DE L'EVESQUE
CLU I B E N E ï L O C O N ibl. de Berne, Mss. 3 54, fol. 88 v" à 90 fO.
NS evesques jadis estoit, Qui moût volantiers s'acointoit De dames et de damoiseles ; 'Qu'il en trovoit asez de bêles,
Et il lor donoit largemant.
Por ce faisoient son commant,
Car totes béent mais au prendre,
Et cil qui ne lor a que tandre,
N'en aura jamais bon servise:
Geste costume ont bien aprise.
Près de la cité de Baiues,
Ice m'est avis à .ii'. Hues,
Ot li evesques un repaire :
Riche maison i ot fait faire,
Je ne sai la vile nomer;
Sovant s'i aloit déporter
Li evesques, quant il voloit
Por ce que loin de vile estoit.
Uns prestes estut en la vile
Qui moût sot d'angin et de guile,
5o DE l'evESQ^UE lyg
Sa famé avoque lui avoit
Li prestes, que il moût amoit,
Et moût estoit preuz et cortoise,
Et à l'evesque moût en poise;
Si li a par mainte foiz dit
Et deveé et contredit
Qiie il l'ostast de sa maison :
Li prestes par bêle raison
Li dist que sofrir ne s'an puet.
(( Par nos ordres faire l'estuet^ »
Dit li evesques araumant,
(f Ou autremant je vos deffant
Que vos ne bevez ja de vin.
— Sire, foi que doi saint Martin, »
Fait li prestes, «ainz m'an tandrai De vin, si que n'en buverai. »
Atant repaire en sa maison Li prestes, et met à raison La prestresse que il a trovée :
« Par Deu,» fait il, « dame Auberée, Or m'est il trop mal avenu.
Que l'evesques m'a deffandu A boivre vin et deveé.
— Voire, sire, par les sainz Dé, Ja en bevez vos volantiers;
Or est il trop vostre guerriers, Qui vin à boivre vos deffant; Biau sire, son commandemant Covient tenir, ja n'en bevroiz.
Mais, par foi, vos lo humeroiz :
8o FABLIAU LXXVII
Quant li boivres vos est veez, Li humers vos est commandez De par moi, si le vos enseing. »
Li prestes n'ot mie en desdaing Ce que la dame commanda, Li boivre laissa, si huima Quant lui plot, et mestier en ot, Tant que li evesques lo sot, Je ne sai qui Tan encuza.
Lo provoire tantost manda; Si li deffant que il gardast Que jamais d'oie ne manjast Tant con sa famé aûst o lui.
« Sire, » fait il, « à grant enui Me torne ce et à contrere, Que vos me commandez à faire; Mais tôt ce ne vos vaut noiant, Je ne m'an irai pas riant. »
Li prestes plus n'i demora^ A sa famé tôt reconta Con il a les oes perdues, L'evesques li a deffandues :
« Dame, » fait il, «juré li ai Jamais d'oe ne mangerai.
— Voire,» fait ele, <( est il ensi?
Moût vos a ore maubailli, »
Fait ele, « li vilains escharz ; Par foi, vos manjeroiz des jarz A planté, qui que s'an repante.
Car vos en avez plus de trante.
IlO
DE l'evesq^ue i8:
— E non Deu,» fait il, « jel créant. » Ensinc lo refist longuemant,
Tant qu'a Tevesque refu dit, Et cil li refait contredit Que jamais ne gise sor coûte.
« Par foi, ci a parole estote, »
Fait li prestes, «que vos me dites, Je ne sui reclus ne hermites; Mais dès qu'il vos vient à plaisir.
Par quoi n'i doie je gésir ?
— Ensinc lo t'estuet il à faire. »
Atant se rest mis au repaire,
A sa famé se rest clamé ;
Et celé dit : « Oïr poez
Grant rage et grant forsenerie ;
Bien sai que ne vos aime mie
Li evesques ne n'a point chier ;
Mais tôt ce ne li a mestier.
Ne ne monte .11. angevins :
Un lit vos ferai de cousins.
Bien le ferai soëf et mol.
— Dame, foi que je doi saint Pol, »
Fait li prestes, « vos dites bien.
Or né lo dot je mais de rien,
Puisqu'ainsinc m'avez conseillié. »
Après ce n'a gaires targié Li evesques, que il ala En la vile, si demora Une semaine tote entière, Ainz que il retornast arrière.
