DE LA DAME QUI FIT .111. TORS I
La damoisele, c'est la voire, Estoit. amie à un provoire :
Moût Tamoit cil et ele lui, Et si ne lessast por nului Qu'ele ne feïst son voloir, Cui qu'en deûst le cuer doloir.
.1. jor au partir de Teglise Ot li prestres fet son servise; Ses vestemenz lest à ploier, Et si vint la dame proier Que le soir en un boschet viengne :
Parler li veut d'une besoingne, Où je cuit que pou conquerroie.
Se la besoingne vous nommoie.
La dame respondi au preste :
(c Sire, vez me ci toute preste, Cor est il et poins et seson, Ausi n'est pas cil en meson. »
Or avoit en ceste aventure, Sanz plus itant de mespresure, Que les mesons n'estoient pas L'une lez l'autre à .un. pas; Ainz i avoit, dont moût lor poise, Li tiers d'une Hue Françoise ; Chascune ert en un espinois .
Con ces mesons de Gastinois.
Mes li boschès que je vous nomme, Estoit à ce vaillant preudomme Qu'à Saint Ernoul doit la chandoile.
Le soir qu'il ot ja mainte estoile
Fabl. III 25
Parant el ciel, si con moi samble,
Li prestres de sa meson s'amble,
Et s'en vint el boschet seoir,
Por ce c'on nel puisse veoir.
Mes à la dame mesavint
Que sire Ernous ses mariz vint
Toz emplus et toz engelez,
Ne sai dont où il ert alez :
Por ce remanoir là covint.
De son provoire li sovint,
Si se haste d'aparellier,
Ne le vout pas fere veillier ;
Por ce n'i ot .m. mes ne quatre:
Après mengier petit esbatre
Le lessa, bien le vous puis dire;
Sovent li a dit : « Biaus douz sire,
Alez gésir, si ferez bien:
Veillier grieve sor toute rien
A homme quant il est lassez;
Hui avez chevauchié assez. »
L'aler gésir tant li reprouche,
Par pou, le morsel en la bouche,
Ne fet celui aler gésir.
Tant a d'eschaper grant désir.
Li bons.escuiers i ala,
Qui sa damoisele apela,
Por ce que moût la prise et aime.
a Sire, » fet ele, « il me faut traime
A une toile que je fais,
Et si m'en faut encor grant fais
I08 DE LA DAME QUI FIT .III. TORS igS
Dont je ne me sai garde prendre, Et je n'en truis nés point à vendre : Par Dieu si ne sai que j'en face.
— Au deable soit tel filace, »
Dist li escuiers, « con la vostre !
Foi que je doi saint Pol l'apostre, Je voudroie que fust en Saine. »
Atant se couche, si se saine,
Et cele se part de la chambre.
Petit sejornerent si membre, Tant qu'el vint là où cil l'atent.
Li uns les bras à l'autre tent :
Iluec furent à grant déduit.
Tant qu'il fu près de mienuit.
Dou premier somme cil s'esveille, Mes moût li vient à grant merveille, Quant il ne sent lez lui sa famé :
« Chamberiere, où est vostre dame ^
— Ele est là fors en cele vile Chiés sa commère où ele file. »
Quant cil oï que là fors iere,
Voirs est qu'il fîst moût laide chiere;
Son sorcot vest, si se leva.
Sa damoisele querre va.
Chiés sa commère la demande,
Ne trueve qui reson l'en rande,
Qu'ele n'i avoit esté mie;
Es vous celui en frénésie.
Par delez cels qu'el boschet furent,
Ala et vint : cil ne se murent;
9^ FABLIAU LXXIX i38
Et quant il fu outre passez :
« Sire, » fet ele, « or est assez, Or covient il que je m'en aille.
— Vous aurez ja noise et bataille, »
Fet li prestres; « iceme tue
Que vous serez ja trop batue.
— Onques de moi ne vous soviengne, Dant prestres, de vous vous coviengne, » Dist la damoisele en riant.
Que vous iroie controuveant ?
Chascuns s'en vint à son repère ; Cil qui se jut, ne se pot tere :
« Dame, orde vilz pute provée, Vous soiez or la mal trovée, »
Dist li escuiers. « Dont venez?
Bien pert que pour fol me tenez. »
Celé se tut et cil s'esfroie :
« Voiz pour le sanc, et pour le foie, Por la froissure et por la teste, Ele vient d'avoec nostre preste. »
Issi dit voir, et si nel sot.
Celé se tut, si ne dist mot.
Quant cil ot qu'el ne se desfent, Par .1. petit d'iror ne fent, Qu'il cuide bien en aventure Avoir dit la vérité pui-e.
Mautalenz l'argue et atise, Sa famé a par les treces prise ; Por le trenchier son coutel tret :
l68 DE LA DAME QUI FIT .111. TORS I97
« Sire, » fet el, « por Dieu atret, Or covient il que je vous die.
Or orrez ja trop grant voisdie, J'amaisse mieus estre en la fosse :
Voire est que je sui de vous grosse, Si m'enseigna l'en à aler Entor le moustier, sanz parler, • Iii. tors, dire .m. patrenostres En l'onor Dieu et ses apostres; Une fosse au talon feïsse, Et par .III. j ors i revenisse :
S'au tiers jorz ouvert le trovoie, C'estoit un fils qu'avoir dévoie, Et s'il estoit clos, c'estoit fille.
Or ne revaut tout une bille, »
Fet la dame, « quanques j'ai fet ; Mes, par saint Jaque, il ert refet. Se vos tuer m'en déviiez. »
Atant s'est cil desavoiez De la voie où avoiez iere ; Si parla en autre manière:
« Dame, » dist il, « je, que Savoie Du voiage ne de la voie ?
Se je seùsse ceste chose.
Dont je à tort vous blasme et chose, Je sui cil qui mot n'en deïsse Se je anuit de cest soir isse. »
Atant se turent, si font pès.
Que cil n'en doit parler jamès,
De chose que sa famé face.
Ne n'orra noise ne menace.
RuTEBUES dist en cest fablel :
Quant famé a fol, s'a son avel.
Explicit de la Damt qui fît .111. tors cntor le moustier.
