LA PLANTEZ

Bibl. de Berne, Mss. 3 54, fol- M^ r» à 146 v°.

IDE Deus qui tôt governe!

Il avint en une taverne

L'autre an, si con Acre fu prise.

Bien en ai la matire aprise, C'uns bachelers de Normandie, Dont maint gentil ome mandie, Se voloit disner par matin; Mais n'ot geline ne pocin Ne à mangier qui gaires vaille.

Fors un sol panet de maaille.

En sa main tenoit un denier; Si commanda au tavernier Que danrée de vin li traie; Et cil de noiant ne délaie.

Qui moût ert fiers et orgoillos Cointes, vasaus et otragos :

Au tonel vint grant aleûre, Trestote plaine la mesure Prant un henap : trestot de plain Au Normant lo mist en la main :

5o LA PLANTEZ I7I

« Tien, va » fait il, « isnelemant! » Lors li versa si roidemant El hanap que cil li tandi Que demi lo vin espandi Par son orgoil et par s'otrage.

Quant li Normanz vit son domage, Lors n'ot en lui que aïrier.

Qu'il ne li remaint c'un denier; Al tavernier escrie haut :

« Sire vasaus, se Deus me saut, De ton orgoil mestier n'avoie ! »

Et cil li respont : « Va ta voie, Fous musarz, espoir, se Dé vient, Ce est gaaigne qui te vient.

Car à celui qui vin espant Vient, ce dit l'an, gaaigne grant; Cist domages te doit moût plaire Li vins est près, si an fai traire; Ne me parler de tel lasté ; Maint hanap en ai or gasté, Ainz n'en fis chiere ne sanblant :

D'un mui n'en parleroie tant Con tu feroies de demie. »

Li Normanz l'ot; ne li sist mie Que li taverniers lo ranpone; Ainz voldroit mielz estre à Espone Qu'il nel corost, commant qu'il aille.

De sa borse oste une maaille; Si li dit que li aut boen erre Demie de fromache querre :

12 FABLIAU LXXV 8o

« Bau ça, » fait il; lors s'an torna,

Les degrez do celier monta,

Si en va moût tost et isnel.

Et li Normanz vint au tonel

Gommant que il praigne ne chiée,

Si a la broche hors sachiée.

Si fait lo vin aler par terre.

Cil qui lo fromache ala querre

N'a mie grantmant atandu ;

Quant il vit son vin espandu,

Moût ot au cuer et duel et ire.

Ançois que il volsist mot dire

Au Normant, ne à lui tochier,

Ala lo tonel estanchier.

Quant il ot la broche remise,

Au Normant vient, si li devise

Que vilainement a mespris

Par lo pan do sercot l'a pris :

Tôt li covient lo vin à randre,

O maintenant lo fera pandre.

Li Normanz dit : « Laissiez m'an pais :

Ainz plus fol de toi ne vi mais,

Ne sez tu que tu me deïs

D'un po de vin que m'espandis.

Je gaaigneroie à planté?

Or saches bien de vérité

Que .c. dobles doiz gaaigner.

Que en ton vin te puez baignier

Qui par ce celier cort à ruit *,

Par tans porras mener grant bruit