IO

FABLIAU LXXXI 5o

Et, quant Tame reseûe a, Vers la porte s'en retorna.

L'ame trouva qui seule estoit, Demanda qui la conduisoit :

« Çaienz n'a nus herbergement, Se il ne l'a par jugement :

Ensorquetot; par seint Alain, Nos n'avons cure de vilain, Quar vilains ne vient en cest estre.

— Plus vilains de vos n'i puet estre, Çà, » dit l'ame, « beau sire Pierre ; Toz jorz fustes plus durs que pierre.

Fous fu, par seinte paternostre, Dieus, quant de vos fist son apostre Que petit i aura d'onnor, Quant renoias Nostre Seignor ; Moût fu petite vostre foiz.

Quant le renoiastes .m. foiz; Si estes de sa compaignie.

Paradis ne vos affiert mie.

Alez fors, or tost, desloiaus, Quar ge sui preudons et loiaus ; Si doi bien estre par droit conte. »

Seins Pierres ot estrange honte ; Si s'en torna isnel le pas Et a encontre seint Thomas; Puis li conta tôt à droiture Trestote sa mesanventure.

Et son contraire et son anui.

Dit seinz Thomas : « G'irai à lui.

8o DU VILAIN QUI CONQUIS! PARADIS 2 I I

N'i remanra, ja Dieu ne place! »

Au vilain s'en vient en la place :

« Vilains, » ce li dist li apostres,

« Cist manoirsj5St toz quites nostres,

Et as martirs et as confès ;

En quel leu as tu les biens fais

Que tu quides çaienz menoir ?

Tu n'i puez mie remanoir,

Que c'est li osteus as loiaus.

— Thomas, Thomas, trop es isneaus

De respondre comme legistres ;

Donc n'estes vos cil qui déistes

As apostres, bien est seû,

Quant il avoient Dieu veû

Enprès le resuscitement ?

Vos feïstes vo sei rement

Que vos j a ne le querriez

Se ses plaies ne sentiez ;

Faus i fustes et mescreanz. »

Seinz Thomas fut lors recreanz

De tencier, si baissa le col ;

Puis s'en est venuz à seint Pol,

Si li a conté le meschief.

Dit seinz Fols : « G'irai, par mon chief,

Savoir se il vorra respondre. »

L'ame n'ot pas poor de fondre,

Aval paradis se déduit :

« Ame, » fait il, « qui te conduit?

Où as tu faite la déserte

For quoi la porte fu ouverte ?

212 FABLIAU LXXXI no

Vuide paradis, vilains faus!

— Qu'est ce ? » dit il, « danz Pois li chaus, Estes vos or si acoranz Qui fustes orribles tiranz?

Jamais si cruels ne sera; Seinz Etienes le compara, Que vos feïstes lapider.

Bien sai vo vie raconter ; Par vos furent mort maint preudome.

Dieus vos dona en son le some Une buffe de main enflée.

Du marchié ne de la paumée N'avon nos pas beû le vin?

Haï, quel seint et quel devin !

Guidiez que ge ne vos connoisse ? »

Seinz Pois en ot moût grant angoisse.

Tornez s'en est isnel le pas.

Si a encontre seint Thomas Qui à seint Pierre se conseille ; Si li a conté en l'oreille Du vilain qui si l'a masté :

« En droit moi a il conquesté Paradis, et ge li otroi. »

A Dieu s'en vont clamer tuit troi.

Seinz Pierres bonement li conte Du vilein qui li a dit honte :

« Par parole nos a conclus ; Ge meïsmes sui si confus Que jamais jor n'en parlerai. »

Dit Nostre Sire : « Ge irai,

140 DU VILAIN QUI CONQUIST PARADIS 2l3

Quar oïr vueil ceste novele. »

A Tame vient et si Tapele, Et li demande con avint Que là dedenz sanz congié vint :

« Çaiens n'entra oncques mes ame Sanz congié, ou d'ome ou de feme ; Mes apostres as blastengiez Et avilliez et ledengiez, Et tu quides ci remanoir!

— Sire, ainsi bien i doi menoir Con il font, se jugement ai, Qui onques ne vos renoiai, Ne ne mescreï vostre cors.

Ne par moi ne fu onques mors ; Mais tout ce firent il jadis, Et si sont or en paradis.

Tant con mes cors vesqui el monde, Neste vie mena et monde; As povres donai de mon pain ; Ses herbergai et soir et main, Ses ai à mon feu eschaufez ; Dusqu*à la mort les ai gardez, Et les portai à seinte yglise ; Ne de braie ne de chemise Ne lor laissai soffrete avoir; Ne sai or se ge fis savoir ; Et si fui confès vraiement, Et reçui ton cors dignement :

Qui ainsi muert, l'en nos sermone Que Dieus ses péchiez li pardone.

2^ FABLIAU LXXXI 1 6o

Vos savez bien se g'ai voir dit :

Çaienz entrai sanz contredit ; Quant g'i sui, por quoi m'en iroie?

Vostre parole desdiroie, Quar otroié avez sanz faille Qui çaienz entre ne s'en aille; Quar vos ne mentirez por moi.

— Vilein, » dist Dieus, « et ge l'otroi; Paradis a si desresnié Que par pledier Tas gaaingnié ; Tu as esté à bone escole, Tu sez bien conter ta parole ; Bien sez avant mètre ton verbe. »

Li vileins dit en son proverbe Que mains hom a le tort requis Qui par plaidier aura conquis; Engiens a fauxée droiture, Fauxers a veincue nature ; Torz vait avant et droiz aqrce :

Mielz valt engiens que ne fait force.

Explicita