilains de paor tramble.

Li uns d'aus li dist premerains Les teches qu'avoit li vilains, Et comme ert plains de félonie, Quar de chose que on li prie Ne feroit il por nului rien, S'ançois ne le batoit on bien.

Et dist li rois : « Mal mire a ci, Aine mais d'itel parler nVi.

— Bien soit batus puisqu'ainsi est, »

Dist un serjans, «je sui tout prest; Ja si tost nel commanderois.

Que je li paierai ses drois. »

Li rois le vilain apela :

« Mestre, » fet il, « entendez ça.

Je ferai ma fille venir,

Quar grant mestier a de garir. »

Li vilains li cria merci :

« Sire, por Dieu qui ne menti.

Si m'ait Dieus, je vous di bien ,

De fîsique ne sai je rien :

Onques de fisique ne soi. »

Et dist li rois : « Merveilles oi :

Bâtez le moi. » Et cil saillirent

Qui assez volentiers le firent.

Quant li vilains senti les cops,

Adonques se tint il por fols :

« Merci, )> commença à crier,

« Je la garrai sanz delaier. »

La pucele fii en la sale Qui moût estoit et tainte et pale, Et li vilains se porpenssa En quel manière il la garra; Quar il set bien que à garir Li covient il ou à morir.

Lors se commence à porpensser, Se garir la veut et sauver, Chose li covient fere et dire Par qoi la puisse fere rire Tant que Tareste saille hors, Quar el n'est pas dedenz le cors.

Lors dist au roi : « Fêtes .i. feu En celé chambre en privé leu; Vous verrez bien que je ferai, Et se Dieu plest, je la garrai. »

Li rois a fet le feu plenier ; Vallet saillent et escuier, Si ont le feu tost alumé Là où li rois Tôt commandé.

Et la pucele au feu s'assist Seur .1. siège que Ten li mist; Et li vilains se despoilla Toz nuz, et ses braies osta.

Et s'est travers le feu couchiez, Si s'est gratez et estrilliez :

Ongles ot grans et le cuir dur, Il n'a homme dusqu'à Samur Là on louast grateeur point Que cil ne fust moût bien à point.

290 DU VILAIN MIRE l65

Et la pucele qui ce voit,

A tout le mal qu'ele sentoit,

Vout rire, si s'en esforça

Que de la bouche li vola

L'areste hors enz el brasier.

Et li vilains sanz delaier

Revest ses dras et prent l'areste,

De la chambre ist fesant grant feste;

Où voit le roi, en haut li crie :

« Sire,, vostre fille est garie,

Vez ci l'areste, Dieu merci. )^

Et li rois moût s'en esjoï.

Et dist li rois : « Or sachiez bien

Que je vous aim seur toute rien.

Or aurez vous robes et dras.

— Merci, sire, je nel vueil pas.

Ne ne vueil o vous demorer :

' A mon ostel m'estuet aler. »

Et dist li rois : « Tu non feras.

Mon mestre et mon ami seras.

— Merci, sire, por saint Germain, A mon ostel n'a point de pain :

Quant je m'en parti ier matin.

L'en devoit carchier au molin. »

Li rois .11. garçons apela :

« Bâtez le moi, si demorra. »

Et cil saillent sanz delaier.

Et vont le vilain ledengier.

Quant li vilains senti les cops Es braz, es jambes et ou dos,

Merci lor commence à crier :

(( Je demorrai, lessiez me ester. »

Li vilains est à cort remez, Et si l'a on tondu et rez, Et si ot robe d'escarlate; Fors cuida estre de barate Quant les malades du païs, Plus de .iiii''''., ceTn'est vis, Vindrent au roi à celé feste.

Chascuns li a conté son estre ; Li rois le vilain apela :

« Mestre, » dist il, « entendez ça.

De ceste gent prenez conroi, Fêtes tost, garissiez les moi.

— Merci, sire, » li vilains dit, « Trop en i a, se Dieus m'ait.

Je n'en porroie à chief venir :

Si nés porroie toz garir. »

Li rois .11. garçons en apele.

Et chascuns a pris une estele, Quar chascuns d'aus moût bien savoit Porqoi li rois les apeloit.

Quant li vilains les vit venir, Li sans li commence à frémir :

« Merci, » lor commence à crier, « Je les garrai sanz arrester. »

Li vilains a demandé laingne, Assez en ot comment qu' il praingne :

En la sale fu fez li feus.

Et il meïsmes en fu keus.

35o DU VILAIN MIRE 167

Les malades i aûna,

Et puis après au roi pria :

« Sire, vous en irez à val,

Et testuit cil qui n'ont nul mal. o

Li rois s'en part moût bonement.

De la sale ist, lui et sa gent.

Li vilains aus malades dist :

« Seignor, par cel Dieu qui me fist.

Moût a grant chose à vous garir,

Je n'en porroie à chief venir :

Le plus malade en eslirai.

Et en cel feu le meterai ;

Si Tarderai en icel feu.

Et tuit li autre en auront preu,

Quar cil qui la poudre bevront.

Tout maintenant gari seront. »

Li uns a l'autre regardé,

Ainz n'i ot boçu ne enflé

Qui otriast por Normendie

Qu'eùst la graindre maladie.

Li vilains a dit au premier :

« Je te vol moût afebloier;

Tu es des autres li plus vains.

— Merci, sire, je sui toz sains Plus que je ne fui onques mais :

Alegiez sui de moût grief fais Que j'ai eu moût longuement ; Sachiez que de rien ne vous ment.

— Va donc h val ; qu'as tu ci quis? » Et cil a l'uis maintenant pris.

68 FABLIAU l.XXIV 38o

Li rois demande : « Es tu gari ?

— Oïl, sire, la Dieu merci ;

Je sui plus sain que une pomme :

Moût a ou mestre bon preudomme. »

Que vous iroie je contant?

Onques n'i ot petit ne grant Qui por tout le mont otriast Que l'en en cel feu le boutast, Ainçois s'en vont tout autressi Con se il fussent tuit gari.

Et quant li rois les a veûz, De joie fu toz esperduz.

Puis a dit au vilain : « Biaus mestre. Je me merveil que ce puet estre Que si toz gariz les avez.

— Merci, sire, jes ai charmez :

Je sai .1. charme qui mieus vaut Que gingembre ne citovaut. »

Et dist li rois : « Or en irez

A vostre ostel quant vous voudrez, Et si aurez de mes deniers Et palefroiz et bons destriers ; Et quant je vous remanderai.

Vous ferez ce que je voudrai :

Si serez mes bons amis chiers, Et en serez tenus plus chiers De toute la gent du païs. Or ne soiez plus esbahis, Ne ne vous fêtes plus ledir, Quar ontes est de vous ferir.