DU VILAIN AU BUFFET

Paris, Bibl. nat., Mss. fr. 837, fol. 275 v° à 277 r",

i553, fol. 5d5 r» à 5o6 r»,

et iSgS, fol. 118 v'' à 120 v°.

^ui biau set dire et rknoier, Bien doit sa science avoier |A fere chose où Ten aprenge, Et dire que l'en n'i mesprenge.

Et cil ne fet mie folie

Qui d'autrui mesfet se chastie.

Li cortois cuers et li gentiz ^o^.^ c^.^u.„

Est bien à apenre ententiz; jat'.>.0

Mes li mauvais, fel et envers

Est à mal aprandre aouvers;

Li faus bons avers et traites

Si est toz jorz embrons et tristes,

Quant il ot le bien recorder,

Quar il ne s'i puet acorder.

Quant il ot aucun conteor,

Si dist : « Oiez quel menteor!

Cist en tuera ja tels vint.

Dont ainz nus à estor n'en vint,

N'onques ne furent né de mère. »

Moût par li est au cuer amere

OO FABLIAU LXXX 5o

L'example des biens qu'il ot dire, Que toz muert et d'anui et d'ire ; Mes l'en devroit bien escouter Conteor quand il veut trover.

Por coi? por ce c'on i aprent Aucun bien, qui garde s'en prent.

D'ore en avant cis fabliaus conte Qu'il ot en l'ostel à .i. conte .1. seneschal, si con je cuit, Félon, et aver, et recuit:

De toz maus vices estoit plains;

Sachiez qu'il ne fust gueres plains De nului qui leenz venist,

S'aucuns anuis li avenist,

Quar plains estoit de mal afere.

Quant il veoit son seignor fere

A nului bien, si se dervoit;

Por .1. petit qu'il ne crevoit

D'orgueil, et d'anui, et d'envie.

Li quens, qui menoit bone vie,

Qui plains estoit de grant renon,

Ne se fesoit se rire non

De la mauvestié de celui,

Quar bien voit qu'il n'aime nului

Qui herbergier viengne en l'ostel.

Conquis i ot cil .i. los tel.

Que trestoz li mons le haoit,

Qui sa mauvestié connissoit.

Et li vilains, comme porciaus, .

S'encressoit, et plains ses bouciaus

8o DU VILAIN AU BUFFET 201

Bevoit de vin en larrecin, Maint cras chapon et maint poucin Menja toz seus en sa despensse; A autre honor fere ne pensse.

Li quens, qui fu et preus et sages, Envoie par tout ses messages, Et mande qu'il veut tenir cort.

Renommée, qui par tout cort.

Est par le païs espandue :

A cort vienent sanz atandue Escuier, chevalier et dames.

Qui tant ne font pas por lor âmes.

Comme il fesoient por les cors ; Et sachiez, tels est mes recors.

Qui tant por les âmes feroit Con por les cors, ne sofferroit En enfer paine ne torment.

Moût i ot riche atornement ; Quiconques veut, en la cort entre.

Tels i vient au mien escientre, Qui onques n'ot saouls esté Ne en iver, ne en esté, Mes tuit ont assez à mengier .

Vins et viandes sanz dangier, Quar li quens Tavoit comandé.

« Moût en somes ore amendé, »

Fet li seneschaus, « en maleur; Il n'i metent gueres du leur :

Si demande chascuns qui vient Quanqu'il li estuet et covient, Fabl. m 26

02 FABLIAU LXXX l lo

Aussi qu'il ne coustast .i. oef;

S'en i vienent tels .xxx. et noef,

Qui pieça ne furent saoul. »

Atan tez .i. vilain Raoul,

Un bouvier qui vient de charrue ;

Li seneschaus celé part rue

Ses iex, s'a choisi le vilain

Qui moût estoit de lait pelain :

Deslavez ert, s'ot chieflocu;

Il ot bien .l. anz vescu.

Qu'il n'avoit eu coiffe en teste.

Mauvestiez, qui maint homme enteste

A fere anui et vilonie,

Et cruauté et félonie,

A si le seneschal sorpris,

A poi qu'il n'est de duel espris.

Quant le vilain vit enz entrer,

Yenuz li est à rencontrer

Corouciez, souflez et plains d^ire ;

Maintenant si li prinst à dire :

« Veez quel louceor de pois;

Vous estes venus, seur mon pois,

Ceen^, foi que doi saint Espir ;

Jut a ou palier por crespir,

Vez comme il fet la paelete :

Il covient mainte escuelete

De porée à farsir son ventre.

La maie passions i entre,

Ja n'ert bons tans tant comme il vive. »

Ainsi li seneschaus estrive.

L^O DU VILAIN AU BUFFET 2o3

Qui toz muert de duel et d'engaingne.

« Noiez soit en une longaingne,

Qui la voie vous enseigna ! »

Li vilains Tôt, si se seigna,

Et fist croiz de sa destre main.

« Sire, )) fet il, « por saint Germain,

Je vieng mengier, car j'oï dire

Que tuit en ont sanz contredire :

Si ne me sai où asseoir.

— Je te presterai .1. seoir, »

Ce dist li seneschaus par truffe ;

La paume hauce, une grant buffe

Li done, puis fet .i. sifflet:

« Or sié, » fet il, « sor cest buffet

Que je te preste, or te sié sus. »

Li seneschaus se trest en sus,

Se li a fet nape livrer,

Et mes et vin por enyvrer

Li fet doner à grant foison,

Por ce qu'avoir puist achoison

Que il peûst le vilain batre,

Que dès or se gardast d'embatre

En la cort a prince n'a conte.

