VALLET AUS ,XII. FAMES

Paris, Bibl. nat., Mss. fr. 887, fol. i85 r» à 186 r«

1593, fol. i83 v» à 184 fO, et;25545,

fol. 75 r» à 76 fO.

EiGNOR, volez que je vous die >Que il avint en Normandie ?

Se dist cil de cui je Tapris, iC'uns damoisiaus de moût haut pn

Se vout ou pais marier.

Mes il dit et veut affier

Que ja n'aura famé en sa vie

S'il n'en a .xii. en sa baillie.

« Filz, » dist li pères, « que dis tu ?

Une m'en a si confondu

Que je ne puis ne ho ne jo.

Je deïsse volentiers ho,

S'a tant m'en peûsse passer;

Mes une m'a fet si lasser

Que je ne me puis mes aidier.

Filz, quar prenez une moillier,

Si essaiez que ce sera,

Tant que cis anz passez sera :

Se ne vous sert à vo voloir.

Je vous en ferai .11. avoir.

5o DU VALLET AUS .XII. FAMES 187

Ou .III., ou .IV., ou .V., ou sis,

Ou .VII., ou .VIII., ou .IX., ou dis,

Ou tant con vous onques voudrez :

Jamar de ce en douterez.

— Père, » dist li fils, « n'est pas bien,

Une seule ne feroit rien.

Et que vaut ce ? )> Tant ont parlé

Si parent, et tant Tont mené,

Qu'il li donent une pucele.

Qui moût ert avenanz et bêle.

La damoisele oï sovent

Du bacheler le ventement

Que ja jour famé ne prendroit,

Se .X. ou .XII n'en avoit;

Mes ele dist en son requoi

Qu'ains un an le fera si quoi,

S'ele le tient entre ses braz,

Qu'ele le fera clamer laz ;

Mètre le cuide en tele trape,

S'el le tient, ains qu'il li eschape,

Qu'il voldroit estre à Pempelune,

Se n'en eûst ne .11. ne une.

Quant li vallès espousé l'eut, Et sa famé le vous aqueut, De bel servir moût se pena; Et cilz qui veintre la cuida, La requiert aussi vivement; Et nuit et jor assaut li rent.

Tant qu'il en fu en grant ahan.

Ains que passast le demi an,

88 FABLIAU LXXVIII 8o

En fu il si très empiriez

Qu'il ne pot estre sus ses piez,

Que le cors li amenuisa,

Et le col li aggrellia

Qui souloit estre gros et plains;

Et or est de si lait pelains

Qu'il sambloit qu'il eûst langui.

Et sa famé le racuili

Et nuit et jor à dosnoier,

A acoler et à besier.

« Sire, » dist ele, « qu'avez-vous ?

Vous soliiez estre si prous.

Si aspres, et si remuanz, *

Et si vigrous et si ardans,

Que ne me lessiiez dormir :

Et or vous voi si quoi tenir

Que je croi bien en moie foi

Que vous amez autrui que moi.

— Ha! laz,» dist il, « Dieus n'i soit mie

A foi en ceste jalousie,

Moût ai or d'amer grant besoing,

Et moût vous en est pris grant soing.

— C'est mon, sire, se Dieus m'ait, Que mes ne me fêtes délit.

— Non voir, » dist il, « quar je me muir, Je n'ai fors les os et le cuir;

Por amor Dieu lessiez me ester,

Volez vos adès rioter ?

A mal chief viengne tel riote.

— Ci a, » dist ele, « bêle note :