O LA PLANTEZ

Del gaaing qui te pant as iaux,

Laisse m'ester, et si di miauz,

Que moût te vient bien ta besoigne,

Si con ta parole tesmoigne;

Icest san m'as tu or apris. »

Adonc Ta li taverniers pris,

Si lo saisist par grant esforz;

Mais li Normanz fu granz et forz :

Contre un tonel Fa si hurté

A po ne Ta escervelé ;

Li chantés torne, c'est péchiez,

Et li toniaus s'est eslochiez

Que .III. des cercles en ronpirent,

Et les mesures jus chaïrent;

Tuit sont brisié li mazerin,

Baignier vos poissiez en vin

Par lo celier en plusor leus :

Or ont fait d'un domage deus;

Cil s'antretiennent duremant,

Mais li Normanz moût justemant

L'a entre .11. fonz aenglé :

Ja l'aûst mort et estranglé,

Quant li voisin i sont venu.

Lo tavernier ont secorru,

Et lo Normanz botent en sus ;

Mais onques ne lo tocha nus;

Mais tant li ont fait de desroi

Qui l'ont mené devant lo roi,

Qui que s'an lot ne qui s'an plaigne :

C'ert li cuens Hanris de Champaigne,

74 FABLIAU LXXV iS^

Qui tenoit la terre et Tanor.

Quant devant li vint la clamor,

Li taverniers tôt li reconte

Con li Normanz li ot fait honte ;

Tote sa perde li demande.

Et li rois au Normant commande

Et conjure que voir li die.

« Je n'an mantirai, » fait il « mie. »

Lors li a conté maintenant,

Si, con oï avez devant,

Conques mot n'en daigna noier.

Li rois demande au tavernier

Si ce est voirs que il a dit?

« Oïl, sire, sanz contredit.

Conques n'i a manti de mot. »

Et quant la gent lo roi ce ot.

Si bâtent lor paumes et rient,

Au roi Hanri trestuit et dient

Que mais si haute lecherie

Ne fut devant haut orne oïe ;

Por ce que il en ristent tant,

Se tindrent devers lo Normant,

Et li rois si a respondu :

« Qui a perdu j si oit perdu. »