Que vous feroie plus lonc conte ?

Li quens manda les ménestrels,

Et si a fet crier entr'els.

Qui la meillor truffe sauroit

Dire ne fere, qu'il auroit

Sa robe d'escarlate nueve.

L'uns ménestrels a l'autre rueve

Fere son mestier tel qu'il sot ; L'uns fet l'ivre, l'autres le sot, Li uns chante, li autres note, Et li autres dit la riote.

Et li autres la jenglerie; Cil qui sevent de jouglerie, Vielent par devant le conte, Aucuns i a qui fabliaus conte, Où il ot mainte gaberie, Et li autres dit VErberie Là où il ot mainte risée.

Li vilains qui avoit penssée De lui vengier de son mesfet Que li seneschaus li ot fet, Tant atentque tuit furent qoi.

Li seneschaus, ne sai por qoi.

S'en vint conter devant le conte ; Qpi que li senechaus li conte, Li vilains sa nape a cueillie :

Tout bêlement sanz escueillie.

S'en vient devant le conte et garde Le seneschal qui ne se garde De lui, à son seignor entent :

Et li vilains la paume estent Qu'il ot dure et plaine de gales ; N'ot si fort homme jusqu'en Gales; Plus l'eûst dure, au mien cuidier.

Tout ausi comme à souhaidier; En la joe un grant cop li frape.

Puis dist : « Vo buffet et vo nape

)0 DU VILAIN AU BUFFET 2o5

Vous rent, ja ne Ten quier porter; A homme fet mauves prester Qui ce ne rent que l'en li preste. »

Tantost la mesnie s'apreste Au conte, por le vilain batre ; Dolent sont quant voient abatre Le seneschal aus piez le conte ; Mes li quens a dit que le conte Voura oïr, et le por qoi Il Ta féru; lors furent qoi, Puis que li sires le comande.

Et li quens au vilain demande Por qoi son seneschal laidi :

« Trop par eus le cuer hardi.

Quant tu devant moi féru Tas, Tu es cheûs en mauvais las; Et si as fet grant mesprison :

Garder te ferai ma prison.

— Sire, » fet cil, « or m'entendez.

Et .1. petitet m'escoutez :

Orainz quant je ceenz entrai, Vostre seneschal encontrai Qui est fel, et glous, et eschars ; Ses félons mos et ses eschars Me dist assez, et ramposna ; Une grant bufTe me dona.

Et puis si me dist par abet Que seïsse sor cel buffet.

Et si dist qu'il le me prestoit. Puis à mengier m'aporteroit ;

;o6 FABLIAU LXXX

Et quant j'ai beû et mengié, Sire quens, qu'en feïsse gié, Se son buffet ne li rendisse?

Je cuit moût bien que g'i perdisse :

Tost i peûsse avoir domage ; Rendu li ai par tesmoingnage, Si que vous bien veû l'avez.

Sire quens, ainz que vous lavez, Jugiez se j'ai de rien mespris Por qoi je soie ceenz pris; Quar bien li ai rendu, je cuit :

S'est droiz li seneschaus m'acuit, Quant li rent ce qu'il m'a preste, Et vez me ci tôt apresté D'un autre buffet rendre encore.

Se cil ne li siet qu'il ot ore. »

Li quens en a geté .i. ris, Qui ot non mesire Henris, Et lors commença la risée, Qui en pièce ne fu finée.

Li seneschaus ne set que face, Qui sa main tenoit à sa face.

Qui durement li frit et cuist ; Ce qu'il voit rire li anuist :

Au vilain feïst moût de honte, Mes il n'en ose por le conte Qui durement l'a desfendu.

Et dist li quens : «11 t'a rendu Ton buffet, et ce qu'ot du tien. »

Et dist li quens au vilain : « Tien

s6o DU VILAIN AU BUFFET

Ma robe qui n'est pas usée, Quar fet as la meillor risée Seur toz les autres ménestrels. » Li ménestrel dient entr'els :

« Par foi, sire, vous dites voir, Quar il la doit moût bien avoir :

One mes si bon vilain ne vi, Vo seneschal a bien servi; Rendu li a sa cuivertise ; Por ce est fols, qui mal atise.

Et qui à mal fere labeure ; Ce que sires done et sers pleure.

Sachiez ce sont lermes perdues.

Ils sont unes genz esperdues Qui à nul bien ne se regardent.

Que ce qu'il ont à garder, gardent Si estroit, que nul bien n'en font.

Que toz li biens en lor mains font.

Que nus n'en a ne preu ne aise ; Moût est la richoise mauvaise, Dont li sires n'est honorez.

Disons tuit, Dieus soit aorez Du seneschal qui batuz fu ; Ars et bruiz soit en .i. fu Qui le bien à fere destorne. »

Li vilains de la cort s'en torne.

Qui la robe au seignor enporte ; Et, quant il fu hors de la porte.

Si dist à soi : « Qui siet, il sechcy i) Et puis si dist : « Qui va, il lèche ;

S'a mon ostel fusse arestuz,

Ne fusse à pièce revestuz

De robe d'escarlate nueve ;

L'en dit : Qui bien chace, bien trueve. »

Explicit du Vilain au Buffet.