52 FABLIAU LXXVII i ^o
Une borjoise en la vile ot Que li evesques moût amot, Qu'à chascune nuit, sanz faillir, Aloit avoque li gésir Qu'el ne voloit à lui aler Ou por promece ou por doner, Tant estoit fiere et orgoillose, Envers l'evesque desdaignose, Tant c'une nuit, si con moi sanble, Durent endui gésir ensanble ; Ensinc l'avoient porposé.
Mais trestote la vérité En sot li prestes auramant, Qui moût avoit lo cuer dolant De ce que l'evesques li dist Que famé avoc li ne tenist; Si Tan remanbre encore bien.
Et dit que ne l'aura por rien C'a la borjoise n'aut parler Maintenant, sanz plus arester ; S'an va à li, si li a dit :
« Dame, se li cors Dieu m'ait, Grant mestier ai de vostre aïe, Gardez que ne me failliez mie,' Que jamais ne vos ameroie.
— Sire, )> fet ele, « sel savoie Chose dont il vos fust mestiers, Jel feroie moût volantiers ;
Or me dites vostre plaisir.
— Dame, ne lo vos quier taisir, »
lyo DE l'evesq^ue i83
Fait li prestes, « ne vos anuit ; Li evesques qui doit anuit O vos gésir en vostre lit Et de vos faire son délit, Que l'an l'o m'a dit et conté.
Si me faites tant de bonté.
Comme m'amie et ma voisine.
Que vos darriere la cortine Me laissiez respondre et tapir ; Bien lo vos cuit encor merir.
Se tant volez faire por moi.
— Par foi, » fait ele, « je l'otroi, Ce ferai je moût liéemant, Alez donques delivremant :
Si vos muciez et reponez Volantiers quant vos lo volez. »
Lors se muce et se ratapine Et caiche darrier la cortine Tant que li jorz s'an fu alez.
Adonc ne s'est pas obliez Li evesques qui venir dut :
Atot .1111. serjanz s'esmut, A la borjoise vint tôt droit.
Qui privéemant l'atandoit.
Ni ot que li et sa baiasse.
Ne sai que plus vos en contasse.
Mais que li Hz fu atornez Qui bien estoit encortinez :
Dui cerge moût cler i ardoient Qui moût grande clarté gitoient.
La dame se coucha avant,
Et li evesques auraumant
Se recoucha sanz plus atandre,
Et li viz li commance à tandre
Quant il santi la dame nue :
Si volt monter sanz plus atandre,
Mais celé li contredit bien,
Et dit que il n'an fera rien :
« Sire, » fait ele, « ne vos hastez :
Se vos volez voz volantez
Faire de moi ne de mon con,
I covient que beneïçon
Li doigniez, et si lo seigniez
Ençoiz que vos i adesiez.
Qu'il ne fu onques ordonez :
La destre main en haut levez,
Sel beneïsiez maintenant
Tôt autresi hastivemant
Comme vos feriez demain
La teste au fil à un vilain,
Se vos li fasiez corone. »
L'evesques ot qu'el li sarmone.
Que ja à li n'aura tochié
Tant qu'ençois ait son con seignié.
Si dist : « Dame, foi que vos doi,
Qiianque vos dites, je l'otroi.
Vos lo volez, et jo voil bien,
Por ce n'i perdrai je ja rien. )^
Li evesques lo con seigna,
Et puis a ditjyer omnia;
26 DE l'evesq^ue i85
Ouanqu'il fait la beneïçon, Dit secula seculorum; Et li prestes, qui Fantandi, Maintenant amen respondi.
Et li evesques, quant il Tôt, Sachiez que grant peor en ot Quant a lo prevoire escoté, Puis a un po en haut parlé :
« Qui es tu, qui respondu as ? — Sire, » fait il, « je suis li lax, Cui tu viaus sa famé tolir.
Si con il te vient à plaisir, Et si m'as lo vin deffandu, Jamais par moi n'en ert beû.
Dès hui matin oï retraire Que tu voloies ordres faire :
Si i voloie estre, biau sire. »
Li evesques commance à rire , Et dit : « Or m'as. tu espié, Et bien sorpris et engignié :
Or te doin je congié de boivre, Et de mangier poucins au poivre, Et oes quant tu en voudrax, Et avoc toi ta famé auras ; Si garde que mais ne te voie ! »
Lors s'an tome cil à grant joie.
Fail. m
DU
